ATCHAMADO_BEN-aug_1ti_text

Eta 4

¹ Gbɔngbɔnàn dǝ̀ disá bǝ ŋkǝkǝ kpɔtiáwomǝ àn, amǝ sùgbɔ lá cò gbǝ xɔsǝ̀dɛ i vɛ kprɔ gbɔngbɔn brǝàmǝ gbɔngbɔn vɔɛn sǝ̀wo dó. ² Cágbǝ vixóǝgoyiyi kǝ wó ŋtá wo nyàndɛawo tɔ. ³ Wá dǝsǝ dǝ Mawu yǝ nú dúdú kǝ i nán xɔsǝtɔwo bǝ wa lǝ nan lǝ yǝ xómǝ to nyɔn dodóamǝwo. ji bǝ wo ŋká zán woo. ⁴ Ɖo ǝnù kǝ Mawu wɔá wo sée nyɔn i ǝnú kǝ mi xɔnǝ cò amǝwo nu nannanwogbɔ, dǝcɛn ŋnyɔn bǝ wá sǝŋù danpiŋ o ⁵ Dó wo kɔ wo sée ŋú kiɖǝ Mawu yǝ nyɔn kiɖǝ dǝxò. ⁶ Nǝ ǝlǝ kprà ǝnú nanwó mɔnci nɔvíwó wóá, ànyi Yesu kristo yǝ dɔcɔvi nyɔngbiŋ kǝ xɔsǝ ǝnyɔn kiɖǝ ǝnù kpràkprá kǝ ǝxɔá nyiàn. ⁷ Nán gbǝ lɛró drú kǝ nyángánw jinǝawo dɛ nǝ nan dǝvǝvǝ nú. nǝ amǝwó. ⁸ Ɖo ŋútiran mǝ núwɔwɔwo ŋù hǝn nǝ ǝnù sugbo vá o vɔa vǝvǝdǝdǝ hyɔn nǝ ǝnú́ súgbɔ ì dónǝ ǝkpǝ̀ ǝnù ǝgbatɔ̀ kidǝ ǝcɔ kǝ gbɔnɔnan núwo ji. ⁹ Ǝnyɔn ŋɔn bǝ wá séé. ¹⁰ Cágbǝ nántɔ í mi jǝ igbágbá́ i wɔdɔ sǝnŋù-sǝnŋú dó mi cɔ mian mɔkpɔkpɔ dǝ Mawu lǝ àgbǝ ji kǝ nyi amǝwo sée xɔnamǝtɔ amǝkǝ xɔsǝ á wo koŋ. ¹¹ Nú nyɔn nanwó nǝ nàn kprá amǝwo . ¹² Nǝ amǝɖǝ ŋká xá tɔ dǝkǝjɛmǝ o vo nan nyi kpɔdǝŋú nǝ xɔsǝtɔwo lǝ nuxò , amǝkprɔkprɔ rɔn-rɔn xɔsǝ kidǝ kɔkɔ nyi-nyi mǝ . ¹³ Kǝkǝ nǝ màn váà nan lǝ kprà ǝnù hrǝn-hrǝn. amǝwo kprɔkprɔ vá kidǝ ǝnú kprá; kprá amǝ. ¹⁴ Kà ŋrɔnbǝ ǝnú nan-nan kǝ wò ná́n wo lǝ ǝnyɔnnúɖɛ mǝ tó amǝ ciciwo simǝ̀án ji o. ¹⁵ Lǝbǝnǝ ǝnúnan wo, nǝ nàn nɔn wò mǝ de nǝ tɔ ŋtɔ yiyi nan zé lǝ ŋkuvi mǝ nǝ amǝwo sée. ¹⁶ Nán lǝ́ ŋkuvi dǝ dǝkiwo kiɖǝ tɔ nukprá mǝ hún lǝbǝnǝwo dó nǝ ǝtǝŋú lǝ wɔnǝan á ɖǝ dǝkiwo, i gbǝ dǝ amǝkǝ lǝ dótó wá wo.