ATCHAMADO_BEN-aug_act_text

Əta 7

¹ Efiɔ vɔsátɔ́ be : " enyɔdodo inyi enyɔn ŋnawó a? " ² Etienne doŋu be : "Tiŋ nɔví kide tiŋ dadawó,midotoŋ :ŋtikɔkɔ ye máà wu ke de ɖekia dii nǝ mia baba abraham le mesopotamia,keŋ gbɔxo nǝ a vɛ ci karana,enu nǝ be : ³ "co gbe tɔwowó kiɖe tɔ́ɔ dwa ɖɛ,nǝ nayi edu ke ŋcɔnǝwo a mǝ." ⁴ Ta ehùn le ka ldea i vɛ ci karana. i ke ye mǝgan và, máàwú kprɔɛ vá edu ke mǝ mivá le ɖɛ ifia mǝ. ⁵ ŋcɔ anyigban ɖekin nǝ o. vca,ede eʒe nǝ be yeana i edwa la trɔʒu ye kiɖe yenjijimǝ viwo tɔ. ⁶ Máàwu nu nǝ enǝ,be ye jijimǝviwo anɔ amǝjro nyi gba ji nǝ gademǝdo,i edutɔwo a trɔ́ wo ʒu kruviwo keké nǝ exo kawó. ⁷ I na ɖo cojo eduamǝ tɔwo, i ŋna ye ŋgbea, eviwowó a kafuŋ. ⁸ i ibra nu kiɖe Abraham,enǝi abraham va trɔ ʒù dada nǝ Isaac,i cɔ evo nǝ le ye ŋkeke ŋyia gbe, Isaac va ji yakobo ke va ji mia tɔgbi amǝwivǝawo. ⁹ mià tɔgbi wivəawo huanŋu Yosefu,i sɛɛ̀ nǝ ejiptetɔwo,i Máàwu rn kiɖee, ¹⁰ i xɔ nǝ le ye ƒukpekpe ɖesiɖe mǝ,i nɛn ŋununyanya kiɖe amǝnuvévé le ƒaraon egipte fiɔa xomǝ. Faraonnn ɖoe e ƒis de ye xo kiɖe edua nu. ¹¹ Fujé kiɖe ayaɖuɖu gáŋgan ɖéká vá do le ejipte kiɖe kanan,miá dadawo ŋgbe wɔ enúdudu dɛ o. ¹² Yɔa ke yakobo se be enuɖuɖu le egyptea, edɔ́ miá mǝganwó ʒedeká. ¹³ ʒeveatɔà, yose ƒu ɖe ɖeki ɖisa nǝ wo,i ye xomǝséeà,ƒaraon desiwó. ¹⁴ Yòósɛ́fù dɔ nɔnvíáwó bǝ́ wóá núnɛ́n yàkúbú yǝ́ dadá, bǝ́ nán vá ǝjiptì, kidǝ́ yǝ́ kɔta kǝ́ŋ́kǝ́ŋ́: amɛn kakítɔkpo cúwó cíàtɔ́n sééé. ¹⁵ Nɛ́n yàkúbú yi ǝjíptí nɛ̀n. Lǝŋunan yǝ́ ŋgbǝ̀á, yǝ́ŋ́tá kú, sigbǝ mían dadáwó ǝnɛ́n. ¹⁶ Wó drówó yi sichem, fí wó ɖiwó dó i xrǝ lǝ ǝ̀ho nu lǝ hamor yǝ̀ viwò lǝ sichem àn mɛn. ¹⁷ Kǝ ǝ̀zǝ kǝ Mawu dé nɛ́n Ábrahámì an yǝ́ gamǝ tǝbɔà dùkɔ́n lǝ gánŋ́gán í lǝ ji dǝ́jí lǝ Ǝ̀jìptì. ¹⁸ Kǝ̀kǝ̀ nɛ́n gà kǝ́mɛn ǝ̀fiɔ bú vá Ǝ̀jíptìa ǝ̀fiɔ kǝ ŋ̀ dǝsi yosɛ́fùò a. ¹⁹ Ǝ̀fiɔ ŋnan dù kǝ́ kɔ́n án í dó fúnyáfúnyá nɛ́n míán dadáwó, kǝ́kǝ́ wó téjú cɔ́ wó ví yǝ́yǝ́wó sǝ́ dánŋ̀kpùn, càgbǝ wò ŋ́ká cí àgbǝ̀ ò. ²⁰ Wó ji Mòósè gà ŋnan mɛn. Ə́ nyán kpɔ̀kpɔ̀ lǝ Mawu yǝ́ ŋkúvimɛn, ì wó nán ŋŋ̀ɖuɖui nɛ́n wretí àmɛ̀ntɔn lǝ yǝ̀ dadá́ yǝ́ xòmɛn. ²¹ Kǝ wò gbéeɖɛ́á Fáràɔ̀n yǝ́ ví nyɔ́nrunví cɔ́ɛ í tɔ̀ɛ nyinyin sigbǝ ǝ̀vìà ŋ̀tà ǝnɛ́n. ²² Wó kpráanú Mòósè lǝ ǝjíptì tɔ́wó nú nyányán mɛn sééé; ì í bi lǝ nuxomɛn kídǝ́ ǝ̀dɔwó wɔwɔmɛn. ²³ Kǝ ì ɖo sigbǝ ǝ̀xo hòoka ǝnɛ́n án, ǝ́vá tamɛn nɛɛ́n bǝ́ yǝà vɛ jí yǝ nɔnvíwó kpɔ́, Ísraɛ́l vìwó. ²⁴ Kǝ ì kpɔ́ í wó lǝ wɔ fúnyánfúnyán nɛ̀n Israɛ̀l vi ɖǝ́káá, Mòósè lǝ xɔ ɖǝ́ta í kpanŋkɔ Egìptì tɔ́á í wui. ²⁵ Ə́ bu bǝ́ yǝ nɔnvi lá sǝgɔmɛn bǝ́ to ye jiá, Mawu lǝ xɔnówó vɔ̀a wóŋ́ sǝ gɔmɛn ò. ²⁶ Kǝ ǝŋukǝá, ǝ́ vá Israɛ́l vi ɖòó kǝ lǝ wɔ àjrǝ̀wòa gbɔ̀ ǝ̀tǝkpɔ̀ ì cɔ̀wó sǝ́ wɔ ɖǝ̀ká;ǝ́ nú bǝ́:"Tinyǝwɔ́ mi kpɔ́ nɔviwó i mi nyí; núkeé í jɔ í mi lǝ wɔ̀ vɔɛn mian dǝ́kiwo?" ²⁷ Vɔ̀à amɛn kǝ lǝ nɔnvíá ŋúán tutui ì bǝ́< dówo ǝ́fiɔ kiɖǝ̀ kojòɖótɔ́ ɖǝ́ míán jí ko?. ²⁸ Ə jì bǝ́ yǝá wuŋ sigbǝ ǝwu ǝjìptìtɔ́á,ǝ̀cɔ ǝnɛ̀n àn?>>. ²⁹ Kǝ ì sǝ ǝnɛ̀n jrɔ́á, Mòósè sí. Ə́trɔ́ zun amɛn jró lǝ Madiáan du mɛn, fi í ji ǝ̀vi ámɛ̀nvǝ̀ lǝ. ³⁰ Ə́xo hòoka yǝ́ ŋgbǝ́á, Mawu dɔlá ɖǝkà zǝ nɛɛ́n le zògbǝ̀ji lǝ sinàì tójí le ayaxá kǝ lǝ bizòà yǝ doŋomɛn. ³¹ Mòósè kpɔ̀ ǝ̀zòà, ǝnú kǝ zǝ́á kpácɛ́ɛ; ì lǝ tǝbɔɛ bǝ́ yǝa kpɔ́ɛá, Áxotɔ́á yǝ gbǝ ɖi nɛ́ɛn í lǝ nú bǝ́: << ³² Ənyɛn í nin mián dadáwó Mawu, Ábrahàmì yǝ̀ Mawu, Ísákà tɔ, kídǝ yàkúbú tɔ>>. Le kúkúkúkú mɛn án Mòósè ŋ́tǝ́ŋún lǝ kpɔ̀ɛ ò ³³ Áhótɔ́á nú nɛ́ɛn bǝ́: << Rɔ̀ tɔɔ̀ fɔkpawó́, ɖó tohó kǝ ǝ lǝa ǝ́ nyín anyingbankɔ kɔkɔ. ³⁴ Ŋ́́́táýtá ŋ kpɔ́ tiŋ́ dukɔ́n kǝ lǝ ǝjíptìà yǝ́ yà ɖuɖu. Ŋ sǝ wó hɛnhɛn dódó ì ɖíɖí bǝ́ mán xɔnóó. Í fia, yì: ŋ lǝ dɔ̀wo yi ǝjíptí. ³⁵ Mòósè inan kǝ wó gbǝ́á, kǝ wó lǝ núbǝ́: << Mɛɛ́n i ɖówo ǝ́fiɔ nɔ̀nmì kodjóɖótɔ́? yǝ́ í nyín amɛn kǝ Mawuɖɔ́ sigbǝ ǝ̀fiɔ kiɖǝ́ ɖǝ̀tɔ́ Mawu dɔ́ɛ ɖíɖa tó Mawuɖɔlá kǝ zǝ̀ nɛn Mòósǝ̀ lǝ ayaxa mɛn an yǝ̀ lmɛn. ³⁶ Mòósǝ̀ kprɔwó do lǝ ǝjíptì ì wɔ dǝ̀sì kìdǝ́ nukùnú wó jrɔ́ lǝ ǝjìptìa kídǝ̀ lǝ àxujɛn amɛn, ì lǝ zògblǝ̀ji lǝ ǝ̀xo hòoka mɛn. ³⁷ Mòósǝ̀ ŋunam ɖǝ́kɛn ákǝ́ í nú nɛ́n Ísraɛ̀l vìwó bǝ́: << Mawu á tɔ̀ atɔ ǝnyɔn núɖɛ́tɔ́ ɖǝ́ká lǝ miàn nɔnvíwó. dom nɛn mi, ǝnyɔn núɖɛ́tɔ́ sigbǝ ǝnyǝ.>> ³⁸ Ŋúnci inan i lɛ lǝ amɛnwò doŋdomɛn, lǝ zògbǝ̀ji kídǝ́ mawudɔlá kǝ xonu nɛ́ɛn lǝ sìnaï toájí. ³⁹ Amɛn ŋunan kǝ nɛn kídǝ́ mían dadáwó váyi; ŋúncu ŋunan kǝ xɔ nyn àgbǝ àgbǝ̀ ì nùwò nɛ́n mí. Amɛn ŋunan í míán dadáwó gbǝ́ bǝ́ yoá bu ó; wó lǝ tutui ì lǝ wò jimɛn an wo trɔ váyi ǝjìptì. ⁴⁰ Gà ŋunan mɛn án, wò lǝ nú nɛn mí. Nɛn Mòósǝ̀ ŋunan, kǝ kprɔmi cò ǝjìptì, míŋ nyán ǝnú kǝ jɔ ɖǝ́jía ó. ⁴¹ Xɔ̀ntɔn, wó nán laláví dǝ́ká í sǝ́ sáavɔ nɛn vòdúá, í wó lǝ táyǝ̀ lǝ wó lɔnu dɔ̀wò ŋún. ⁴² Vɔ̀à Mawu trɔ̀ lǝ wò yomɛn ì gbǝ́wódɛ́ nɛ́n jìŋkorí wretívíwó sɛnsɛn; ǝnɛ́n sigbǝ wó wrɛn dǝ ǝnyɔn nuɖɛtɔ́wó wó wémen mɛn ǝnɛ́n: << Ɖǝ̀ǝ́ mi nanŋ ǝran kǝ wó có kɔ nóó kidǝ́ vɔ̀sáwó lǝ ǝ̀xo hòokaa mɛn lǝ zògbǝ̀jià, Ísràɛ̀l vìwó? ⁴³ Mi rɔn moloch yǝ̀ vɛŋtɛtɛ, kidǝ́ Mawu Remphan yǝ́ wretiví, ǝnútáta ŋunanwó kǝ mi wɔ ì sɛn nǝ an; cáá màán kprɔ mí yi Bàbilónì yǝ́ ŋk" ⁴⁴ Míán dadáwo wɔ kúnu ɖǝɖǝ yǝ́ vɛŋtɛtɛ dɛ lǝ zògbǝ̀ji, sigbǝ Mawu ɖó ɖɛ́ gákǝmɛn ì xonu nɛn Mòósǝ̀; bǝ́ yǝ́ ì ɖò là wɔ sigbǝ kǝ ì kpɔ̀ váyi ǝnɛ̀n. ⁴⁵ Àvɛ̀ŋtɛ̀tɛ̀ kǝ miàn dadàwó, lǝ wó zɔnrinzɔnzɔn mɛn kídǝ́ yòósùa ŋunan vámɛn cò gà kǝ mɛn wò xɔ amɛn kǝ Mawu nyan wó nyíngbán gbɔ̀xó míán dadáwó nán lɛ.