¹ Ganamǝ, Saulo kpɔtɔ ilǝ dó vɔ́nvɔ́n nǝ́ axótɔ́á yǝ dǝkprɔviwó be yeawuwó, eyi efiɔ gbɔ. ² Í vɛ bíɔ́ có gbɔ́ bǝ náwɔ wǝmá nǝyǝ nǝ ya seŋ yi ehamǝ kǝ lǝ Damasko a mǝ nǝ yatǝŋ lǝ amǝ desiadǝ ke lǝ axotɔ́á ye mɔ́njiawó, eteŋ nyi ŋúcu aló nyǝrun. ³ Ke Saulo le ye mɔnzɔnzɔan ji yikɔ í tǝbɔ Damaskoa, kǝnkrǝn déká có jiŋkui ivá trɔdǝ í icí doŋdomǝ. ⁴ Egǝ́jɛn í le segbǝ deka be:"Saulo, Saulo" nukei jɔ í elǝ ti tiŋ yomǝ ma? ⁵ Saulo lǝ biɔ́ se bǝ́:< ewó mǝ kǝ í?>> Egbǝa lǝ dóŋú nɛn bǝ:"Enyǝ inyi Yesu, Amǝkǝ ye yomǝ eletia. ⁶ Có nǝ náyi duamǝ nǝ wánú enu ke ááwɔa nǝ́ wó. ⁷ Ye kidǝ amǝ ke zonmɔn yikɔawó enyɔvɔtǝwó, togbɔ́ bǝ wolǝ se egbǝa, wo ŋlǝ kpɔ amǝdǝ o. ⁸ Sáulo có í kǝ ŋkuvi vɔa ŋlǝ kpɔ nunu o. Wolǝ́ alɔ nǝ ikprɔɛ yi Damasko duamǝ. ⁹ Enɔ enǝ́ nkeke amǝtɔn ŋkpɔ́nú o, ŋdunú o i ŋnu enú dǝ́ o. ¹⁰ Adǝkprɔvi dǝ́ká le damasko ke wó yɔ́nǝ́ be Anania. Ekpɔ́ ŋƭǝgan deka ke mǝ axotɔá le nu nɛ be:"Anania!" Etɔ nɛn be:"Axótó, enyǝ kǝ." ¹¹ Axótɔ́a nú nɛn bǝ́: Có nǝ́ nayi le fi wó yɔmǝ́ bǝ emɔjɔjɔji nǝ na ka Yuda ye xómǝ tasǝ, nǝ edó axaámǝa, nábiɔ ŋúcu ke wó yɔnǝ bǝ Saulo í icó Tarso ta sǝ. Ŋúcua lǝ xodǝ. ¹² Íkpɔ deka ke yeŋkɔ nyi Anania le ŋteganmǝ í va hun ŋkuvi nɛn. ¹³ Anania do ŋú nǝ́ Axotɔ́á bǝ́:"Axotɔ, ŋse í amǝ sugbɔ lǝ nu be ŋúcua wɔ nú bada kidǝ tɔɔmǝ ke lǝ Yerusalemawo. ¹⁴ Wobǝ exɔ gbǝ có efiɔ gáŋgán kǝ lǝ Yerusalemawo gbɔ́ be yavá lǝ amǝkǝ lǝ sǝnwó lǝláwó." ¹⁵ Axótɔá dó ŋú nɛn bǝ:"Yi dóbǝ́ ŋcan aman bǝ nányi edɔwɔnúŋ. Efiɔwó kidǝ Israel dukɔn mǝtɔ́wó see nányá tiŋ ŋ́kɔ́. ¹⁶ Nye ŋtá maákprɛ sigbǝnǝ akpǝfun de tiŋ ŋkɔa taa. ¹⁷ Í Anania có iyi axóke mǝ Saulo lǝa mǝ. Eda sí dejí í bǝ́: Nɔvi Saulo, Axótɔ́ Yesu ke edogo le mɔ́nji ke egbɔnɔa dɔŋ didá be mavá hun ŋkuví nǝ́wo nǝ naxo didá be mává hun ŋkuví nǝ́wo nǝ́ naxo gbɔngbɔn kɔkɔa. ¹⁸ Zedeka enu dǝ́kǝ́ dǝ lǝ ŋkúvi jí mǝ Saulo sigbe nǝ akpa enǝ́ í itɔ́ nú kpɔkpɔ í có í wó dǝcita nɛn. ¹⁹ Edunú í kpɔ́ ŋusǝn. Saulo nɔ xɔsǝtɔ́ kele Damaskoawo gbɔ kǝkǝ azan jǝ. ²⁰ Eyi bɔbɔ wo mǝ ivɛ dǝ gbǝfan be:"Yesu inyi mawuviá." ²¹ Enuá kpácá amǝke le dotoeawó í wo le bió se bǝ:" Ŋnyi ŋucu ila i tu nú kide Amǝkǝ xɔ Yesu ji se le Yerusalemawo á? Í kaanǝ susu ŋna ke ta í iva lela be yavá lǝ́ amǝkǝ le sǝn Yesua wo seŋ yi efiɔwó gbɔo? ²² Eŋúsen Saulo ŋu wú dɛ́cá, í arɔkpa ke í dǝ gɔmǝ be Yesu inyi Kristoa, yo mǝ kɔ keke Damasko tɔ́wó nu kú. ²³ Ke azan jǝa Yudatɔ́wó ká atabú be yeváwu Saulo. ²⁴ Vɔa ésǝ, Yudatɔ́wó lǝ jɔ agbɔáwó nu ezan kide nyidǝn bǝ nǝ ido Ye váwui. ²⁵ Gedeka ezan mǝa, Saulo ye dekprɔviwó cɔ́ɛ dǝ́ kisi mǝ do tó fɛtɛú mǝ, í didii brɛwu dǝ anyigban mǝ í iyi. ²⁶ Ke Saulo va dó Yerusalema, ejibǝ́ yadó adǝkprɔviwó mǝ vɔ wó see le vɔnvɔn, dobe wó ŋkadǝji becá nyi adǝ kprɔvi o. ²⁷ Barnaba kprɔɛ vá amǝdɔ́dɔ́awó domǝ exónu nǝ wó có sigbǝnǝ Axotɔ́á zǝ nǝ Saulo a, kidǝ sigbenǝ ixonu nɛn mɔn kide arɔkpa ke Saulo dǝ gbǝfan vɔnvɔn manɔmǝ tɔ lǝ Damasko ŋu. ²⁸ Nǝnǝ́i Saulo cá dó wó mǝ lǝ Yerusalem í nú mawunyɔ vɔnvɔn manɔmǝ lǝ Yesu ye ŋkɔ mǝ. ²⁹ Éjronyɔn mǝ kidǝ́ Yudátɔ́ ke donǝ he lagbǝawó, i wó jimɔn lǝŋú be yǝwawú. ³⁰ Ke nɔ viáwó sea, wó kprɔɛyi Kaisero í cɔ́ɛ dida Tarso. ³¹ Xotɔ an, ehamǝ kelǝ Yudea, Galilea kide Samariawó tomǝ fá, í wó cidǝji. Wónɔn agbǝ de Mawu ye nyɔanu í ji dǝji, dobe gbɔngbɔn kɔkɔa nɔn kidǝwó. ³² Petro disa tó xɔsǝtɔ́wó ji to tohó sugbɔ. Ǝyi lidá cá í vɛ kpɔ́ amǝ kǝ ye ŋtí wó kɔawó. ³³ Ǝdogo ranmǝtútútɔ́ deka ke wó yɔ́ nǝ́ be Ainǝa, ŋ́uculá nɔ edɔ ba jí nǝ éxo amɛnyi. ³⁴ Zédǝká Petro nu nɛn bǝ:"Ainǝa, Yesu Kristo dadɔ nǝ́ wo. có nǝ́ nacɔ́ tɔ́bǝ Ainǝa có zedeka." ³⁵ Ke amea le Lida kidǝ Saronawo kpɔ́ɛa, wó xɔ axótɔa ji see. ³⁶ Nyɔrun enukprátɔ́ déká nɔn yopa ke wó yɔ́nɔ́n bǝ́ Tabita. < lǝ helagbǝ mǝ bǝ Dɔrkas kǝ gɔmǝ lǝ nyi ZIKPIN>>.Ewɔ dɔ nyɔŋgbin sugbɔ í nyɔadǝ dǝ exrɔawo ŋú. ³⁷ Evá lǝ́dɔ í kú. Ke wó leci nɛn jrɔ́á, wocɔ́ɛ mrɛ dǝ mawuxɔ jí. ³⁸ Lida ŋoliŋ kidǝ yopa o, í ke enukprátɔ́áwó se bǝ Petro lǝ lida, wódɔ́ amǝ amǝvǝ be wávɛ nú nɛn bǝ́:< dǝ kúkú, có kpra nǝ́ nava kpɔ́ enúlá nǝ mí ifia.>> ³⁹ Petro co kprɔ amǝawó dó, ke ivɛ dó le na, wó kprɔɛ yi mawuxɔa jí. Kposunwó see va jete dǝ́ Petro gbɔ dɛ ilǝ fanvin, i cɔ́ awu kidǝ enu ke Tabita tɔn nǝ wó gakamǝ ilagbe dɛá sele díisá. ⁴⁰ Petro nú nǝ amǝwó see bǝ́ wá do le exɔamǝ. Ejǝkro ixodǝ í trɔ kpankɔ amǝ kúkúá í bǝ́:"Tabita có" zedeká nyɔruan hun ŋkúvi, ke ikpɔ́ Petroa icó kanrɛn. ⁴¹ Petro lǝ alɔnɛn icɔ́ɛ jǝtǝ, i yɔ amǝkǝ ye ŋti wókɔ kidǝ kposuawó í cɔ́ɛ dalɔmǝ nǝ́wó agbǝagbǝ́. ⁴² Enyɔan gban dǝ yopa duamǝ, í amǝ sugbɔwó vá xɔ axótɔ́a jísǝ. ⁴³ Petro ci yopa duamǝ nǝ azan, i nɔn Simon, eranwó wena wɔtɔá gbɔ́.