¹ Ǝwo ǝvinyǝ ŋdo ŋusǝnwo lǝ kristo yesu yǝ mǝnuvǝvǝ mǝ. ² I ǝnyɔ kǝ ŋnú nǝwó lǝ kunuɖǝtɔ̀wò ŋkɔaà cɔ ɖɛ gbǝfan nǝ̀ tɔ hámǝ viwó nǝ wócáwó wátǝŋ ɖǝgbǝfan nǝ amǝ bú wó. ³ Doji nǝ̀ nà̀ kpǝ̀fun kiɖǝŋ sigbǝnǝ yesu kristo ye sɔja wɔnúdodo denɛ̀. ⁴ Sɔ̀ja kǝ lǝ wɔ áhuá i lǝ jibǝ̀ ya jǝ àhuá kprɔtɔ̀á nua ŋgbǝ wɔnǝ nú bú lɔ mǝ ɖǝ kpǝ sɔjadɔ́à o. ⁵ Kǝŋ gbɔ̀xò nǝ ǝ̀dù sùtɔ̀ ɖǝ àkpɔ̀ ǝjiɖuɖua elǝ bǝ na súdú lǝ sǝáwó nu. ⁶ Gresi kǝ ɖoŋu i wɔdɔá yéi lá ɖu bomǝnukúa jǝŋkɔ. ⁷ Bú enyɔ iláwó kpɔ́ nyɔŋgbin ɖobǝ̀ áxòtɔ̀á la kpǝ̀dǝ̀ ŋúwo i á á sǝ gɔmǝ. ⁸ Doŋu yesu kristo amǝkǝ wó ́ fɔn có yɔdomǝ, David ye tɔ̀gbújɔvià ji. Enyɔnla nyi enyɔ nyɔŋ gbin i ŋlǝ ɖǝ gbǝfaǹ. ⁹ Cágbǝ amǝkǝ tɔ wó dǝkaŋŋ sigbǝ frafitɔ̀ enǝ̀. vɔá mawunyɔan yá lǝ bábráɖɛ o. ¹⁰ Cagbǝ amǝ can cán wó tɔ i ŋlǝ ɖu aya ŋnawò see cágbǝ nǝ wá tǝŋ kpɔ̀ xɔ̀xɔ̀ kǝ lǝ yesu kristo mǝ kiɖǝ ŋtikɔkɔ mavɔa mǝ . ¹¹ Kákádǝjinyɔ ɖǝkà kǝ̀ nǝ̀ mi ku kiɖǝ à miava nɔn agbǝ kiɖǝ. ¹² Nǝ̀ mi lǝ ɖǝŋuá miàwò ɖufiɔ kiɖǝ nǝ̀ mi gbǝ̀a yeea lává gbǝ̀ mi. ¹³ Nǝ̀ mi daljia ya la wɔnu dodo ɖobǝ ŋka tǝŋ gbǝ ɖǝ̀kia o . ¹⁴ Na kpɔtɔ ilǝ ɖoŋuu enyɔ ɔ ŋnawo nǝ̀ wò krán wó bǝ̀ wó ́ ŋka wojrǝ dǝ enyɔgbalewo ta o ɖobǝ woŋ ɖóta o wó dánǝhǝn ǝnu lǝ amǝkǝ lǝ sǝ woa ŋú ɖǝɖǝi. ¹⁵ Jà gbágbá nǝ nàjǝ Mawu nu nǝ na lǝ ɖǝgbǝfan enydodoa sigbǝnǝ edɔwɔtɔ kǝ eŋu ŋkpǝnǝ oa enǝ. ¹⁶ Nɔ̀n àzɔgǝ nǝ̀ enyɔ kpo to kpoto kǝ gbonamǝ jii lǝ Mawu ŋuawó. ¹⁷ Ǝnyɔn ŋnawo kǝkǝnǝ yikɔ sigbǝnǝ̀ àbi vɔɛwó́ enǝ̀ Amawo domǝtɔ ɖǝka wò ilenyi himǝna kiɖǝ Fileto. ¹⁸ Wobumɔn lǝ ádò dó́à gbɔ̀ ilǝ nù bǝ̀ amǝkukuawó fɔ̀n vɔ̀ i lǝ cáká́ xɔ̀sǝ nǝ amǝ ɖòwò. ¹⁹ Vɔá ágɔ́mǝ̀ɖókpǝ̀ kǝ Mawu ɖó nǝ̀ xɔsǝa sǝ̀nŋú. ²⁰ Enyɔ kǝ ɖó kpǝ̀jiá i lǝ nyi ila axòtɔá ŋtá nyá amǝ kǝ nyi yǝ́tɔawò Ebù cà bǝ̀. ̀ amǝsiamǝ kǝ lǝ yɔ ɖǝkia bǝ̀ Mawu tɔa ɖolá gbɔjɛn núwɔ̀ɛ́n wɔ̀wo kɔ. Lǝ àxogan ɖǝsiaɖǝ mǝa ŋnyi ciká kɔ̀fu wó ɖǝɖǝ̀ inǝnǝ̀ o kɔ fu kpakpa kiɖǝ kɔ fu mǝmǝ wó sée nǝnɛn wózán nǝ ɖóo lǝ búbú gamǝ vɔ̀à̀ wò zán nǝ ɖɔ̀ò gasiagamǝ. ²¹ Nǝ amǝɖǝ kr núvɔn lǝ ɖǝkia ŋúa wazɛn lǝ bubugamǝ ɖobǝ wókɔŋu le Mawu ye ŋkúvímǝ i inyi kɔfu dodó nǝ axotɔ́ á. Nǝnǝi wacɔɛ séŋ wodo nyɔŋgbin ɖǝsiaɖǝ. ²² Nɔ̀n ázɔgǝ nǝɍ enú majɔ majɔwowɔ kǝ jrɔmǝ̀ ɖǝ̀kɛjǝ̀ viwóá, i wo kiɖǝ amǝkǝ lǝ cɔ̀ ǝjidodo yɔ̀ axótɔ̀à bǝ̀ ná kpǝ̀dǝ̀ yoó ŋuáwóá, mian ɖɔŋu lǝ ɖǝkáwɔwɔ mǝ wɔ nú dodó le xɔ̀sǝ̀, rɔ̀nrɔ̀n kiɖǝ ŋtéfáfá mǝ. ²³ Ká dǝ nu abɔ̀nyɔɖǝ kǝ mǝ enyɔ ŋtáŋtá ɖǝ ŋlǝó mǝ ò wò ŋtà enyábǝ ájrǝ̀ ɖǝɖǝ i ihǝnǝ vá. ²⁴ Amǝkǝ lǝ súbɔ̀ áxótɔ̀a ŋɖólányi ajrǝwɔtɔ̀o vɔ̀á ǝɖó lá nyi amǝ kǝ nyɔnǝ xomǝ dǝ amǝsiamǝ ŋù enukprá mǝtɔ nyɔŋgbin kiɖǝ jidótɔ̀. ²⁵ Sǝŋ yijiá edótanyi amǝkǝ gbɔnǝ ji ɖǝ brɛwiù i gbǝ̀ nǝ nyɔn nǝ amǝkǝ lǝ có dǝ̀ŋúan wó. tanyɔò Mawu là kpǝɖǝ amǝnawò ŋu wá trɔ̀ jimǝ ilá và dǝsi nyɔndodóá . ²⁶ Taŋnyɔ̀ò wá có lǝ abusanŋ yǝ mɔ̀nvɔ̀ɛn ji i ye tam ǝsúsú vɔɛ́n kǝ iɖò dǝ wóŋua ŋkáá gbǝ jǝ ji.