ATCHAMADO_BEN-aug_1ti_text

Ǝta 1

¹ Pɔ́lù Yéèsù Kristo ǝ́mǝdɔdɔ lǝ Mawú kǝlǝ nyí Yéèsù kristo míán kankań déjí ǝ́gbǝ dǝdǝ nu. ² Nǝ́ ṭímɔ́tǝ̀ ǝ́vi dodó lǝ xɔ̀sǝ̀mǝ; ămǝnúvǝvǝ́ ádɔ̀nnú kpɔ́kpɔ́ kíɖǝ ŋútifáfá kǝ có Mawú Dádá kiɖǝ́ Yéèsù krístò míán xótɔ́tɔ́. ³ Sigbǝ nǝ́ ŋdɔ́wo gbɔxó nǝ ́ má túta mákɛ́dónìyà bǝ́ nánɔ Ǝfésòà bǝ́ ná dǝǝ̀sǝ́ nǝ́ amǝ dǝ́káwó bǝ́ woŋká kpra ǝnú kpákprá manyɔ́n manyɔ́n ò kǝ tó vòvò nǝ kǝŋrá kprá mi a ó. ⁴ Sǝ́ŋkpǝdǝ ŋúá mìnǝ́wóbǝ́ wó nágbǝ́ ayadódó námǝ gbàlǝ̀gbálǝ dǝ́ ǝ̀dru tótówo kídǝ́ tɔ́gbúí tɔ̀gbúì wo xǝnxrǝ kǝŋ́vɔnǝ gbǝdǝo a ò. Amǝnawó có nǝ́ ǝnyɔn hǝnhǝn vánɔ́n kǝ wóákpɔ́ŋkɔ nǝ́ Mawú ǝ́dɔ́á ná zɔ́n nyɔ̀nŋgbi a wógbǝ́ in&dɛ́ xɔ̀sǝ̀ dǝdǝ̀yi áwɛ. ⁵ Sùsú kǝ dɔ́yí mí dǝ ǝ̀sǝ́ǝ lá doyi nyibé mián nyɔ rɔ̀nrɔ̀n kǝ có ǝ̀jì nyɔ̀ńŋgbi mǝ jìjì nyɔ̀n nyɔ̀ŋgbi kídǝ́ xɔ̀sǝ̀ ŋ́táŋtá lǝ wó mǝ. ⁶ Amǝ dòwóá dódó kǝ ŋtáŋtá wóácɔ́á wódahɔ́in yí wó vɛ́ɛ cɔ́ ǝmɔ́bú kǝwó nyí ǝnyɔn gbálǝ gbálǝ wó mǝ dèàsí. ⁷ Wó jíbǝ́ yǝ wóá nyín ǝ̀sǝ̀ kprámǝtɔ́wó vɔ̀à móŋtáwó ŋ́nyán ǝnúdǝ́kɛ́n có ǝnúkǝ wó lǝ nú kídǝ kǝ wó lǝ tíngbǝ̀dǝ̀jíáó. ⁸ Mí nyán bǝ́ ǝ̀sǝ́á nyɔ́n nǝ́ mí zɛ́ɛn nyɔ̀nŋ́gbi . ⁹ Í mí nyɛ́ɛn ílá bǝ́ ǝ̀sǝ́á wóŋ́wɛ nǝ́ amǝ dodówó ò, vɔ̀à wòwɔɛ nǝ́ ǝ̀sǝ́jí mawɔmawɔ tɔ́wó còcódǝ́ ámǝŋútɔ́wó amǝ makɔmakɔ mó ǝnúrɔ́ɛ́n wɔtɔ́wró, Mawú masɛntɔwó kídǝ́ amǝ macɔ́ Mawú dǝ́ǝ̀dǝmǝtɔwo. Wó wɛ nǝ́ amǝ kǝ wunǝ wódadá wó kídǝ́ wónana nana wóá. ¹⁰ Nɛ́ amǝ makɔ makɔ wó kídǝ́ ŋúcu kǝdɔ́nnǝ kídǝ ŋúcumó á, nɔ̀mí nyɔ́run kǝdɔ́nnǝkídǝ́ nyɔ́run à kíɖǝ́ amǝ kǝ lǝ́ nǝ́ amǝwó í seŋ yí