¹ Ka kan ŋkuvimǝ̀n nǝn amǝ cincín ó. Boŋ xrɔn ɛnui sigbɛ́ nǝn dada ínyí nǝn. Xrɔnú ɖǝkajǝ̀wo sigbǝnǝn fofo kidǝ nɔnvivó nǝn. ² Xrɔnú nyɔrun cincinwó sigbǝ nǝn ɛvinɔwó ɛnǝn, tugbɛjǝ̀viwó sigbǝnǝn nɔnvi kidǝ́ didawo ɛnǝn lǝ̀ kɔkɔnyinyín mǝn. ³ Bu ahosiwó, kǝ nyi ahosi ŋtaŋta wó. ⁴ Vɔà nǝn ahosi ɖǝ wɔ ɛvi alo maman yɔvi ɖǝ ɖǝ̀, wóa kpra ɛnù kǝ& dó bubu Mawú wo ntawo nɛ̀nú ɖobǝ ǝjǝ́ Mawu nú. ⁵ Nyɔru kǝ́ nyi ahó ŋtaŋta a nǝn nǝ yǝ́ ɖǝkin. Ɛco nǝn yǝ́ mɔkpɔkpɔ dǝ́ Mawú ji. ɛdǝ́nǝ̀ vɛvɛnù lǝ̀ kuku ɖǝ́ɖǝ́ kidǝ́ gbǝdodoɖa mǝn nǝn Mawú lǝ́ ɛzan kidǝ́ ŋkǝkǝ́mǝn. ⁶ Vɔa, nyɔrun kǝ́ lǝ́ agbǝ́ nǝn agbǝ́ ɖuɖua nyi amɛn kuku bari i gbǝ́ lǝ́ agbǝ́ ɖǝ̀. ⁷ Nu ɛnyɔ làwó nǝnwó nǝn wa nɔn agbǝ́ ɛmɔn kankan manɔ́nmɛ̀ntɔ. ⁸ Vɔa nǝn amǝɖǝ́ ŋlǝ́ bǝ́ nǝn yǝ̀ ŋta tɔwó, aló yɔ́ hǝnù ó à, ǝ gbǝ́nú lǝ́ xɔsǝ́ ŋu í i nyràn wú jimaxɔsǝ́tɔ̀. ⁹ Gbɔxó wa yɔ nyɔrún doǝ́ bǝ́ ahosià, ɛxo la lǝ́ ɛta nǝn wú kakitakpó i ɖo la ɖǝ̀ acú kpɔ. ¹⁰ Yǝ́ nú nyɔngbiwó ɖo là dó dǝṣí í, ɛviji kpɔkpɔwó, amɛnjro xɔxɔ, afɔ krɔkrɔ nǝn jixɔsǝ̀tɔwó, xɔxɔnǝ̀ hiànmǝn nɔntɔwó alo dǝvɛvɛ ɛnú nyɔ̀ngbí wɔwɔwó. ¹¹ Vɔa ahó yǝ́yǝ́ wóà, gbǝ́ wó ŋkɔ hrɔhrɔn dǝ́ ahosiwo mǝ̀n ɖobǝ́ nǝn ŋtiran mɛn jíjíwó lǝ́ wómǝn àn, jiji kǝ́ có dǝ́ Kristo ŋun an, wa ji i lo ɖǝ́ acú. ¹² Wazu agɔjitɔwó ɖobǝ́ wó da lǝ́ wó cáncàn kǝ́lǝ́kǝ́lǝ́ a ŋú. ¹³ ɛnuɖǝ́ mawɔ̀mawɔ̀ là mranwó dó. Wa lǝ́ yi axó axó wó nyian, wó gbǝ́ xonǝn nu sugbɔwó nu nǝn ɛnyɔn kǝ ŋ jǝ́ bǝ́ wa nú ó. ¹⁴ Ŋji bǝ̀ nyɔrunviwò na ɖǝ acú, waé ji ví, wa kpɔ axoji nǝn kǝ́tɔ́ ŋkà kpɔmɔn i cɔ nyɔ dǝ̀ mian ŋu bǝ́ wɔ ɛvɔn ó, ¹⁵ ɖobǝ̀ amɛnɖǝwó trɔ i kpan ŋkɔ satana. ¹⁶ Nǝ̀n nyɔnru ɖǝ̀ wɔ Ahosi ɖǝ̀à nan kpɔji nǝ̀n agban ŋ ka kpǝn ɛhamǝ́an ó, nǝn à tǝŋ kpɔ ah ó ŋtaŋtawó ji. ¹⁷ ɛhamǝn mǝn cíncínwó wa xɔ́ búbú súgbɔ, vɛvɛtɔ amǝn kǝ́wó lǝ̀ wɔdɔ ɛnyɔn lǝ́ ɛnu kpramǝn mǝn. ¹⁸ Ɖobǝ́ ɛnú xrɔnɖǝ́wó nù bǝ́: «ka branú nǝn làlà cú kǝ́ lǝ́ tá mɔlú ó», i «ɛdɔcɔvi jɛ́ ǹ fɛntú» ¹⁹ Nǝ̀ wó cɔ nyɔ dǝ́ hamɛn mǝngàn ŋu àn, ka xrɔn ɛtà nǝn ó, kǝ boŋ i lǝ́ ɖasǝɖitɔ amǝnvǝ aló amǝntɔn nú. ²⁰ Kan ŋkuvimɛn nǝn ɛnuvɔn wɔtɔwó lǝ́ amǝ́siamǝ́n yǝ̀ ŋkuvimǝn, nǝn vɔnvɔn nan ji nuvɔwɔtɔ kpɔtiawó. ²¹ Ŋ cɔ ɛnyɔn lawó dǝ̀asinǝn wó lǝ́ Yesu Kristo yǝ́ ŋkuvimǝn kídǝ́ Mawú dɔlà cáncan wó ŋkuvimǝ bǝ́ na lǝ́ ɛsǝ́awó dǝ́ asi í amǝnɖǝ́ yǝ́ nú ŋka ɖú adɔnú nǝnuwó i ná trɔ ɛnǝ ɖǝ̀ ó. ²² Ka dǝ́ asi amǝnɖǝ́ ji ó. ka nɔ amǝbu yǝ́nuvɔ̀n wɔwɔ mǝn ó. Lǝ́ ɖǝ́kiwó kɔkóǝ́. ²³ Ŋ ɖó là nu ci ó, boŋ, ɛ ɖolà lǝ̀ nu vin nɛ tɔ xodomǝ kidǝ́ tɔ dɔlǝ́lǝ́ ɛji ɛji wó. ²⁴ Amǝɖǝ́wó rúvɔn wɔwɔ kprɔwó dó yi vɔnudrɔndrɔmǝ̀n. ²⁵ Ŋ nan yi ŋgbǝ́à ɛnuvɔn búwó gbǝ́ vanǝ̀n mǝn. Kidǝ́ câ, ɛnu nyuin ɖówo zǝ́nǝn i ɛɖǝ́wó nɔn nǝn wràwrà.