ATCHAMADO_BEN-aug_act_text

Ǝta 22

¹ "Nɔví, dádá mí ɖótó ənyɔn kə ŋká nu nə mi nə tiŋ to hrɔ̀n hrɔ̀n." ² Kə habɔbɔà sə̀ bə Pɔ́lù lə dó Hébri gbə́a, wo viŋ xúí i nú bə́: ³ "Yúɖàtɔ ŋnyi, wo ji ún lə Tarsə lə Silisio, wo nyi ún lə ədúgán nà mə təbɔ Gamaliɛl. Wo kprà ùn lə mián dádáwo sə̀ sɛnŋú sɛnŋú à mə ún lə̀nə də́ Mawu ŋú sigbənə mián cáwo. ⁴ Ŋdu aya lə́ esə́ə na mə kə́kə́ í səŋú yí ə̀nú mə ún lə̀ ŋúcú kiɖə́ nyɔrúwo brà í cɔ́ wo də gákpámə. ⁵ Vɔsàtɔ ganganwóo kídə́ amə cícíwo lá təŋ ɖəkúnú bə́ ún xɔ və̀ma tó wo ji nə Dàmasko. Gbɔxó nə mà yíà ún ɖó lá brá hɛn va Yérusalɛm amə tə lə əmɔn nàn jiwo nə wàadɔn to nə wo. ⁶ Ǝvànə kə ŋú yíkɔ mɔji í təbɔ Damaskoà sigbə gàwuivə ənəàn əzò ɖəkà si cò əji míanŋ í krə́ húhràdóŋú. ⁷ Ún gɛ̀njɛ̀n ɖə anyígbàn mə í sə gbə̀ ɖə́ká nú ún bə: "Saul, Saul, nú kə́ íjɔ̀ ələ xá ŋú ənə?" ⁸ Ún ɖó ŋú bə: "Mɛ̀n ənyí axótɔ?" Í nú bə "ənyə Yésu Nazaret tɔ kə ə̀lə̀ xà í." ⁹ Amə kə lə gbɔnyə ɖɛàwo əzò sisi vɔà wo ŋkpɔ́ aməkə lə xónú ŋúà ò. ¹⁰ Ún biɔ sə bə: "Axótɔ́, nú kə í ə́ji bə màn wɔ?" Axótɔ nú ún bə: có nə nàn yí Damasko; ləŋnán wá áwɔà nə wo." ¹¹ Nyə ŋunyàn ənukə sí zòa ò ún có kidə́ aməkə lə gbɔnyə dɛ̀awo jɛŋkɔ Damasko. ¹² Ún vɛ dógó aməɖəka ləŋnán kə wo lə yɔ bə́ Anania aməke lənəbə nə asə́ji wɔwɔ kə Yúɖátɔ́wó ɖənə kunú nyɔngbiŋ nə. ¹³ Wo có i và gbɔnyə í nú bə́ nɔnví Saul kə ŋkúvi nə nàn kpɔnú. Í ŋú kpɔ́ɛ. ¹⁴ Í ì nú bə́: "Mian dádáwo Mawu cán wo bə́ nan dəsí yə́ rɔrɔn nú nə nan kpɔ́ amədodoà nə nán sə yə ŋtá əgbə kə có yə nú məán. ¹⁵ Ɖo əwo í ká nyí əkúnú ɖətɔ́ lə ənú kə əkpɔ í səà wó ŋú. ¹⁶ Ìfíà nú kə í ələ nɔntə kpɔ́? Có nə wá lə Mawu cinəwo nə wá wá kpɔ́ tɔ́ nuvɔɛn ji tó yə ŋkɔjí." ¹⁷ Kə ún gbɔ có Yérusalem í lə xódə́ lə ɖexoxo məàn, ún vá búdə dəkinyə. ¹⁸ Ŋu kpɔ́ɛ́ í nú bə́: "wɔ kábá nə ná có lə Yérusalem, dó wó ŋká rɔ́n tɔ kunú ɖə́də́ có ŋ'húnyə ò. ¹⁹ Ún nú bə́: "Axotɔ wo ŋtawó nyà bə́ ún xò ilə́ xɔsətɔ kə lə yúɖàtɔ́wó dəxóxɔmə wo tú. ²⁰ Gàkəmə Etiɛnu tɔ́ kúnú dətɔ əhú gbàn ɖə ányigban məán, nyə cá ŋkpɔ́ yə tóxó, kəkə ì xɔ aməkəwuíwo wú lə wo sí." ²¹ Vɔà í nú ŋú bə: "yí i, ɖó màn dɔwo ɖada díŋdiŋ tóxó lə vódú sɛntɔwo gbɔ." ²² Ɖúkɔn gbédɛ í xónu kə í səŋú dó lənan. Vɔa wo ɖə àxá do í nú bə: "mí wú amənàn mɔntí lə anyigbanji, dó ŋú nyɔn bə nàn nɔn anyígbanji o." ²³ Gákə mə wo lə dáxá í lə dà wo wúwó dankiŋ í fútúkɔ lə wɔà, ²⁴ ahúgan gánŋ-gán də gbə wátɔ Pɔlú də́ hùnkpɔ mə nə wà lə xúé í lə bíɔɛ nyɔn sə, nə yə ŋtá nàn nyàn ənúkə dɔ i wo lə də áxà có ŋú ənəàn. ²⁵ Kə wo brá Pɔlú də kámə dɛà, ələ nú nə áhúgan kə lənan ɖɛàwo bə: "ənyɔn bə wá ɖó vəvəsəsə nə romatɔ kə wo ŋcó kufíɔ nəan." ²⁶ Ahúganwo sə ənyɔn nàn an, wo vɛ nú nə ahúgan gàngàn bə: "nú kə í ələ ji bə yəà wɔ? Ɖo amə láá Roma vi í nyi." ²⁷ Ahúágan gangan va yi gbɔ í bíɔɛ sə bə́: "Romatɔ́ i ənyián?" Pɔlú ɖóŋú bə́: "ɛɛ." ²⁸ Ahúágan gangan gbə biɔɛsə: "əhó gàngàn ɖəka í ún sɛŋu xrə́ ədúvinyínyíán." Vɔà Pɔlú nú nɛ bə́: " wo ji ún Roma ví í." ²⁹ Kə aməawó bə́ yəwó áyiávɛ́ɛ bíyɔɛ enyɔn səa sə bə́ Pɔ́lù nyin Yúdatɔ́á wótrɔ́ əká ə̀ká sɔ́jawó məgan cá ənyɔan dó vɔ̀nvɔ́n nɛ́ɛ ənúkədɔ́á ə́ná bə́ wó brɛ́ɛ. ³⁰ Lə́ yə ŋkəgbəà, ahúgan gángán jí bə́ yə ànyán nyɔn ɖódó có ənyɔn kə yudatɔ́wo cɔ́ ɖəŋúwó ŋú. Í ì có əkáwo lə Pɔ́lù ŋú, ì biɔ əfíɔ kidə́ dexotɔ́wó bə wá bɔ́ kprɔ́ Pɔ́lù vá səŋú dóŋdómə.