ATCHAMADO_BEN-aug_act_text

Ǝta 8

¹ Saul run dǝ́, yǝ kú jí dɛ co gbòona í wótɔ amǝkǝ lǝ Yerusalem ye hamǝa yomǝtiti. I ehàámǝ tɔ́ wó kahrɛn dǝ Yudea kide Samaria ye nutowómǝ, ámǝdɔ́dɔ́ áwó dǝdǝ i kpɔ̀tɔ̀. ² Mawu vɔ́ntɔ́ dékáwó va cɔ Etienne ye ŋtiran kukua i vɛ díí, í fanvin. ³ Vɔa Saul wɔ evɔɛn sùgbɔ kidǝ́ ehamǝa, ǝ́cónnɔ́n àxómǝ yi àxómǝ í nà lǝ lǝ́ ŋúcuwó kide nŋɔ́ruwó tú dǝ gàkpámǝ ⁴ Xɔ̀sǝtɔ́ kǝ kaka dǝ egbǝ́jícíwó lǝ kaka Mawunyɔn yikɔ. ⁵ Philipo yi Samaria dúmǝ í vɛ xo nu nǝ́wó có Kristo ŋú. ⁶ Kǝ amǝ sugbɔ séé ikpɔ́ dǝsi ǝnú ke Philipo wɔawóà, wódótóé. ⁷ Amǝkǝ mǝ gbɔ̀ngbɔ̀n vɔawó dàxádó i si do, sèkúnɔnwó kidǝ́ amǝkǝlǝ, tànŋgrǝ́awó kpɔ́ dɔ̀yɔyɔ. ⁸ Í jijɔ̀ gàŋgán dǝ́ká vá duamǝ. ⁹ Vɔ̀a ŋúcudǝ́ká lǝ duamǝ kǝ́ wó yɔ́nǝ bǝ Simon, kǝsí azǝlǝ dɛ́cá, yǝ́nú lǝ́ kpácá Samariatɔ́wó kǝ ilǝ wɔ dǝ́kia sigbǝmǝ amǝ ŋtáŋtá déká enǝ́. ¹⁰ Samariatɔ́wó séé có dǝvi jí seŋ yi amǝgánxó ji wó lǝ́nǝ́ŋu dǝ ŋú í nú nǝ́ bǝ: < Mawu yǝ ŋusǝn kǝwóyɔ́nǝ́ bǝ: ŋúsǝ́ntriǝkɔ́a lǝ si o. ¹¹ Wó dótóé dobǝ ewɔnǝ àzó núwó í ikpánǝ́cáwo dɛ́dǝ́cá. ¹² Ke Philipo và nú enyɔ̀ nyɔɛa nǝwó có Mawu yǝ́ fiɔduxó kudǝ́ Yesu Kristo ye ŋkɔ́á ŋú, iwó xɔɛsǝa, wódǝ́ mawucita nǝ amǝ sùgbɔ, ŋúcùwó kidǝ nyǝrunwó cáwó. ¹³ Simon cá ká dǝ́ji, í ke wó te Mawuci nɛn í ilǝ kpɔ́ dǝsi kidǝ́ ǝnújiŋúáoà, ŋgbǝ trɔ lǝ Philip ye yomǝ kpɔ́ o. ¹⁴ Ke Mawu ye mǝdɔ́dɔ́ kǝ lǝ Yerusalɛman wó see bǝ Samaria xɔ mawunyɔa à,wódɔ́ Petro kide Yohanes dìdá wó. ¹⁵ Kǝ wó vɛ dó edua mǝà, wó xodǝ̀ nǝ́ wó i gbɔ̀ngbɔ̀n kɔkɔa vá wójí. ¹⁶ Dobe kǝ́kǝ́ í séŋ va ganamǝdóá, wó domǝtɔ́ dǝ́ ŋ́xɔ gbɔngbɔn kɔkɔa kpɔ́ o, wó dǝ́ci ta nǝ́ wó lǝ axótɔ́ Yesu yǝ́ ŋkɔ́á mǝ dǝdǝí. ¹⁷ Petro kide Yohanes dasi dǝ́ ta nǝ́ wó í wó xɔ gbɔngbɔn kɔkɔa. ¹⁸ Ke Simon kpɔ́ bǝ́ nǝ́ amǝdɔ́dɔ́ awó dasi dǝ amǝji gbɔngbɔn kɔkɔ lǝ vá jìá, ená ǝhowó. ¹⁹ Enú be:< ŋúsán ŋna nyin cá càgbǝ nǝ nyǝcá ŋdasi dǝ́ amǝdǝ́ jíà, gbɔngbɔn kɔkɔa ná vají >> ²⁰ Vɔ̀à Petro dòŋú nɛn bǝ:"Ná di wò kidǝ́ tɔ̀ɔ́ hóá ŋú, ebu bǝ́ yǝátǝ́ŋú xrǝ́ mawu ye nunána kidǝ́ ehoà. ²¹ Tohó dǝ́kɛn ŋlɛ nǝ́ wó lǝ subɔ súbɔ́ dɔ́á mǝ o. ²² Trɔ́ jimǝ có tɔ̀ɔ́ nuvɔɛn wɔwɔwo nà xodǝ̀ nǝ́ Mawu, nǝ àcɔ́ tɔ̀ɔ́ jimǝsúsú kpotó kpotówó i séŋ kǝwò. ²³ Dódǝ́ elǝ ŋkpɔ bǝ ǝlǝ́ adi vǝvǝ mǝ kidǝ ǝnuvɔɛn mɔnjí dɛ̀. ²⁴ Simon ɗòŋú nǝ́ wó bǝ:<> ²⁵ Ke Petro kidǝ Yahanes dǝ gbefán í káká mawunyɔn à jrɔà, Yerusalem, i ke wo yi kɔ̀ lǝ mɔ́njíà, wó lǝ nú mawu nyɔ dódó, lǝ Samaria ye duvíwó mǝ. ²⁶ I fiá Maxòtɔ́á yǝ ŋǝdótɔ́ dǝ́ká vá nú nǝ́ Philipo be:"Có nǝ́ na yi Yerusalem yǝ́ mɔ́á yé fɔdǝ lǝ gaza duamǝ."(Zogbǝ̀jíí.) ²⁷ Ǝ̀có iyi emɔ́á ji. Ethiopia ye dumɔvi ke kpɔ́nǝ, efiɔnyǝ̀run kondake yé kesinɔnúwó see jíà gbɔnɔn có dǝ̀xòxò lǝ Yerusalem. ²⁸ Ekanrɛn dǝ́ yǝ́ húáhún mǝ dɛ́ í lǝ xrǝn mawu nyɔ nú dɛ́ tɔ́ Yesaya ye wǝmáá. ²⁹ Gbɔngbɔa nu nǝ́ Philipo bǝ́:<< Yí na kprɔ̀ áhua hún na dǝgbǝ ŋna dó.>> ³⁰ Philipo sudú yi ehuán gbɔ́ isǝ í ilǝ́ hrǝn mawunyɔ nudɛ́tɔ́ Yesaya ye wenáá, í ikɛ sǝbǝ́ << Elǝ sǝ enúkǝ ǝlǝhrǝan gɔmǝ à ?>> ³¹ Ethiopit́ɔ́á dóŋú nɛn bǝ́:< naá wɔmɔ́n í sǝ gɔmǝ nǝ́ amǝdǝ́ ŋdǝgɔ mǝŋ o?>> Edǝkúkú nǝ Philipo bǝ ná vá kanrɛn dǝ́ yegbɔ́ ye lǝ ehuanmǝ. ³² Ŋrɔ ŋrɔn àn tóxó kǝ Ethiopiatɔ́á lǝ hrǝan kǝ:<<Ǝkprɔɛ sigbǝ arɛ́ngbɔ́ví ke wó kprɔ yìkɔ wuwu gbǝ, àlóó arɛ́ngbɔ́ví ke wólǝ có ǝfú nɔn ene? Ŋ́kǝnu ínúnyɔn dǝ o>> ³³ Cágbǝ yǝ mǝ búbútɔà wo ŋgbǝ do kojo nɛn ó. Amǝ dekin ŋ́kàtǝ́ŋ́ xonu có ye jijimǝ viwó ŋú o, dobe ǝkú vǝ́yi vɔ.>> ³⁴ Edudɔⱳɔtɔ́á lǝ kà Philipo se be:<< Ŋdǝ kúkú, mǝkǝ́ǝ́ ŋú í mawunyɔnútɔ́ á le xonu có ko?>> ³⁵ Philipo jǝ gɔmǝ kidǝ có mawunyɔ dóŋú nɛ í tɔjí Isaï yǝ wǝ́ma é yǝ kpáhaxó í yí jí ilɛŋ nú mawunyɔn nɛn. ³⁶ Ke wó zɔnmɔ́án yikɔ zaan wó vɛ kpɔ́ eci lǝ́ àfidǝ́ká.Zǝdǝká edudɔwɔtɔ́a lǝ nú nɛn bǝ:< eci kǝ núkǝǝ í lágbǝ xǝ́ǝmɔn nǝ́ tiŋ mawu cidǝ́ta?>> ³⁷ ³⁸ Zedeká Ethiopitɔ́á be wánɔntǝ ahúa ehuán í yǝ kidǝ Philipo yi ecia gbɔ́ í ilǝ mawuci nɛn. ³⁹ Ke wódo lǝ ecia mǝà, axòtɔ́á ye gbɔngbɔn vá kprɔ Philipo yi i edudɔwɔtɔ́á ŋgbǝ kpɔɛ o. Eyi ye mɔnzɔnzɔ an ji kidǝ́ jijɔ. ⁴⁰ Philipo va do dǝ́ kǝ́kǝ́ Azoto. Edisa le eduawó mǝ í nú enyɔnyɔɛn kǝ́kǝ́ í sen yi kaisareo.