nǝ kǝwó yɔ́nǝ́ bǝ́ amǝxǝxrǝa, kídǝ́ ǝnúkprámǝ kǝwó sééé kǝŋsɔgbǝ̀ dǝ dòdó kɔkɔ lá dzíá. ¹¹ Ǝnú kpákprá ilă có ǝnyɔnnyɔ̀nŋ́gbi do dó kǝ wó sǝ́ŋdǝ́ àsíŋbǝ́ má nú án. ǝ́nyín Mawú kǝ milǝ káfúa á ǝ́myɔn hyɔ́íé. ¹² Ŋlǝ dá àkpǝ́ nǝ́ yèésù Krístò amǝ kǝ náŋ bǝ́ máwɔ ǝ̀dɔ lá; ǝ́kpɔ́ bǝ́ amǝ dodó yí ŋnyín. ¹³ Ŋnyí alɔ́mǝɖǝtɔ́ kídǝ́ yomǝtinto kiɖǝ́ ádàndótɔ́ vɔ̀à ŋvákpɔ́ amǝnúvɔ́vǝ́ ǝnúkǝdɔ́á nwɔ ǝnú inawó sééé lǝ nú manyá manyá kídǝ́ ǝ́tamǝ sǝnsǝn mǝ. ¹⁴ Vɔ̀à míán xótɔ́ ǝ́mǝnúvǝ́vǝ́ yǝ́ gbɔ́susu lǝ xɔ́sǝ̀mǝ kíɗǝ́ rɔnrɔn kǝlǝ Yèésù Krístò mǝa. ¹⁵ Ǝnyɔ lá nyɔ́n yí jǝ bǝ́ wóá xɔɛ lǝ bribo nyínyí mǝ bǝ Yèésù krístò và xíxǝ́ámǝ náà va xɔnǝ̀ núvɔin wɔtɔ́wó; ǝnyǝyí nyí núvɔin wɔtɔ́ wú amǝwó sééé. ¹⁶ Yǝ́yidɔ́yí ŋkpɔ́ amǝnúrǝ́vǝ́ ílá bǝ́ ǝnyǝ kǝ tiín núvɔin gánŋgán wúá Krístò Yèésú dǝ yǝ́ jigbɔndɛ́ ísǝ́ŋ díìsà. Éwɛ ǝnǝ́bǝ́ amǝkǝwó sééé xɔ ǝ́jísǝ bǝ́ yǝwóá kpɔ́ àgbǝ̀ màvɔ̀ à bǝ nanyi kpɔ̀ɖǝ́ŋú nǝ́wó. ¹⁷ Xótɔn a miná nǝ́ míań cɔ́ kàfùkàfù ná.Ǝ́fiɔ kǝlɛ có kǝ́kǝ́ gbǝ̀dǝgbǝa Mawú makúmakú makpɔ́makpɔ́ yǝ́ dǝ kɛntɔ nányí bùbù kpǝnkpǝn mǝ séŋyí dǝ̀ màvɔ̀ màvɔ̀ mǝ .Ácɛ. ¹⁸ Ǝ́vinyǝn Tìmɔtè ŋcɔ́ dòdó iláwó dǝ́ tɔɔ́ŋkɔ. bǝ́ ǝnyɔnúdɛ kǝ do dǝ́ǝŋúwoa yídɔ́ yí kíɖǝ́ sùsú bǝ́ nàtǝ́ŋnɔ̀tǝ dǝ àhùà kǝ gbɔnɔ a ǝ́ŋkɔ; nyɔɔ́n gbui. ¹⁹ Wɛ̀ɛ̀ nǝ́ xɔ̀sǝ̀ nàtǝ́ŋ sù àsíwo kíɖǝ́ jìjìnyɔ̀n nyɔ̀ɔ́ŋgbin. Amǝdòwò ŋdóòtɔ́ wó jíjí nyɔwò yí wo rɛ́ɛ kpɔ́ anyíjǝjǝ; lǝ xɔ̀sǝ̀àmǝ. ²⁰ Amǝawó domǝtɔ́ dǝ́káwó yí lǝ nyí ímǝ̀nàyíyò kídǝ́ Àlɛ̀kì sándrǝ̀, Ŋeɔ́wó dǝ àsí nǝ́ sátàná bǝ́ wó ná nyǝ́ǝbǝ́ wóŋ nú nɔ́ búsù ǝ́nyɔ ó