¹ Pɔ́lù lé kpɔ́ àdàjù dǝ tɔ́wó í nú nǝwo bǝ́: «nɔvíwó ŋ nɔ Mawú ǝ́ŋkúvímǝ kídǝ́ jìjìnyɔ nyɔ̀ŋgbi kǝ́kǝ́ vá ná ǝ́gba. ² Mawú ǝ́ háŋkɔnɔtɔ́ gánŋgán Ànánìà dɔ́ɔ̀dɔ amǝkǝ lǝ Pɔ́lù kpáxó ó bǝ́ ná xo ǝnugbɔ́ nǝ́ǝ. ³ Yí Pɔ́lù lǝ nú nɛ́ɛn bǝ́ «Mawú áxòtómǝ nǝ́ wocá ǝwokǝlǝ sigbe ǝ̀grì́ kǝ wóŋ. Si àkáló nǝ́ ǝnǝ́á ò, yì ǝkanrɛn dǝ́ kojódódó ǝ́zikpuia jí ɖɛ́ yí lǝ dókojó ŋ, vɔ̀à woŋtá ǝdàsǝ́ájí ɖɛ́ yí lǝ ná gbǝ̀ bǝ ó náxoŋǝà à ?» ⁴ Amǝkǝwó sɔgbǝ̀ ánúŋ bǝ́ «nǝnǝ́ yí ŋlǝ zu Mawu kojódótɔ́ ganŋgan ǝ́tatɔ́á nǝ» ⁵ Pɔ́lù nù nǝ́ wó bǝ́ «yǝŋ́nyá bǝ́ Mawu ǝ́kojódótɔ́ gánŋgán i&iényi ò. ǝnúkǝdɔ́a wóŋrán ǝnù dɛ́ bǝ́ «káxonuwó bada có tɔɔ́ dumǝ mǝgán wó ŋú ò». ⁶ Kǝ Pɔ́lù se ǝ́ ǝ̀tóxodó ná mǝtɔ́ káwó có sàdúkǝ̀ tɔ́wó domǝ vá kidǝ́ yúdàtɔ́wó á ǝ́xonu kidǝ́ ǝ̀gbǝ̀ sínsín bǝ́ «nɔviwó fàrísì vijiji yí ŋnyín.ǝnúkǝdɔ́á ŋlǝ ɖóòtó í lǝ mɔ́nkpɔ́kpɔ́ mǝ bǝ́ amǝkúkúwó á vá fɔ́n gbǝ̀dǝ̀káá yǝ́ yídɔ́ yí wólǝ́ŋ vá kójódóxó ilá. ⁷ Kǝ ìxonu jrɔ́á ǝnyɔhǝhǝ vá dó fàrísìtɔ́wó kídǝ́ sàdúkǝtɔ́wó domǝ yí bɔ̀bɔ̀á má dǝ́ toxó ámǝ̀vǝ̀. ⁸ ǝnúkǝdɔ́á sàdúkǝ̀ tɔwó núnɛ́ɛn bǝ́ amǝkúkúwó fɔ́nfɔ́n ŋlɛ ò, yí Mawú ǝŋǝdotɔ́ ó cá ŋ́lɛ ò yí gbɔ̀ngbɔ̀n kɔ̀xɔ̀ cá ŋ́lɛ ò. Vɔ̀à fàrítɔ́wó xɔ ǝnú inawó sééé jí sǝ. ⁹ Yí còcódǝ́ŋú gánŋgán dǝ́ká vá jɔ yí fàrísìtɔ́ ǝnùŋrɔtɔ́ gánŋgán wó cɔ́ ǝnyɔhǝhǝ dǝ́ká dɛ́ yí lǝ nú bǝ́: «mí ŋkpɔ́ bàdà dàkín lǝ ŋúcu lá mǝ ò, mɛɛ́n átǝ́ŋú ánya ǝnyɔ na, tanyɔ́ dɛ́ ŋfia Mawu ǝŋǝdótɔ́ yí xonu nɛ́ɛn ? ¹⁰ Kǝ ǝnyɔhǝnhǝn gánŋgán ŋ́tá vá ɖóá, sɔ́jawó tatɔ́ lǝ vɔ́nvɔ́n bǝ́ wóŋká vá ján Pɔ́lù wríwrí có wó símǝ̀o. Yíìdɔ́ sɔ́jawó bǝ́ wóá vɛ́ɛ kprɔ Pɔ́lù và nǝ́ǝ. Lǝ́ ǝ́tóxoɖǝ́ námǝtɔ́wó domǝ bǝ́ wó ná kprɔɛ yí àhùàkpá sínyú á mǝ. ¹¹ Ŋkǝkǝ kǝ kprɔɛ dóa yǝ zanmǝ á Àxótɔ́ vá nɔ̀tǝ dǝ́ gbɔ́ yí lǝ núnɛ́ɛn bǝ́ «ká vɔ́n ò, sigbǝ nǝ́ ǝwɛ yí ɖǝ ǝ̀kúnù ŋ. Lǝ Yèrúsàlɛ́mì nǝnǝ́ yí àágbǝ wɔɛ lǝ Rómà nǝ̀». ¹² Kǝ ǝŋukǝ a yúdàtɔ́ wɔ dòdó bada lǝ wóɖǝ́kíwó mǝ, bǝ́ nǝ́ yǝwó domǝ ŋ́kà dunú àló ánu ǝnúdǝ́ò, yí wótanú dǝ́jí. ¹³ Amǝkǝwɔ dòdó bada láwóá wówú amǝ hòoka. ¹⁴ Yí wó vɛ&ɛ kpɔ́ ǝ̀haŋkɔ nɔtɔ́wó ǝ́mǝgán kídǝ́ hamǝ mǝgánwó, yí wó nú bǝ́ «mícɔ́ mían dǝ́kiwó ísǝ́ŋdǝ́ nudódó mǝ, (fipode) bǝ ́míŋkà du nú ò, nǝ́ míŋ wu Pɔ́lù ò». ¹⁵ Míáwó ǝ̀tóxodǝ́ nǝmǝtɔwó, mí lǝ núnǝ́ sɔ́jawó mǝgán bǝ́ ná kprɔ Pɔ́lù vá nǝ́mi ánɔnǝ́ wó sigbǝ mí kà biyɔɛ ǝnyɔa mǝ cítócító ǝnǝ̀. Gànamǝ dóá míán wó milǝ ǝ̀gbǝ̀sɔ̀sɔ̀ ɖɛ yí áwui lǝ mɔ́ájí gbɔ̀xó àvàdó mían gbɔ́. ¹⁶ Pɔ́lù nɔvíá nyɔ́ru ǝ́ví sǝ sǝ́brá kǝ wó wɔ dǝ́ Pɔ́lù ŋùán yí ìyí àhùàxɔ sinyú án mǝ yí vɛ́ɛ nú ǝnyɔ a wó sǝ́ǝ́ǝ́ nǝ Pɔ́lù. Bǝ́ nǝnǝ́yí àfɔkú dǝ́ká lǝ mɔnjí nɛ́ɛ nǝ̀. ¹⁷ Yí Pɔ́lù yɔ sɔ́jawó domǝtɔ́ dǝ́ká yí lǝ núnǝ́ǝ bǝ́ náá kprɔ dǝ̀vìá yi nǝ́ sɔ́jawó tatɔ́ gbɔ́ ǝnyɔ ɖǝ́ká lǝ dǝ̀vìasí nǝ́ amǝgán. ¹⁸ Yí sɔ́jaa kprɔ dǝ̀vìá sǝ́ŋyi nǝ́ sɔ́jawo tatɔ́ ínú nɛɛ bǝ́ «Pɔ́lù gàxɔ̀mǝnɔtɔ́ yí núŋ bǝ́ má kprɔ dǝ̀kɛ́jɛ́á vá nǝ́ mi bǝ́ ǝnyɔ dǝ́ká lǝsí nǝ́mi» ¹⁹ Sɔ́ja wó gán kǝnyí awàŋkɔnɔtɔ́ á lǝ́ dǝ̀kɛ́jɛ́ á lɔ yí kprɔ́ɛ yi wàwráxó írɛ́ɛ lǝ biɛ́sǝ «ǝnyɔ kǝǝ́ ǝjí bǝ́ yǝá núŋǝ ?» ²⁰ Dǝ̀kɛ́jɛ á xɔgbǝ̀ bǝ́: «Yúdàtɔ́wó wɔdǝ̀ká yí kàvá bíɔ́wó bǝ́ nà gbǝ Pɔ́lù dɛ nǝ́ wóá kprɔɛ vá nǝ́ mí ǝ̀cɔ nǝ́ wóá kprɔɛ vá kojódótɔ́wó ŋkɔ.Wó kàwɔɛ sigbǝ nǝ́ amǝ kǝjí bǝ́ yǝwó ányá ǝnyɔɖoɖo á ǝnǝ́. ²¹ Vɔ́á ká vɔn nǝ́wóá kprɔyi ò amǝ kǝ nɔ̀tǝ ɖɛ́ ílǝ kpɔ́mɔ́ bǝ́ yǝwó á wuia wó wú amǝ hoóka, bǝ́ wódó féca dɛ́nɛ. Yí wó hǝn ǝnudódó vá wó dǝ́kiwó jí ɖɛ́ bǝ yǝwó sɔgbǝ ɖɛ bǝ́yǝwó ŋkà dunú ò, àló nù ci ò, nǝ́ yǝwó ŋ́wu Pɔ́lù ò. Ífía kǝ ŋlǝ xonuwóá wó wó sɔgbǝ̀ dɛ yí lǝ kpɔ́ɔmɔ́n nǝ́ tɔɔ́gbǝnáná. ²² Yí sɔ́jawó ŋkɔnɔtɔ́ gánŋgán gbǝ́ ɖǝ̀kɛ́jɛ́ á ɖɛ́, bǝ́náyi íìdǝ ǝ̀sǝ́ nɛ́ɛ bǝ́ ŋ́ká nú nyɔnă nǝ́ á mǝ dǝ́kɛ́n bǝ́ ǝ́vá nú ŋ ò. ²³ Ísǝ́yijíá ǝ́yɔ́ sɔ́ja ámǝ̀vǝ̀ ínú nǝ́wó bǝ́: «wónájí sɔ́ja kàtɔ́n kǝ sɔgbǝ̀ dɛ̀ɛ̀wóá nǝwóá yi Sǝzaríà, yí ǝ̀sɔ́ aótɔ́ ̀́kakítakpo cíiwó, kídǝ́ eŋudatɔwó kàtɔn, mián có lǝ ŋkǝkǝa á gàxoxo ǝ̀tɔn antɔ́ mǝ̀» ²⁴ Ǝ́dɔ́ bǝ́ wó ná jí ǝran kǝ wóá sǝ́ŋkíkǝ́ náàtǝ́ŋvɛ́ɛ dó Anyígbán jí kpɔtɔ́ Felísì gbɔ nyɔ̀ŋgbi. ²⁵ Éwrán nú bǝ́: ²⁶ Clódì Lìídìà yí lǝ cí bùbùmǝ̀tɔ́ Felísì, anyígbán jí kpɔ́tɔ́. ²⁷ Ŋúcu la yudàtɔ́wó lée yí jí bǝ́ yǝ́wóá wui yǝ́yídɔ́í ŋdɔ́ tiín sɔ́jawó bǝ́ ná xɔɛ dǝ́ágbǝ̀ ǝnúkǝdɔ́á ŋsǝ bǝ́ Rómàtɔ́wó yí ìnyi. ²⁸ Ŋjíbǝ́ mányá ǝnúkǝdɔ́ yí wó có dǝ́ŋú á. Yí ŋkprɔɛ yi wó kojodótɔ́wó ŋkɔ. ²⁹ Ŋsǝ bǝ́ wó nyɔa vá lǝ kudǝ́ yúdàtɔ́wó ǝ́sǝ́á ídɔ́yí wólǝ cɔ́ ǝnyɔ dǝŋ́ú bǝ́ ǝnyɔdǝ́ ŋgbǝ lǝ yǝwósí ísǝ́ŋ́wú bǝ́ ǝ́jǝ nǝ́ ǝ̀kú àló wóá túi ɖǝ́ gàkpámǝ. ³⁰ Yí ŋgbǝ sǝ bǝ́ amǝɖǝ́káwó wɔ ɖòɖó daba ɖǝ́ŋú dɛ́ yéyídɔ́yi ń sǝ́ŋ́ dídá wo kábá ŋlǝ dǝmɔ́n nǝ́ amǝkǝ cɔ́ nyɔ dǝ́ŋú á wó bǝ́, ówó ná vá cɔ́nyɔ dǝ́ŋú lǝ tɔɔ́ ŋkúví mǝ. Éyi zan» ³¹ Yí sójawó dóòtó yǝ́ sǝ́ dǝ́dǝ́ á. Yí wó kprɔ Pɔ́lù lǝ̀zan domɛ yí sǝ́ŋyí nǝ́ Àntìpàtrì. ³² Lǝ ŋkǝkǝ kǝ kprɔɛɖóá sɔ́jawó domǝ àkpá gánŋgán án gbǝ́ ǝ̀sɔkutɔ́wó dɛ́ bǝ́ wó ná kprɔɛ yi, yí wóŋtáwó trɔ́ yi gàkpá gánŋgán sinŋú á mǝ ³³ Kǝ ǝ̀sɔkutɔ́wó vɛ́ɛdó Kàzáriǝ́á wó vɛ́ɛ cɔ́ wóma ísǝŋ ná Anyigbán jí kpɔtɔ́ yí wó cɔ́ Pɔ́lù cá dǝ́ àsímǝ nǝɛ́ɛn. ³⁴ Kǝ anyígbánji kpɔ́tɔ́ hrǝnwóma jrɔ́á ǝbíyɔ́ bǝ́ ǝnúto kǝǝ́ mǝ yí Pɔ́lù có mà, kǝ ìsǝ bǝ́ Sìlísìtɔ́ yíá ³⁵ ǝ́núbǝ́ maásǝ tɔnyɔ a mǝ nyɔ́ŋ́gbi ísǝ́kpǝ́ amǝkǝ cɔ́ ǝnyɔdǝ́ǝŋ́úwoa mó tɔ cá ŋ ú, gbɔ̀xónǝ́ wóá vá dó lǝ lá». Yíì dɔ̀wó bǝ́ wóná kprɔɛ yí Hèródì yǝ́ fiɔsá mǝ.