ATCHAMADO_BEN-aug_act_text

Ǝta 17

¹ Pɔ́lù kidǝ́ Silas tó Amphipolis kidǝ‌ɩAppolonie vá yíkɔ́ í vá ɖó Thessalonique, fí yúdàtɔwó ɖǝ́xóxó lǝ. ² Pɔ́lù lǝ yɔ́ kɔtanu mǝ sigbǝ í wɔ́nɛn ɖɛ́ɖǝ́cá ǝ́nǝ. Sabbath ámɔ̀ntɔn sééa, ǝ́lǝ xónu có yrɔnyrɔn ńn kidǝ́ wó, ³ i lɔ ɖǝ́gɔ́mǝ i lǝ ɖókpǝ́jí bǝ́ Kristó ɖólá kpǝ́fú í lá fɔ́n lǝ amǝ kúkúwó mǝ, ígbǝ́lǝnú bǝ́ Yesu kǝ́ ŋ́nú ŋǝ́ nyɔn nǝ mián yǝ́ í nyín Kristóá ⁴ Amǝɖówó lǝ wó mǝán xɔ́ɛ̀sé í wɔ́ɖǝ́ká kidǝ́ Pɔ́lù kídǝ́ Silas, nǝnɛn í Grecɔtɔ́ sugbɔ̀wó vɔ́nvɔ́n nǝ Mawu wɛ́bǝ́ yɔ́nrun sugbɔ̀wó nyɔ́n. ⁵ Vɔa yúdàtɔ́wó kídǝ́ ŋ́huan, cán amǝ kpotokpotowó í lǝ sǝ́ŋ wɔ́ hacoco ílǝ ɖísá í lǝ wɔ hunyanhunyan lǝ ǝdù ganmǝ, wó yí Jason yǝ́ xómǝ ílǝ jí Pɔ́lù kídǝ́ Silas nǝ wóá cɔ́ wó yí amǝwó gbɔ́. ⁶ Kǝ wó ŋ́rpɔ́wóá, wó lǝ́ Jason kídǝ́ amǝɖǝ́káwó í sǝ́ŋ́ yi kojoɖótɔ́wó gbɔ́ lǝ ǝdù ganŋgan mǝ ílǝ dáhá: amǝ lá wó kǝ́ cáká xixéámǝán, vá ɖó lǝ lá cá í Jason xɔ́ wó. ⁷ Amǝ ŋ́nan wó kǝ́ Jason xɔa wó lɔ́ có dǝ́ Kayisaro yǝ́ s&wó ún, wólǝ nú bǝ́: «ǝ̀fiɔ̀ bú bɛ̀, Yesu.» ⁸ Kǝ ǝ̀dù ganŋgan mǝtɔ́wó kídǝ́ kojoɖótɔ́wó sǝ ǝ́nyɔn lá wóá, wó cáká. ⁹ Ǝnukǝ wó kán nǝ Jason kídǝ́ amǝ búwóa kǝ́ wó tú vɛ jrǝ́á, wó gbǝ́ wó ɖɛ́ í wóyi. ¹⁰ ǝzan ŋ nan mǝán, nɔníwó cɔ́ pɔ́lù kidǝ́ Silas sǝ́ŋ́ ɖíɖá Berée. Kǝ́ wó ɖoá wó ɖó yúdàtɔ́wó ɖǝxo xɔmǝ. ¹¹ Amɔ lá wó nyǝ́n wú Tesalonikatɔ́wó, ǝnúkǝdɔá wó xo ǝnyɔnan kábákábá, í zró ǝnyɔn nyɔŋ́gbin ŋkǝkǝ ɖǝsiadǝ nǝ wóá kpɔ́ bǝ́ ǝnúkǝ wo lǝ núnǝ wóá nyin ǝnyɔn dodó mán. ¹² ǝnúnǝjɔ́ í amǝ sùgbɔ̀ xɔji sǝ́ǝ nǝ, kǝ́ grecquetɔwó yɔ́nrun amǝ cáncănwó kídǝ húncú sùgbɔ̀ wó. ¹³ Vɔa