ATCHAMADO_BEN-aug_act_text

Ǝta 21

¹ Mí́crán wó í zɔn tɛ̀n vá ɖó kos Fɔnfɔ́nmǝ mívá dó Rodo, í kǝ mícó lǝma míváɖó Patara. ² Míkpɔ́ tɔjíhún ɖǝká kǝ kàáyi Foenisia lɔɔnan. Miɖóǝ í ɖǝdó í ɖǝdó. ³ Kǝ mí yikɔà, mígbǝ́ kipro dǝ ézògǝ lǝ miɔn mǝ í dí tó Siria ivɛ ɖi lǝ tiro, lǝfí ǝhuán ká dǝàgbàn lɔa. ⁴ Míkpɔ́ ǝnu kpratɔ́ ɖǝkáwó lǝŋnan í mící wógbɔ́ nǝ ŋkǝkǝ aɖrǝ́. Gbǝngbɔan nu nǝ́ wó bǝ Petro ŋkáyi Yerusalem o, í wó gbǝ nɛn. ⁵ Kǝ míá gamǝa sun an, mícó lǝ wó gbɔ́ í yi mian mɔnzɔnzɔan jí. Kǝ̀ mi ɖǝdóà, wó kiɖǝ wó siwó kiɖǝ wó viwó séé kprɔmíɖó kǝ́kǝ́ íseŋ va àxua tó. Míjǝ̀kro, i xoɖǝ̀, ⁶ i kránwó Míɖo ǝhuan mǝ í wó cá wó trɔ́ ɖodó axómǝ. ⁷ Mí có le tiro íra Ptolemai Mící nɔ́ví ke lǝŋnan wó í nɔ́n wógbɔ́ nǝ nkǝkǝ ɖǝ́ká ⁸ Ye ŋkegbe mǝ mívá ɖó Philipo enyɔn nyɔɛn tɔ́ ke gbɔ́ mí zǝn vágia gbɔ́. Ŋúa lá lǝ nyi kpǝkpǝ́dǝŋútɔ́ amadrǝ kǝ wó cánwó domǝtɔ dǝ́ká. ⁹ Ǝvi nyɔrunví amǝnǝ lǝ si. Wónyí Mawu yí gbefán ɖǝtɔ́wó. ¹⁰ Kǝ mínɔn lɛena i azan jǝà, mawuyé gbèfanɖǝtɔ́ kǝ wóyɔ́nǝ́ bǝ agaboa có yudea va mía gbɔ́. ¹¹ Kǝ ìwàá, ǝ́cɔ́ Pɔ́lù yé kpabránua péŋ bra alɔ kiɖé afɔwó nǝ́ ɖǝkia i bǝ: «Gbɔngbɔn kɔkɔa bǝ Akpabra nú ilà tɔ á, nǝnǝi yuɖatɔ́ kǝ lǝ Yerusalema wó kàá brɛ i seŋ cɔ́ nǝ Mawu jí maxɔsǝ̀tɔ́wó nǝ. ¹² Kǝ mí kíɖǝ amǝkǝ lǝ lǝŋnan mí sǝ ǝnǝa, míɖǝ kukú nǝ Pɔlu be ŋkáyi Yerusalem o. ¹³ Pɔlu bǝ: «Nukǝ í mì lǝwɔ rɛn ma ? nu kǝ vín i mìlǝfan i sǝŋlǝ gbanjiŋ mà ? Ŋnyin gakpámǝ ɖǝɖǝi nya ŋsɔgbe ɖɛ nɔn le Yerusalem o, ŋlǝ gbǝsɔsɔ be mákú dǝ Yesu ye ŋkɔá ta. ¹⁴ Kǝ ìgbǝ bǝ́ yǝ ŋkàá sǝ̀ míányɔ òá, mí gbɔjɛn ínú nɛn bǝ: «Àxɔ́tɔ́á yé rɔnrɔnu ná vá mǝ» ¹⁵ Kǝ àzan jǝa, míkpaɖí iváyi Yerusalem. ¹⁶ Ǝnukprátɔ́ ɖǝkáwókprɔ mí do có Kaisarea. Wo kprɔ mí sǝŋ yi ǝnukprátɔ́ xóxó ɖǝka kǝ wó yɔ́nǝ́ bǝ Mnason lǝ xómǝ lǝ Kipro, bǝ mía zǝn gbɔ́. ¹⁷ Kǝ mí ɖó Yerusalema, nɔvíáwó xɔ mí kiɖǝ jìjɔ̀. ¹⁸ Kǝ ǝŋu ǝa, mí kiɖǝ Pɔlù mí yi bǝ míávɛ ji Yakobo kpɔ́. Ǝhamǝ mǝcincinwó cáwó vá lǝŋ nan. ¹⁹ Pɔlu xoɖǝ̀ nǝ̀wó i nú ǝnukǝ mawu wɔ to jí lǝ̀ amǝbu lɔmǝwò gbǝ mǝa nǝ́ wó kitókító. ²⁰ Kǝ wó sǝ yé nyɔawóá, wó kaéfú Mawu. Ífia wólǝ nú nɛn bǝ: «Míá nɔnvi, ǝnyábǝ yudatɔ́ amǝ sáki nǝnǝɖǝ kǝ trɔ jimǝawó kpɔtɔ ilǝ zǝn Mose yé sǝa jia ? ²¹ Wo sɛríwò ɖɛ́ nǝwó bǝ wò nú namǝ ɖǝkáwó bǝ wá tácí Mose yi sǝa ɖɛ́, wógbǝnú