¹ Gákǝ̀mɛn Apòlò lǝ̀ kòvìnto à, Pɔ̀lù tò Ásìà nùtowó mɛn va ɖo È̀fésó. kǝ̀ ì ɖò̀ gò adǝ̀kprɔvi ɖǝ̀kàwóá ǝ̀nù nɛn wò bǝ̀. ² Mi xɔ gbɔngbɔn kɔkɔ kǝ̀ mi xɔsǝà? wó ɖó nɛn bǝ̀ mi ŋ sǝ kpɔ̀ cà bǝ̀ gbɔngbɔn kɔ kɔ ɖǝ̀ lɛ́ ò. ³ Í í nù bǝ̀ Mawu ci lǝ lǝ kǝ í mi xɔ man? Í wó nú nɛn bǝ̀ Yòhánes yǝ̀ Mawu ci lǝ lǝ mi xɔ . ⁴ Í́ Pɔ̀lù nù nɛn wó bǝ̀ Yóhánes lǝ jimɛn tɔtrɔ yǝ Mawu ci lǝ lǝ nɛn amɛnwò Ì lǝ̀ nú nɛn wó bǝ̀ wóá́ xɔ Yesu amɛn kǝ̀ gbɔnɔn yǝ gbǝ̀à̀ jisǝ̀. ⁵ Kǝ amɛn wó sǝ ǝ̀nyɔn núnán wó nan wò lǝ̀ Mawu ci nɛn wó kǝ̀ Pɔ̀lù . ⁶ Cɔ̀ alɔ dǝ̀ wò jíá , gbɔngbɔn kɔkɔ ɖó wò mɛn í wó dó ǝ̀gbǝ̀ bùwò í nú Mawu nyɔn. ⁷ Amɛn an wó sééé áyi sigbǝ̀ amɛnuwiǝ̀vǝ̀ ǝ̀nǝ̀. ⁸ Pɔ̀lù ɖo yùdà̀tɔwò ɖǝ̀xɔ̀ xɔ mɛn í xònù sigbǝ wrǝ̀éti amɛntɔn nɛn. í jǝ àgbàgbà bǝ̀ yǝ̀à trɔ̀ amɛn wò̀ sǝ̀yi Mawu fiɔ duxo núwó gbɔ. ⁹ Vɔ̀ yudatɔ ɖǝ̀kàwò ̀ kǝ̀ adǝkpotò nǝwò a, ŋbunɛnn amɛn wó á lǝ̀ nú ǝ̀nyɔn manyɔn manyɔ cò christò mɔ̀nwò jí lǝ̀ amɛnwó ŋkɔ í Pɔ̀lú có í kprɔ àdǝ̀kprɔwawo có lǝ amɛnwó gbɔ í í vá yi lǝ xónu lǝ́ tíráńó yǝ̀ nukpráscó ǝ̀ŋ kǝkǝ ɖǝ̀sí àɖǝ̀. ¹⁰ Ǝ wɔ ǝ̀nu hilá kǝ̀kǝ̀ í ́ sǝ̀yi ǝ̀xo amɛ́nvǝ í í ́ nan bǝ amɛn kǝ lǝ Asìà nútomɛnwo,́ yúdatɔwó kidǝ̀ hélatɔ̀wò wò sǝ̀ Mawu nyɔn. ¹¹ Mawu wɔ àmrímàn nùwò kidǝ̀ Pɔ̀lù yǝ̀ lɔ. ¹² Dɔ̀nɔnwó kpɔ hayahoyá i gbɔngbɔn makɔmakɔwó donɛn lǝ amɛnwo mɛn nɛn wó lǝ Pɔ̀lù yǝ̀ takuvi kidǝ̀ yǝ̀ àkɔ̀tanu wu. ¹³ Vɔ̀ yúdatɔ̀wò ɖǝ̀káwó kǝ yinɛn ǝ̀du ǝ̀duwó mɛn lǝ nan i lǝ̀ zán yesu ŋkɔ̀ sǝ̀ lǝ̀ wɔ ǝ̀nú kǝ jrówó. wó yɔ nín dǝ̀ amɛn kǝ gbɔgbɔn makɔmakɔ wò lǝ̀ ji; í nunɛn bǝ ŋdǝ̀ gbǝ nɛn wo bǝ̀ nà do lǝ yesu amɛn kǝŋ Pɔ̀lú ɖǝ nɛn kúnú lǝ̀á. ¹⁴ Skéva, yúdatɔwó vɔɔatɔɔ ganŋgan yǝ̀ vi ŋúcúvi amɛ́ndrǝ̀wò i