¹ Ŋ Lǝ dǝgbǝ vǝ́vǝ́dǝ́ ilá le Mawu kídǝ́ Yéesu yǝ́ ŋkúvímǝn, mɛɛ́n á dó kójó nǝ́n amen lagbǝ kide amǝnkúkúwó, í cagbǝ yǝ́ tɔtrɔ́vá kidǝ́ yǝ́ fiɔduxó: ² Nu Mawu nyɔn. Sɔgbǝ nǝn vóvó lɛo í vovɔ́n lɛ o, kán ŋkúvímǝn, doogan, sin amǝnwójí, gbǝǝnyɔn nǝn amǝn, hlɔ́ɔɔ ǝnú amǝn, gbɔ́njidɛ nǝ́n nán wɔ ilá wó sééé, í ŋ́ká gbǝ́ ǝnú kpákpá o. ³ Í gadǝmǝn lá vá vá í amǝnwó nán gbǝ ji bǝ́ yoá dootó á sǝ ǝnú kpákprá nyɔnŋgbintɔ o. Bóŋún, wó ŋ́táwó wóá cán ǝnúkprátɔ́ kǝ á lǝ kprá ǝnú kǝ á jǝ wótɔjí. wá lǝ kru wó ŋ́táwó tówómǝn. ⁴ Wóá trɔ́ wó tówó có lǝ ǝnyɔn dodóá gbɔ́, í wóá trɔ́ dǝ́ ǝ́duwó gbɔ́. ⁵ Vɔ ǝwo yá, wɔ nú sianú záánan xɔ dódó kpɔ́ wó fɛ́ɛ, wɔ mawu nyɔn káká tɔ́ yǝ́ dɔ́, wɔtɔɔ́ dɔ́ dáási nyɔnŋgbin. ⁶ Dó ŋ cɔ́ dǝǝkinyǝn na blibo. Gamǝn kǝ maán yia vá dó. ⁷ Ŋ hrɔ́n hɔnhrɔ́n nyɔnŋ́gbintɔ, ŋ vɔ tiŋ́ dusúsú, ŋ lǝ xɔsǝ dǝ́tǝ. ⁸ Wó jra ǝnú dodó wɔwɔ yǝ́ fiɔ kúkúá dɛ́ŋ, ǝfiɔ kúkú kǝ Áxótɔ́, amǝn jɔjɔ, á nan ŋ lǝ ŋkǝkǝ ŋúnan ji. Í ŋ́ nán nyín nyǝn dǝ́kɛ́n í ó, Vɔa nǝ́n amǝn wó sééé kǝ rɔn yǝ́ tɔtrɔ́vá wó cá. ⁹ Wɔ cacán nǝn nan va í vá kpɔŋ kábá. ¹⁰ Dódǝ masi ǝ́ gbǝ́ŋ dɛ́. Ǝ́ rɔn ǝxo ifia tɔwó í i cóyi Thǝsalonicá. Cresɛ́ns Galáti, í titɔ ya yi Dalmásia. ¹¹ Lúka dǝkɛ́n í lɛ kidǝŋ. Xɔ Márko í kprɔɛ nǝn ayi kidǝ́wo, dó ǝ́ jǝ ŋ́ŋ lǝ ǝdɔá mǝn. ¹² Ŋdɔ́ Thycíka yi Éphési. ¹³ Awu gánŋgán kǝŋ dací dǝ́ Troás lǝ Carpus gbɔá, cɔ́ɛ váŋ nǝ́n ǝgbɔnɔn, kidǝ́ wóéman gánŋgánwó, vǝvǝtɔ wóɛ́man kǝ wo ŋrɔ́nnɔn an wó. ¹⁴ Alɛ́kisándrá ǝgatutɔ́á ǝ wɔnú bada dǝ́ ǝŋúnnyǝ. Axótɔ́á á dó yǝ tohó nɛɛ cagbǝ yǝ́ dɔ́wɔwɔ wó. ¹⁵ Mi dóá jayǝ lǝ ŋún cá, ǝnú kǝ náán ǝ́ có dǝ́ míán nyɔnwó ŋún. ¹⁶ Lǝ tiŋ dǝkí hɔnhrɔn mǝn án, amǝn dǝ́kɛ́n ŋ́ kpǝ́dǝ́ ǝŋúnyǝ ó. Cóvoa amǝnsíámǝn sí gbǝ́ŋdɛ́. Wó ŋ́ káá búufɔ́nwó o. ¹⁷ Vɔa Axótɔ́á í xɔŋ́ŋ í dó ŋúnsɛ́n ŋ, nǝ́n tó ǝjinnyǝ án, mawunyɔn núnúán nán vámǝn kǝ́ŋ́kǝ́ŋ, í nǝ́n trɔ́ɔn sɛntɔ́wó wá sée. Wó dǝŋ do lǝ jaŋ́tá yǝ́ gramǝn. ¹⁸ Áxótɔ́á á dǝŋ do lǝ ǝnú wɔwɔ badawó mǝn, í lá xɔ ŋ́ŋ cágbǝ yǝ jiŋkori fiɔ duxóá tɔ. Wá káfú yǝ́ ŋ́kɔ́ co mavɔ yi mavɔ mǝn. Acɛ. ¹⁹ Cí Priscille kidǝ́ Akilas kidǝ́ Onésisphore yǝ kɔta. ²⁰ Eraste ci Corɛɛ́ti, vɔ́á ŋ gbǝ Trophime. ²¹ Kǝ lǝ lǝ́dɔ lǝ Milet a dɛ. Wɔ dǝsiadǝ nǝ́ nán vá. Eubulus lǝ cio, Pudens, Linus, Claudia, kidǝ́ nɔnviwó sééé cá lǝ cio. ²² Axótɔ́á nán nɛn kidǝ́ tɔ́ɔ gbɔngbɔn. Amǝnúvǝ́vǝ́a nán nɛn kidǝ́wo. Nán cɛ.