Ə́ Lɛ ǝnɛn kǝ̀kǝ̀ vá nán Dàvidi yǝ́ ŋkǝkǝwó mɛn. ⁴⁶ Kǝ kpɔ́ amǝnúvǝ́vǝ́ có Mawu gbɔ;ǝ́ bíɔ́ bǝ́ wá wɔ nɔ̀nxó nɛn yàkùbù yǝ́ Mawu. ⁴⁷ Vɔa salomon tu àxó nǝ Mawu ⁴⁸ gáɖǝ́kuíkuíɖǝ́ mǝán, Mawu kǝ wúgán ǝnú ɖǝ́siàɖǝ́á; ŋú nɔ̀nɔ̀n ǝxɔ̀ kǝ́ wó tu kidǝ́ àlɔá ó sigbǝ Mawu ǝnyɔnuɖɛtɔ́ nuí ǝnǝ: ⁴⁹ Jíŋkorí nyín túj́ nɔ̀nxó í ányígbán tíŋ́ fɔ́ tóxó. Áxó kǝ́ í ŋ́kúvimǝ mìán tǝ̀ŋ̀ tu ŋú? áxótɔ́á í nú ǝnǝ̀; fí í nyín tìŋ gbɔ̀naxó tóhó? ⁵⁰ Ŋ́ nyin tìŋ́ lɔ́ í wɔ ǝnú nán wó sééà? ⁵¹ Ə̀tó sǝ́sǝ́ tɔ́wó kídǝ́ amɛn man tró jimɛ̀nwò mi gbǝ́ gbɔ̀ngbɔ̀nkɔ̀kɔ̀ xɔxɔ: mi lǝ wɔ sigbǝ mián dadáwó ǝnǝ́ pɛ́pɛ́pɛ́; ⁵² Ənyɔnúɖɛ̀tɔ́ keé mián dadáwwó ŋ tiyomɛn nɔn kpɔ́ ò.? wò wunɔn ǝnyɔnúɖɛ́tɔ́wo kǝ vá ɖóŋkɔ nɛn amɛn jɔjɔ ɖǝ́kátɔ tɔ́ ŋunanwó kíɖǝ́ amɛn wutɔ̀wò. ⁵³ Mianwò kǝ xɔ ǝ̀sǝ́ kǝ mawu dɔlà wò ɖò, vɔ̀à wòŋ̀ cɔ́ɛ ɖǝ́ ǝ́dɔwɔmɛn ò?? ⁵⁴ Kǝ ǝ̀tóxoɖó namɛntɔ́wó sǝ ǝnyɔn ŋunawóá wo ji gbam, ì wò lǝ ɖu áducrúí sigbǝ ǝtiɛ̀nù(Etienne) ǝnɛn . ⁵⁵ Vɔ̀ yáá, kǝ ì ɖɔ kìdǝ̀ gbɔ̀ngbɔ̀n kɔ̀kɔ̀a , cɔ̀ yǝ̀ nú kpɔ̀kpɔ̀ dǝ̀jìŋkorì ì í kpɔ̀ Mawu yǝ ŋtikɔkɔ. Ə̀ kpɔ Yéèsu í ì nɔ̀tǝ dǝ́ Mawu yǝ́ nudusi mɛn. ⁵⁶ Ətiɛ́nù nù bǝ́:" kpɔ́ɖa, ŋ lǝ kpɔ jiŋkori lǝ hùnhùn, ì amɛn yǝ́ vi nɔ̀ntǝ lǝ Mawu yǝ́ lɔ ɖusímɛn" ⁵⁷ Vɔ́à tòxoɖòtɔ́wó dáàxá sinsin, wó́ túutówó, í mu dǝ́ wo jí. ⁵⁸ Wó ǝɔ́ɛ dànykpún dǝ́ ǝ̀dùà yǝ̀ ŋgbǝ́ í wó xú ǝ̀kpǝ̀wòe: K̀únuɖǝtɔ́wó wó cɔ́ wónúdódówó dalǝ́ ɖǝ̀kɛ̀jɛ kǝ wò yɔ̀nǝ́ bǝ sɔ́ɔl . ⁵⁹ Gàkǝmɛn wò lǝ xùukpǝ̀ ǝtiɛ́nú an, ǝ́ lǝ,yɔ́ àxótɔ́á ì lǝ nù bǝ́: << Àxòtɔ́ Yèésù xɔ̀ tinŋ̀ gbɔngbɔn>>. ⁶⁰ Ə́ jǝ̀kro, ì dà̀àxà kidǝ́ ǝ̀gbǝ̀ sinsin:<< Àxótɔ́, káa cɔ́ ǝnúvɔ́ɛ́n ilá dǝ́ wóŋún ò. Kǝ ì nu ǝnɛ́n jrɔ́á , ǝ́ dɔ́n arɔn".