lǝ̀ wɔ̀ ǝ̀nù hinan wó ¹⁵ Gbɔngbɔn makɔmakɔá ɖoŋ nɛn wó bǝ̀ ŋ dǝ̀si yesu i ŋ dǝ̀si Pɔ̀lù vɔ̀ miawo ɖǝ̀ mɛn wo i mi nyi? ¹⁶ Amɛn kǝ mɛn gbɔngbɔn makɔmakɔà lǝ̀ zòkpǝ̀ dǝ̀ wo yi xò wi du wó jí í dó àbì wòŋ kǝ̀kǝ̀ wò sí aman aman lǝ̀ àxɔ̀ ninan mɛn. ¹⁷ Kǝ̀ yúdatɔwó kidǝ̀ hélatɔwò sééé kǝ lǝ Éfésóà sǝ ǝnyɔn án vɔ́nvɔ̀n ji wó í wó dò bubu àxótɔ yesu ŋkɔ ŋú. ^{18 19 20} Kidǝ̀ cá xɔ̀sǝ̀tɔ̀ sùgbɔ ɖǝ̀káwó́ vá ɖǝ̀ wò núvɔ̀nwó mɛn i dé dèsì ǝ̀nù mányɔ̀n mányɔ̀n kǝ̀ wò wɔ̀ vá yi xóxóáwó. Amɛn sùgbɔ kǝ̀ wɔ mágiki lǝ wò wóémawo vá í tɔ̀ zòé lǝ amɛn siá amɛn yǝ̀ ŋkúví mɛn i kǝ wó bu yǝ̀ nóá , é yi saki noka cí ǝ̀wò nó ga. ²¹ Í kǝ Pɔ̀lù wu yǝ̀ dɔ̀ nu lǝ Efésòà gbɔngbɔn an nan í í ɖɖoe bǝ̀ yǝ̀tó Mákèdónià kidǝ̀ Àxayá í yì yǝ̀rùsàlɛm ǝ̀nù bǝ̀ nɛ́n ŋ yi lǝ̀ nan jrɔ̀à ŋ dó lá vá yi Roma cá. ²² Pɔ̀lù dɔ yǝ̀ àdǝkprɔvi amɛ̀nvǝ Tìmótéó kidǝ̀ Érastó kǝ̀ kpǝ̀dǝ̀ŋ án wó sǝ̀yì. màkǝdóniá. vɔ yǝ̀ŋtá cí Àsià hɔ́ɛ́ɖǝ̀ká. ²³ Lǝ gá ŋunan mɛn, amɛnwó có dǝ́ Pɔ̀lù yǝ̀ nyɔ̀nwò ŋú lǝ É́fésǝ̀. ²⁴ Lǝ lǝ̀nán Dèmètrió cikadɔ wɔtɔ ɖǝ̀kà kǝ̀ wɔnɛn Mawu ŋɔ̀nrun kǝ wò yɔ̀nɛn bǝ̀ Àrtémis yǝ̀ kpǝ̀ tátáá, hɛn nɛn ǝ̀dɔ̀ và sùgbɔ̀ nɛn álonúdɔ̀ wɔtɔáwó. ²⁵ Í í bɔ ǝ̀dɔɖǝ̀ káwɔ̀tɔ̀wó lǝ nunɛnwó bǝ míátɔwó, mi nyan bǝ mí kpɔ nɛn ǝho sùgbɔ̀ lǝ̀ ǝdɔ̀ lá mɛn . ²⁶ Milǝ kpɔ̀ɛ̀ í mi lǝ sǝé lǝ Éfésò kidǝ̀ Ásiá nútówó mɛn bǝ̀ Pɔ̀lù hinan tǝ̀kpɔ̀ i trɔ̀ amɛn sùgbɔ̀wo súsú i wó xɔji sǝ ǝ̀nu bǝ̀ Mawu ɖǝ̀kinŋlɛ kǝ wó wɔ̀nɛ́n kidǝ̀ alɔ̀ ó. ²⁷ Miáɖɔ̀ hilá lǝ àfɔ̀nù̀ mɔnji i mi ka va bú í kidǝ́. cáá Mawu nyɔnrun ganŋgan Artemis yǝ̀ Mawu xɔa ŋká gbǝ nyi ǝ̀ŋɖǝ̀ lǝ̀ ŋkúvimɛn nɛ́n amɛnwò í wóŋ kàgbǝ dó bubuŋ ó yǝ̀ kǝ̀ wò ǝin nɛ́n lǝ̀ Ásìà kidǝ̀ xixǝ́ámɛn sééé. ²⁸ Xomɛ̀nfíɔ̀n lǝ̀wò kǝ̀ wò sǝ ǝ̀nyɔn lá í wó́lǝ dó àxà bǝ̀ Éfésòtɔwó Artemis í nyi Mawu. ²⁹ Ǝdúgáán sééé ɖo cáhàcàkà mɛn í amɛnwó hrɔndo yikɔ à brɔ mɛn. wolǝ̀ Pɔ̀lù yé hátíwó Gayo kidǝ Aristarxon, kǝ̀ có Makedonia. ³⁰ Pɔ̀lù jí bǝ̀ yǝ̀ àɖò amɛn sugbɔ à wò vɔ̀ yǝ̀ àdǝ kprɔviwó ŋɖǝ̀ mɔ̀n nɛ́n ́ ó. ³¹ Àsiá mɛ́ngán ɖǝ̀kàwò kǝ̀nyi Pɔ̀lù yǝ̀ xɔ̀rɔ̀wó ɖɔ̀ amɛnɖǝ̀kà ɖikà bǝ̀ wóá nunɛ́n bǝ̀ ŋká ɖò ábrɔámɛ́n ó. ³² Ǝ̀dùàmɛ́ntɔ ɖǝ̀káwó́ lǝ̀ ɖò àxà nɛn ǝ̀ŋɖǝ̀ká í ǝ̀búwó lǝ̀ ɖó àxà nɛ́n ǝ̀nùbù ɖóá càkàcàkà ɖo amɛnwómɛn ɖɛ́ í amɛ̀n sùgbɔ ŋnyan ǝ̀nu kǝì jɔ í wó bɔ ɖɛ̀ ò. ³³ Yùdatɔwó ɖǝ Aleksandro do lǝ amɛn anwó dómɛ̀n í cɔ̀ɛ̀ dǝ̀ wò ŋkɔ̀ Aleksandro lǝ wɔ alɔ bǝ̀ yǝ̀ áɖǝ̀ ǝ̀nùgɔmɛn nɛn amɛn anwó . ³⁴ Vɔ̀ kǝ̀ wò nyan bǝ́ yúdatɔwó í í nyiá wó lǝ̀ dó àxà kidǝ ǝ̀gbǝ̀ ɖǝ̀ká sigbǝ̀ gáxóxó amɛnvǝ nɛn bǝ̀ Éfésotɔwó Artemis í nyín Mawu. ³⁵ Kǝ̀ ǝ̀dùwóéma ŋrɔntɔ fáji nɛn amɛn anuwòà ǝ̀nu bǝ̀: mi, Éfésotɔawó mɛn í lǝ̀ mianɛn ŋnyan bǝ̀ Éféso dúa nyi Artemis ganŋgan yǝ Mawuxɔ nɔnxó í tónó híla ŋnyi fí í va gǝ̀ jin dǝ ̀ có jiŋkori ó? ³⁶ Kǝ mi nyan bǝ̀ ǝ̀nyɔnláwó nyi ǝ̀nyɔndódòwóá, mi ɖó lá wɔ ɔ brɛ́wúú í mi ŋɖòlà wɔ ǝ̀nùɖǝ̀ tamǝ mabumabu ò. ³⁷ Ɖóá amɛn kǝ mi cɔ̀ va wó ŋ fifi lǝ̀ mawuxɔámɛn í wó ŋ nú búsú nyɔn ɖǝ̀kin lǝ̀ mía Mawu nyɔnrun an ŋó. ³⁸ Nɛ́n í nyi bǝ̀ Demetrio kidǝ̀ yǝ̀ alǝaudɔ wɔtɔwò ɖó ǝ̀nyɔn ɖǝ kidǝ̀ amɛn ɖǝ̀á, kójó ɖóhowó kidǝ̀ anyigbanjikpɔtɔwó lɛ́ wóa yi lǝ̀ nan í vɛí sanmán wo ɖǝkiwo . ³⁹ Vɔ̀ nɛn midó ǝnyɔ wò ǝ̀ùbuŋ an, wóá tǝŋ kpɔ gbɔ lǝ̀ ǝ̀ámɛn lǝ̀ kòjòɖòhó. ́ ⁴⁰ Ɖóá nɛn nuŋnyan wɔwɔ wóácó ǝ̀nyɔn ɖǝ̀ miɛ̀nŋu lǝ̀ ǝ̀nú kpotokpotó́ láwó i miŋ katǝ ɖǝgɔmɛn o. ⁴¹ Kǝ̀ ì nù ǝ̀nyɔn hinann ǝ̀ nyan amɛn bɔbɔáwó.