¹ Lə́ ɛnúnàn wó ŋgbə́à, Paulú có lə̀ Atene ì yi Korint. ² Ə̀va dogó yudatɔ kə̀ ŋkɔ nyi Akila, amə̀n kə́ wó ji lə́ Pont, yé kidə̀ yé si Priskila amə̀njróvi í wó nyi có Italí lə̀ madidimə̀n; ɖóbə́ klaudú nyàn Yudatɔ ɖə́sìaɖə̀ bə̀ wa dó lə́ Roma dúamə̀n í wó và ə̀duamə̀n; ³ kə̀ wó nyi ə̀dɔ ɖə̀ka wɔtɔà, wó nɔndù i wɔ ə̀dɔ lə̀ ə̀duamə̀n: àvɛ̀ŋtɛ̀tɛ̀ wɔtɔ̀ i wó nyì. ⁴ Paulú xonən núxó lə̀ Yuɖatɔ wó ɖə̀xóxó lə̀ sabbat ɖəsiaɖə́ jí, í í tə̀kpɔ i ɖə́ ɛnú gɔmə̀n nə̀n Yuɖatɔwó kidə́ Helatɔwó. ⁵ Vɔà kə̀ Sila kidə́ Timotèo wò có Makédonià và à, wó cɔə̀ də́ wó ɖə̀kíwo jí i ɖə́ ɛnyɔn gɔmə̀n nə̀n amə̀nwó nə̀n wa nyán bé Yesú i nyí Kristoà. ⁶ Yudatɔwó gbé ənyɔàn í tɔwó zúzú, Paulú xúnxún yə̀ wúwó i lə̀ nù nə̀n wo bə̀: miàn xúnwó nà va miàn tawó tà jí; ŋan ŋ lə̀ kɔkééé. Có ɛgbàjì màn yi vodù sɛ̀ntɔwó gbɔ. ⁷ Kə̀ i dó lə̀lə̀ nàn an ə̀yi Mawu yə̀ mə̀n kə́ wó yɔnən bə́ Crispus gbɔ lə̀ yə̀ xɔmə̀n, yə̀ xɔà ca ɖo Yuɖatɔwó ɖə̀xó xɔà ŋu. ⁸ Vɔà Krispus, Yudatɔwó ɖəxoxɔ ji kpɔtɔà kidə̀ yə̀ xomə̀ntɔwó xɔ̀ ə̀nyɔan ji sə́ kidə̀ Korintotɔwó kə̀ ɖotó Paulú yə̀ nyɔàn wóá lɔ ji sə̀ i wó lə̀ Mawúcí nə̀nwó. ⁹ Lə̀ ə̀zàn mə̀n àn, ahotɔ bə̀ nù nən Paulú bə́ Edrɔ mə̀n bə́: Kàà vɔnvɔn óó, xonú kpɔ kàà gbɔjín óó, ¹⁰ ɖobə̀ ŋlɛ̀ kidə́ ɛwó, í amən ɖə́kə̀n ŋka tə̀ŋ tɔwó alɔ í là wɔ ə̀núvɔ̀ɛ̀n kidə̀ ə̀wó óó: xonu, ɖobə́ amə̀nwo súgbɔ lə̀ asínyə̀n lə̀ ə̀dúàmə̀n. ¹¹ Ə̀ nɔ̀n ɛ́dúàmə̀n i wɔ ə̀xó ɖə̀ká kidə wreti amàndən, i yé kidə̀́ Korintótɔwó nu Mawú nyɔn. ¹² Kə́ Galio va zú Akai yə̀ nyigbàn ji kpɔtɔà Yuɖatɔwó citrə̀ də̀ Paulú ŋu i kprɔɛ̀ yi ə̀sétɔ̀wó gbɔ́. ¹³ Wó nú bə̀: "Amə̀n làà trɔ amə̀nwó tómə̀n í wó lə̀ sə̀n Mawu kə̀ tévé nən kə́ ɛsə̀à ɖə̀ ɛ̀mɔn bə̀ wà subɔà. ¹⁴ Paulú ka mən xonú i Galio xɔnyɔn í lə nú nə̀n Yudatɔwó bə̀: Yuɖatɔwó, nə̀n nyi nuvɔə̀n aló ə̀sə̀ ji mawɔmawɔ i