yudàtɔ́wó kǝ́ lǝ Tesalonikatɔwo sǝ́ bǝ́ Pɔ́lù lǝ nú Mawu nyɔn lǝ Berée, wó lǝ yi í lǝ ɖɔ́ bǝ́ wóá có dǝ́ wóŋ́. ¹⁴ Zǝɖǝká nɔnviwócɔ́ Pɔ́lù ɖiɖa axutó lagǝ, vɔa Silas kidǝ́ Timoth̀e nɔn lǝŋ́ nan ɖɛ́ ¹⁵ Amǝ kǝ lǝ kprɔ Pɔ́lù a ákprɔ kǝ́kǝ́ í sǝ́ŋ́ yi Athènes. kǝ wó gbǝ́ ɖɛ́ lǝ́lǝ́ ŋ nán, wó xɔ ǝnyɔnwó có gbɔ́ dǝ́ Silas kídǝ́ Timóte un nǝ wóá vá tui zǝ́ɖǝ́kɛn. ¹⁶ Kpɔ́ kǝ Pɔ́lù lǝ nuǝte kpɔ́ wó lǝ Athènes xomǝfiɛn lǝ́ yǝ́ gbɔngbɔnán kǝ́ í kpɔ́ ǝdu ganŋgán kǝ́ ɖɔ́ kídǝ́ vodú wó. ¹⁷ Lǝ ŋ nán ún, ǝ́lǝ lǝ́ ǝnyɔn kídǝ́ yudàtɔ́wó lǝ wó ɖǝ́xo xɔmǝ kídǝ́ amǝ kǝ lǝ súbɔ́ Mawuá wó, kídǝ́ amǝ kǝ ì lǝ dogo tɛ̀gbɛ̀á wó lǝ godo toxó a wó. ¹⁸ Vɔa, xíxéamǝ nú nyántɔ́ kǝ nyin Epicurientɔ́wó kídǝ́ Stoïcientɔ́wó cá có dǝ́ ún, í amǝɖǝ́wó nú bǝ: «ǝnyɔn ŋnanwó gɔmǝ ɖǝ́ ?» amǝ búwó bù bǝ́: «ǝwɔ́bǝ́ ǝ́nyí amǝjrówó Mawu yǝ́ nyɔn nuɖɛtɔ́», ǝ́nukǝ́dɔ́ ǝlǝ nú Yesu yǝ́ nyɔn kídǝ́ fɔnfɔn cítǝ. ¹⁹ Wó cɔ́ Pɔ́lù í sǝ́ŋ́ yi Aréopage i lǝ nú bǝ́: «mián tǝ́ŋ́ nyán ɖoɖo yǝ́yǝ́ kǝ ǝlǝ kpraá ? ²⁰ Ǝnúkǝdɔ́á ɛelǝ nú nyɔn maɖi nyɔnwó dǝ́ ǝtomǝ nǝ mi. Ǝnúkǝdɔ́ í mí jí bǝ́ mián nyán ǝnúkǝ́ nyin ǝnú nanwó». ²¹ Sǝ́ŋ́ wúá amǝ mán nyán Mawu wó kídǝ́ amǝjrówó kǝ lǝŋnán wó lǝ cɔ́ wó gamǝ wó í sǝ́ŋ́ lǝ nú alo lǝ ɖotó ǝnyɔn yǝ́yǝ́ ŋ nan wó, ²² kǝ í nyin ǝnǝán, Pɔ́lù cítǝ dǝ́ doŋ́domǝ lǝ Aéropage í nú bǝ́: «mián wó, Athèneǝtɔ́wó, ŋlǝ kpɔ́ bǝ́ mí nyín cɔ́ci yi tɔ́wó ŋ́táŋ́tá lǝ ɖǝsiáɖǝ mǝ ²³ Ǝnúkǝdɔ́á kǝ ŋ́ lǝ tó ǝ̀dù ganŋ́gán mǝ vayi kɔ́á í lǝ kpɔ́ ǝnú kǝ milǝ sɛnánwó, ŋkpɔ́ ǝnú tátá kǝ́ yrɔnyrɔnláwó lǝji: «nǝ Mawu kǝ́ wóŋ́ dǝsía ò» Ɛɛɛ, ǝnúkǝ́ mí lǝsɛn lǝ manyánmanyán mǝ, ǝnú ŋ nán í ŋ lǝ nú nǝ mi ²⁴ Mawu kǝ wɔ xíxǝ́ ǝlá kidǝ́ ǝnukǝ́ lǝ̀mǝ ɖɛ̀áwó séé, kǝ́ í nyí ŋǝ́ í nyí àxótɔ́, nǝ́ jiŋkori kídǝ́ ànyigbán ŋ́ nɔnɔ́n sɛnsɛn yǝ́xɔ́ kǝ́ amǝwó cɔ́ lɔ í sǝŋ́ mǝán ò. ²⁵ Ŋ nyi amǝwó lɔ í lá sɛn sigbǝ́ ǝ́ŋ́ɖǝ́ hǝ́dǝ́ ǝ́nǝ ò, ǝnukǝdɔ́á ŋǝ́ ŋtá hoǝdǝ nán nɔ́n àgbǝ́ amǝwó kídǝ́ gbɔngbɔn kídǝ́ ǝ́núwó séé. ²⁶ Tó amǝɖǝ́ká jí, ǝ́wɔ́ ǝ́dú dǝ́siáɖǝ́ kídǝ́ amǝwó séé kǝ́ lǝ anyigbán jí, í nánwó wó gámǝ wó tútútú kídǝ́ ríxo nǝ wó nɔnxówó. ²⁷ Sǝ́ŋ́ yi jiá, wó ɖólá jí Mawu í wó ɖólá ɖɔŋuijü i tǝ́kpǝ́ í lá kpǝ́ɛé, ǝ́nukǝdɔ́á sǝ́ŋ́ yí jí, ŋ díŋ́dí lǝ mián domǝtɔ́ ɖǝsiáɖǝ gbɔ́ ò. ²⁸ Ǝ́nukǝdɔ́á lǝ yá mǝán mí lǝ zɔn, mi lǝ nɔn àgbǝ̀ i mi lɛɖɛ́, sigbǝ́ mián há jiji ɖǝ́káwó nui ǝ́nǝ́: «ǝ́nukǝ́dɔa nù nyí ye jijimǝ viwó». ²⁹ Kǝ́ í nyí bǝ́ mí nyí Mawu yǝ́ jɔjɔmǝ víwó, mìŋ́ ɖó lá bui bǝ́ Mawu yǝ́ nyinyi ǝ́ɖí ciká alo ǝ̀hó alo ǝkpǝ tátá nyɔngbui kídǝ́ amǝ yǝ́ súsú ò. ³⁰ Ǝ́nu nán í Mawu ŋcɔ́ manyán-manyán gamǝwó í sǝ́ŋ́ wɔ̀dɔ ò, vɔ̀à ǝ́ɖǝgbǝ̀ ífía nǝ́ amǝsiámǝ, lǝ àfísiafí bǝ́ wóá trɔ́ jímǝ̀, ³¹ ǝnukǝjɔ́ ǝcán ŋkǝ́kǝ́ ɖǝ́kaɖɛ̀ kǝ́ í ka ɖó kojó nǝ xíxǝ́ámǝ, lǝ jɔjɔmǝ tó amǝɖǝ́ká kǝ í cánɖɛ́á ji. Mawu nán kpɔ́dǝ́ŋ́ amǝsiamǝ dǝ́ aǝŋ nán ún kǝ́ fǝ́n có amǝkúkúwó mǝ. ³² Kǝ Athénientɔ́wó sǝ́ǝ kǝ́ wó xónu dǝ́ fɔ́nfɔ́n citǝ́ lǝ amǝkúkúómǝán, amǝɖǝ́wó lǝ zu Pɔ́lù, vɔ̀á amǝbúwó nú bǝ́: «Míán gbǝ́ sǝ́ í agbǝ́ xónú có íláún nǝ́ mí gbǝɖǝká». ³³ Lǝ́ ŋ́ nán yǝ́ ŋ́gbǝ́á, Pɔ́lù có lǝ wó gbɔ́. ³⁴ Vɔa amǝɖǝ́wó lǝ́ dǝ́ŋ́ú í xɔjí sǝ́, sigbǝ́ Denys, acropagito, yǝnrun kǝ́wó yɔ́nɔn bǝ́ Damaris kídǝ́ amǝ búwó cá.