¹ Í fiaa ŋlǝ́ xrɔnú mi lǝ́ ɛnuwo sée ŋkɔ bǝ́ woawɔ kukuɖǝ́ɖǝ́ wó, gbǝ́dodoɖawó, ɛnyɔxɔxɔdǝ́ amǝtawó, akpǝdadawo, lǝ́ amǝnwó séé tà, ² nǝn fiɔwó kidǝ́ amǝn kǝ́ nyi amǝganwó seé, bǝnǝn mia nɔn kpo&o& lǝ́ fafamǝ́n lǝ́ Mawu vɔnvɔn mǝ̀n kidǝ̀ ɛnù kǝ̀ jǝ̀ nǝ búbúwó mǝn. ³ Ɛnyi ɛnu nyɔngbi í nyɔn mia Mawu ŋkɔ. ⁴ ɛ ji bǝ amǝn agbɛtɔwó sée nan kpɔ ɖǝ́ɖǝ́ i trɔ kpɔ mɔ nú lǝ́ ɛnyɔn dódóa mǝn. ⁵ Dobǝ́ Mawú ɖǝka ì lɛ̀, i amǝn ɖǝka i man agbetɔ kidǝ Mawú dóŋdómǝn, yǝ i nyi Yesu Kristo, ⁶ Amǝn kǝ́ cɔ yǝ́ ɖǝki tu fɛn dǝ́ mia tà, yǝ́ i nyi ɖasǝ ɖiɖi lǝ̀ ga nyɔngbia mǝn. ⁷ ɛnu nan i dɔ wó doŋ Mawú nyɔn nutɔ̀ kidǝ́ apostoló. ɛnyɔ dódó ŋlǝ́ nù, nyǝ̀ ŋlǝ́ xovi ó. ɛnyin i nyí trɔn subɔtɔwó nu kpramǝn tɔ lǝ́ xɔsǝ́ kidǝ ɛnyɔn dòdó mǝn. ⁸ Yǝ̀ i dɔ ŋlǝ jibǝ ŋucúwó nàn dó gbǝ́ɖa lǝ́ afisiafí, i wá dǝ́ abɔ kɔkoǝ́wo dǝ ji, xomǝnfiɛn kidǝ́ ajrǝ́ man nɔn mǝ́ntɔ. ⁹ Nǝn kǝ ŋ ji bee& nyɔrun wó nan dó awu kǝ̀ jǝ̀, lǝ̀ ŋkpɛn kidǝ́ amǝn dǝkiji dúdúmǝn. Wó ŋ ka bra ɖa aló adó awɔrɔ alo tómɛn gavi aló ádó awu xɔhówó ó. ¹⁰ Vɔa wa dó ɛnu kǝ jǝ́ nǝn nyɔ̀ru kǝ́ ɖǝ́ Mawu subɔsubɔ dísà lǝ̀ ɛnù nyɔngbi wɔwɔmǝn. ¹¹ Nyɔrún ɖo là xɔnu kprakpra lǝ̀ ɛtó ɖoɖó kidǝ́ ɛnu maxómǝ̀. ¹² Nyǝ ŋ ɖǝ́ mɔn nǝn nyɔnrun nǝn a kpranú aló àkpɔ ŋusǝn dǝ́ ŋucú jí ó, vɔà à nɔn ɛtó ɖoɖomǝn ¹³ Ɖobǝ́ wówɔ Adam jɛŋkɔ nǝn Éva. ¹⁴ Ŋ nyi Adam i wó jí (brǝ́) ó, vɔa Éva i wó jí (brǝ́) lǝ́ nuvɔn wɔwɔ mǝ̀n. ¹⁵ Akpɔ ɖǝ́ɖǝ́ tó ɛvi jíjí mǝ̀n nǝn i dǝ́vǝ́vǝ́ ɛnú lǝ́ xɔsǝ̀ mǝn, kidǝ́ rɔrɔn, kɔkɔǝwɔwɔ kidǝ́ amǝnɖǝki jí ɖuɖu mǝ̀n.