à. ¹⁵ Vɔ í va nyi bə̀ əŋkɔ kidə́ ənyɔn núnúwó, kidə́ miàn ŋtá wó sə̀də́də́wó i á, mian tawó mi jra ənyɔn nànwó dó. Nyàn ŋkà nyi ɛnúnanwó kójó ɖotɔ̀ óó." ¹⁶ Galio ɖə́ wó dó lə̀ kojó ɖóxóà. ¹⁷ Í wó séawó lə̀ Sostène, Mawu yə̀ ɖə́xoxó ji kpɔtɔ gángàn àn i xóɛ lə̀ kójóɖóxɔà yə̀ ŋkɔ. Vɔà Galió ŋcɔ̀ ə̀ɖə̀ lə̀ mə̀n nə̀n wó óó. ¹⁸ Kə́ Paulu gbə́ wɔ̀ ŋkə̀kə̀ dówó lə̀lə̀nan kidə́ nɔviawóà, ə̀ có lə̀ wogblɔ̀ i vɛ ɖó ətɔxún, ə̀ yikɔ Siria, Priskila kidə̀ Akwila wó yi kidéé. Gbɔxó nə̀n à có lə̀ ə̀tɔjixúan ɖoxóà, ə̀ xrɔ ə̀tà lə̀ kenxrèà, ɖó bə̀ ə̀ də̀ ə̀zə̀. ¹⁹ Kə̀ i vɛ ɖo Ephesóà, Paulú gbə̀ Priskila kidə̀ akwila əə̀ lə̀nàn, voà yə́ ŋtà jíbə yéa yi Yudatɔwó də̀xóxóà i là xónú kidə̀ wo. ²⁰ Wó ɖə́ kúkú nə̀n Paulú bə̀n gbə̀ nə̀n kidə̀ wó xoɛɖə̀ká, vɔà ə̀gbə̀. ²¹ Ə̀ có gbə̀woɖɛ i nú nə̀n wwó bə́: "mà gbə̀ trɔvà miangbɔ̀ nɛn mawu jià." i i yí Ephésó. ²² Kə̀ Paulú vɛ̀ ɖó Kaisaréà à, ə̀yi Yerusalem i vɛ cí ɛxá á mən tɔ̀wó, í gbə̀ jə̀mən yi antioxia. ²³ Kə́ i nɔn lə́lə́nàn zààn àn, Paulú yi Galatia Kidə́ Figià nutowómə̀n ɖə́kà i lə́ dó ŋsə̀n yə̀ ɖə̀kprɔvio wó sée. ²⁴ Yuɖàtɔ kə̀ wó ji lə̀ Alesandria, kə́ wó yɔ nə̀n bə̀ Apolos àà, ə̀và Ephésé. Ə̀ əə̀ acɔ̀ lə̀ nuxó kidə̀ ə̀nu xrɔxrɔn mə̀n. ²⁵ Mawu yə̀ nùkprakpra yə̀ súkrú Apolos yi. Yohanes yə̀ mawuci i wó lə̀non, vɔà xɔsə mən sənŋu nən í í lə̀ xɔnú kidə́ Kakadə́ji có Yesú ŋú. ²⁶ Apolos lə̀ Honú kidə́ kakadə̀jí lə̀ ɖə̀xoxɔà mɛn kə́ priskila kidə́ Akwilà sə̀ yə̀ núxóà, wó và kpə̀də̀ ŋú i wó và ɖə̀ Mawú yə̀ nyɔàn gɔmə̀n nyɔngbí. ²⁷ Kə̀ í lə̀ ji bə̀ ya yi Axayà à, nɔnviawó dó ŋsə̀n ən, i xrɔn woə́ma nən axaỳtɔwó nə̀n wà xɔɛ̀ nyɔnŋgbi. Kə i vɛ̀ ɖòà, ə̀ kpə̀də̀ jì xɔsə̀tɔwó ŋu có amə̀nuvə̀və̀mə̀n. ²⁸ Ɖobə́ ə̀ có ŋsə̀n ɖú Yuɖatɔwó jí lə̀ gbàŋgbà lə̀ yə̀ ŋzɔ̀n nɔnnɔnmə̀n, í nàn wó nyàn bə́ yesú i nyi Kristó.