¹ Nyɛ́n bǝ́: xíxǝ́amɛn kà sɛ́n ŋ lǝ́ ǝ́ŋúkǝ́kǝ́ kpɔtíáwó mɛn. ² ɖóá amɛnwó kàtrɔzún amɛnɖǝ́kitɔ jiji tɔ́, ǝ̀hó xrɔ ṭɔ́wó, amɛnɖǝ́ki kɔ́kɔ́ ɖǝ́ ǝ̀ji tɔ́wó, amɛnɖǝ́ki ganŋgan ɖǝ̀ ǝ̀ji tɔwó, amɛn madǝ́ akpǝ́wó, amɛn makɔmakɔwó. ³ Amɛn makpɔ adɔnnu mɛ́n nɛ́n amɛŋwó, ǝ́nú masun amɛn tɔwó, amɛnnu dáhɛn tɔwó, amɛn madu amɛnɖǝ́kiji tɔwó, àdan wɔtɔwó, amɛn marɔn ǝ̀nú nyɔnŋgbi wɔtɔwó. ⁴ Amɛn cɔ amɛndǝ́àsi nɛ́n amɛntɔwó, ǝ̀tamɛn sɛ́ntɔwó, ǝ̀ɖǝ́macɔ̀lɔ́mɛn nɛ́n amɛntɔwó, amɛnkǝ́ rɔnnɛn ǝ́ranmɛn yǝ́ vivi sǝsǝ sǝ́wu Mawu á wó. ⁵ Wóáɖó Mawu súbɔtɔwó, Mawu kǝ́ŋu wógbǝ́ ǝ́nú lǝ́ yǝ́ ŋusinŋ. Tó àzɔgǝ́ nɛ́n amɛn nanwó mɔnnkin. ⁶ Amɛn rinanwó ɖǝ́kawó mǝnkin í wɔnɛn krɛkrɛ í ɖonɛn àxɔwómɛn, í trɔnɛn nyɔnrun maɖótawó súsú. Nyɔnrun nan wó í súnɛn kídǝ́ sǝsǝ lǝ ranmɛn vɔɛnwó, dóá núvɔn gówó nyí. ⁷ Wó í nyí amɛn kǝ kpranɛn nu gasiagamɛn, vɔ̀ ǝ́nútǝ́tǝ́ ŋlǝ́ wósi bǝ́ wóá dǝsi ǝ́nyɔntohoá ò. ⁸ Sigbɔ́ yane kidǝ́ yambre cítǝ dǝ́ Mose ŋ án, nɛ́n nɛ́n kǝ́ í ǝ́núkpratɔ nanwó ka citǝ ɖǝ́ ǝ́nyɔndodoá ŋ nɛn. Wó nyí amɛn maɖota kǝ́ si xɔsǝ ŋgbǝ́ lɛ ò. ⁹ Vɔ̀á wó ŋka yi ŋkɔ lǝ́ wó nuwɔwɔmɛn ò, dóá wó cukua ka zǝ́ lǝ́ amɛnwó ŋkuvimɛn, sigbǝ́ ì jɔ dǝ́ yane kídǝ́ yambre jí nen. ¹⁰ Vɔ̀ woa ǝ́sǝ́ tiŋukpakprawó, tiŋfɔ ɖǝ́ɖǝ́, tiŋjidodo, tiŋrɔnrɔn, tiŋjigbɔdi, ¹¹ Tiŋyomɛncící, tiŋyadudu kidǝ́ ǝ́nú kǝ́ jɔ dǝ́ ǝ̀jinyǝ́ lǝ́ Antioxia, Ikonio kidǝ́ Listra. Vɔaá Axotɔa dǝ́ŋ lǝ́ wó sééé mɛn. ¹² Wócí ci yomɛn nɛ́n amɛn siamɛn kǝ́ la ji bǝ́ yǝ́anɔn kadǝ́dǝ́mɛn kidǝ́ Yesu Kristo. ¹³ Vɔ̀á amɛnvɔndiwó kidǝ́ amɛnbrǝ́tɔwó gbǝ́ ádahin dǝ́ji í gbǝ́sǝ́ wú. Ɖáá wóábrǝ́ amɛnwó í amɛnwó lá brǝ́wó. ¹⁴ Vɔ̀ ǝ́wó ya, nɔn agbǝ́ ƒǝ́ ǝ́nú kǝ́ ǝkpra í xɔjisǝ́áwó mɛn, dóá ǝnyan amɛnkǝ́wó ǝxɔwó cóá. ¹⁵ Có ɖǝvimɛn, ǝnyan ŋɔnŋrɔn kɔkɔwó kǝ́ atǝŋu nanwó nunyan bǝ́ nakpɔ ɖǝɖǝ lǝ́ Yesu Kristo yǝ́ xɔsǝ́ mɛn. ¹⁶ Ŋɔnŋrɔn ɖǝsiaɖǝ có Mawu gbɔ. Í ì jǝ̀ nɛn ǝ́núkpakpra amɛn, ǝnyɔn jramɛnɖo amɛn kiɖǝ́ ǝnyɔn hin amɛn nyɔn. ¹⁷ Bǝ nɛn Mawu yǝ amɛn nan sɛ́nŋ, í jrado nɛn yǝ́ dɔ ŋɔnŋgbi wɔwɔ.