ATCHAMADO_BEN-aug_1ti_text

Eta 3

¹ Ǝnyɔ ilá kákádǝ̀ji lǝŋu: ǝdɔ nyɔŋgbin inyi nǝ amǝdǝ wɔ cancan bǝ ya nyi Mawu ye dɔjikpɔtɔ . Mawu dɔ ji kpǝtɔ̀ à ɖo là nɔ agbǝ ɖuxo ma nɔŋún. ² Nyɔnrun ɖǝ̀ká i á ɖǝ Eɖólá lǝ̀nǝ̀ ɖǝ̀kia , iwɔnǝ nuwò sigbǝ nǝ ijǝa, Bùbù la nɔŋùn áxɔnǝ amǝjro i là nyi enukpramǝtɔ̀ nyɔŋgbin. ³ Mawu dɔ ŋkɔnɔtɔ ŋ̀̀ɖolá nyi amǝkǝ nuahà nu o, á lò amǝkǝ wɔɔnǝ tukáɖá. Bòŋ éɖo lá nyi amǝkǝ vivi ifátu Ǝ̀ho ŋɖólá biaŋu nǝ o. ⁴ Ǝɖolá kprɔ ye xomǝa nyɔŋgbin, i ǝviáwo ɖo lá sǝgbǝ̀ i buamǝ. ⁵ Dobǝ nǝ amǝɖǝ ŋtǝlǝ lǝ kprɔ ye xomǝ òà nǝ àwɔmɔn ikprɔ Mawu há?. ⁶ Ŋɖólányi amǝ kǝ trɔ̀ jinǝ yeyé e càgbǝ nǝ ŋkává kɔ ɖǝkia dǝ ǝji i gɛ̀n sigbǝnǝ sátáná enǝ̀ o. ⁷ Ǝlǝ bǝ amǝ kǝ ŋlǝ hamǝa mǝwó́ o cá ná dǝ búbú ŋu cagbǝ nǝ ŋkà jǝ sátá́na ye feca mǝ o. ⁸ Ǝhamǝ mǝganwó cawó ɖó lá wɔ ɖɛ̀ ǝ́nǝ̀ wóɖó lá vǝvǝ ǝnu wó ŋdólá nyi áɖǝvǝtɔ̀wò o, áhá sugbɔ nutɔ̀ àlò amǝkǝ cinǝji dǝ ǝlǝ xó́ɖuxóɖu kpɔ̀kpɔ́ ŋú o. ⁹ Wóɖó lá lǝ̀ xɔ̀sǝ̀ yǝ nyɔ dodóá sǝnŋú senŋú kiɖǝ ejinyɔn nyɔŋgbin. ¹⁰ Nà nǝ wádówò kpɔ̀̀ i nǝ̀ ɖuxo ŋlǝwò ŋú ó á. wá sú bɔ́ . ¹¹ Nyɔ̀nrunwó cáwó ɖó lá dǝ̀nǝ̀ vǝvǝ ǝnù wò ŋná gbǝnyí amǝŋú zɔntɔ̀wó o, wó ɖólá lǝ́ nǝ wó ɖǝ́kiwó́ nyɔŋgbin i wɔnǝnú dodó lǝnú ɖǝ̀siàɖǝ̀ mǝ. ¹² Ǝhamǝ mǝgàwó ná ɖǝ nyɔnrun ɖǝka, wóɖólá kpɔ̀ wò viwò kiɖǝ wó xó á ji nyɔŋgbin. ¹³ Dobǝ amǝ wɔdo nyɔŋgbiawo wolǝ xɔ búbu tóxó́ kiɖǝ kà̀kà dǝ̀ji gaŋgan lǝ xɔ̀sǝ mǝ lǝ kristo yesu mǝ. ¹⁴ Ŋlǝ ŋrɔn wema didawo vɔá lǝ maɖiŋdin mǝ mava gbɔwo. ¹⁵ Aḿán nǝ̀ nyǝŋvà kábà òà ŋlǝ ŋrɔn wema ɖidá nǝ̀ nánya sigbǝmǝ̀ áazɔn lǝ Mawu ye xomǝa ye kǝ lǝ nyi Mawu agbǝagbǝ yǝ hàma gúdóti nǝ nyɔndodo. ¹⁶ I amǝsiamǝ rɔn dǝji bǝ̀ enyɔn wàwrà kǝ lǝ Mawu subɔsùbɔ̀ mǝ a gaŋgan ye i lǝ nyi bǝ: <<Ǝɖǝ ɖǝkia dùsa lǝ agbǝtɔ yǝ nɔnɔmǝ mǝ , gbɔngbɔan va ɖékpǝ ji i Mawu ŋǝdotówó kpɔɛ; wo ɖǝgbǝfaɛn nǝ dukǝnwó i wó ka dǝ̀ji lǝ xixǝá mǝ gòdò o i wò kɔɛ yi ji lǝ ŋutikɔkɔmǝ.