kpǝǝ bǝ́ wònubǝ́ wo ŋkégbǝ covo o, i wó ŋká gbǝ nyin kɔwó o. ²² Wó kàvá sǝ bǝ ǝ̀vá. Nǝ́ miá wɔmɔ́n ífia ? ²³ Yé i taɖóá, náwɔ ɖǝ́ ǝnúkǝ míkanú nǝ wòa jí. ŋúcu amǝnǝ le mia si lǝlá, wó dofɔn ŋgbǝɖɛ́. ²⁴ Kprɔwó nǝ́ nà kɔwó ŋu nǝ́nà tu fǝn ke ye ŋgbǝ̀ wódó ɖɛáwó nǝ́ wá runta nǝ́wó, nǝ amǝwó nányá bǝ wólǝ xɔvìn dǝ asíwò í, ǝlǝ wɔsǝá jí. ²⁵ Míáwo wǝmá ɖiɖá amǝ kɛe ŋnyi yudatɔ́a oa wó bǝ wóŋká ɖú yodú vɔsá nuɖuɖuwó o, wó ŋká ɖunú kǝ cí hun mǝa wó o. Wó ŋtá wɔ hasi o. ²⁶ Pɔlu kprɔ amǝawó yi, kǝ eŋu kǝa, ǝkɔ wó ŋtí, ǝkprɔ wó yi mawuxɔa mǝ, i dǝgbǝfan ŋkeke kǝ ŋtikɔkɔa la wúnua i à sávɔ dǝ wó domǝtɔ́ ɖǝsiaɖǝ ta nǝ wó. ²⁷ Kǝ ìkpɔtɔ hɔɛɖǝ́ká nǝ ŋkǝkadrè á ná suàn,yudatɔ́ɖǝ́káwó có Asia ivá kǝ dǝ Pɔlu ŋu lɛ mawuxɔa mǝ. Wó tin jǝji ílee. ²⁸ Wodaxá bǝ: «Amǝwó mìvá ! Ŋúcu kǝ lǝ ɖisa dán ílǝ gban sǝ́á ke ! Í seŋ yijíà, ekprɔ kelatɔ́ ɖekáwo cawó vá mawuxɔa mǝ. Exoɖu toxó kɔkɔa. ²⁹ Jeŋkɔa, wókpɔ́ Pɔlu kiɖǝ Trofime lǝ ɖisa leduamǝ i wó́bubǝ ekprɔɛ yi mawuxɔa mǝí. ³⁰ Ǝzin tɔ lǝ duàmǝ hooo, í amǝwó do ivá lǝ́ Pɔlu ídɔɛdo lǝ mawuxɔ amǝ í túhɔanwo. ³¹ Ke amawó lǝ ji bǝ́ yewawuià, wóɖɔŋu kekei enyɔanvɛɖó sɔjawó gan kǝ lǝ agbɔánua gbɔ́ bǝ ezin le tɔ lǝ duamǝ. ³² Ǝɖǝ sojaví ɖǝkáwó kpǝ́ɖǝ́ ɖǝkiaŋú i wó yi fí́ enuá lǝ jɔ lǝa. Kǝ amǝawó kpɔ́ sɔ́jagán kiɖǝ ǝviawó gbɔnɔàn, wógbɔjɛn Pɔlu xoxo kɔ. ³³ Sɔ́jagan gbo tǝbɔ Pɔlu ílɛ́ íɖǝgbǝ bǝ wá brɛ kiɖǝ gàwɔrɔ amǝvǝ. Ilǝ biɔ́ sǝ xotɔn bǝ́: «Mǝkǝi nyi ilá ? Nukǝi ìwɔ. ³⁴ Amǝkǝ bɔ ɖɛáwó séé ɖàxá dó hooo. Nǝ amǝɖǝ́ nú ɖǝ amǝbú cá na nu bu. Hùnyà hunya sǝnŋú kǝ́kǝ́ sójagán ŋnya ǝnú kǝ jɔa tututu o. i ìɖǝgbǝ̀ bǝ wá dǝ Pɔlu ǝhun kpo. ³⁵ Kǝ wóva tǝbɔ agbɔa nuà, sɔ́jawó kíkǝ́ Pɔlu dǝ ǝji cagbǝ amǝ háa tɔ. ³⁶ Dobǝ wokprɔ wó dó ilǝ dáxá bǝ: «Mi wui !» ³⁷ Gakǝmǝ kǝ wóka dǝkpoa Pɔlu, Pɔlu nu nǝ sɔjagan bǝ: «Nɖǝkúkú, àádǝ mɔ́nŋ nǝ má nú nyɔ dǝka nǝmian ? Sɔ́jagan lǝ kɛsǝ bǝ: «ese Hola gbea ? ³⁸ Ŋnyi ewo i nyí ǝgyptǝtɔ́ kǝ dɔ i zin lǝ tɔ lǝ ŋkǝkǝ lawawó mǝ, ikprɔ amǝ hrɔn dotɔ́ saki amǝnǝ do yi ǝgbǝjià ? ³⁹ Pɔlu ɖoŋú nɛn bǝ́: «yudatɔ́ i ŋnyin có Tarso, kilikía. Edu dodó dekámɛe i ŋcó. Démɔnŋ nǝ́ máxonu nǝ́ dukɔan». ⁴⁰ Kǝ sɔ́jagán dɔ mɔ́n nɛàn, Pɔlu jǝtǝ dǝ kpokan ji í kɔalɔ nǝ́ dukɔan, kǝ ǝɖaɗó lǝ wó nu séé à, Pɔlu do hǝla gbǝ i nú nǝ́ wó bǝ: