¹ Nyǝ ŋvoa ? Nyǝ ŋ nyin amǝdɔ̀dɔ́! a .? Nyǝ ŋkpɔ Yésu mian yǝhowa ? Mi ŋ nyin tiŋ dɔ wɔ̀wɔ̀ yé lǝ lǝ̀ yehowa mǝ an ? ² Nǝ nyǝ ŋ nyin amǝdɔ̀dɔ́ nǝ̀ amǝ̀ kpɔ ti á wó aá́, mi an wó yá ŋ nyin nǝ mi. cagbǝ mi nyin kpɔ̀dǝŋ lǝ tiŋ amǝdɔ̀dɔ́ wódɔ̀ lǝ yǝhowa mǝ. ³ Ǝ la lǝ nyin tiŋ sǝn nǝ amǝ kǝ lǝ wɔ dodokpɔ un an wó . ⁴ Mi ŋ kpɔ ǝmɔn nu i á dúnú nɔn mi a nuci o? ⁵ Mi ŋ kpɔ̀ mɔnu a ɖǝ nyɔ̀run xɔsǝtɔa, sigbǝ amǝ dɔdɔ kpɔtiá wo aa, kidǝ nɔnvio lǝ yehowa mǝ kidǝ cǝfas? ⁶ Nɔnmi nyǝ kidǝ Bárnábaś ɖǝɖǝ i á lǝ wɔdɔ̀ a a? ⁷ Mɛ́n ii lǝ wɔ dɔ̀ sigbǝ sɔ̀já́ nǝ lǝ yé ŋtá gómǝ́? Mɛ́n iii á dó ahati ́ i ŋ nan dú yé cǝncǝn o? Fúlani kǝ i á kprɔ́ nyin i ŋ nán nu nyinɔncio ? ⁸ Ŋ nú nyɔn lá wó có amǝgbǝtɔ̀ gɔmǝ ɖókpǝ ji aa ? Ǝsǝ á cá ŋ nui aa ? ⁹ Cagbǝ̀ ǝ̀ lǝ Mɔnsǝ̀ sǝ̀ mǝ: << Mi ŋ kaá bra nu nǝ lalà gakǝ mǝ kǝ i lǝ du nu o>> la lá ɖǝɖǝ̀ i Mawu lǝ cɔ̀ vǝ̀vǝ̀ dǝ̀dǝ̀ nǝ an? ¹⁰ Ŋ lǝ nú mi an nyɔ an ? woŋrɔnɛn nǝ mi, cagbǝ amǝ kǝ lǝ dǝbó á nɔn nǝ tǝ kpɔ̀ ǝbò nùcù wó, i amǝ kǝ lǝ̀ fǝn bàfó à lǝ fǝ̀n kidǝ̀ súsú bǝ yé a mɛ́n kidǝ̀ amǝ wó lǝ xɔ̀sǝ mǝ. ¹¹ Nǝ̀ mi dó gbɔngbɔn kɔkɔ dǝ mi an mǝ ɖǝ̀ ǝ̀jǝ̀ bǝ̀ mi án va biɔ̀ mi xixǝ̀ mǝ nu wo aa? ¹² Nǝ amǝ ɖǝ̀ lǝ cɔ̀ acɛ kpakpa ŋnan dǝ mi an ji á á mi án wó mi wɔ̀ dɛ wú wó aa? vɔa, mi ŋ biɔ̀ acɛ ŋnan? Mián wò mi lǝ wɔ ǝnù ɖǝsiaɖǝ nǝ ǝnu ŋnan wó ŋká vá nyin ǝmɔn tútú nǝ kristó yé nyɔ̀ núnú o. ¹³ Mi ŋ́ nyá bǝ̀ amǝ kǝ lǝ wɔdɔ̀ lǝ xɔ̀sǝ xɔmǝ an wó ɖú nǝ xɔ̀sǝ̀ xɔ̀mǝ̀ nú i mǝ kǝ lǝ wɔ̀ dɔ̀ lǝ ɖǝxo tavu ŋun án a ɖú ǝnú kǝ lǝ távu a ji á nú an ? ¹⁴ Lǝ nɔnɔn ŋ nán mǝ̀ kǝ̀ a, yǝhawa na mɔ̀n amǝ kǝ lǝ kaka Mawu yé nyɔn wó cá ,nán ɖú lǝ Mawu nyɔn nyɔn kaka mǝ. ¹⁵ Vɔa nyǝ ŋ bi ɔ ǝnu dǝkɛn lǝ̀ ǝ̀nu ŋ nan wò mǝ o . i nya ŋlǝ ŋrɔn ǝ nu lá bǝ mi an nan ŋ ɖǝ ̀ o Nǝ ŋkú à ǝ nyɔn ŋ wu bǝ amǝ ɖǝ nántú tiŋ vovo kpɔkpɔ mɔnu un. ¹⁶ Ɔka ganŋgan ɖǝ kio nǝ ǝ lǝ nú Mawu nyɔn cagbǝǝ ɖó lá wɔɛ. Bàbà ŋ nǝ nyǝŋ nu Mawu nyɔn o. ¹⁷ Nǝ ŋ lǝ wɔɛ kidǝ jijró aà̀, ma xɔ̀ yé fǝ̀ntú, vɔa nǝ nyǝ ŋ lǝ wɔɛ kidǝ jojró àà ǝnu sugbɔ a lǝ a lǝ kpɔtɔ lǝ un nyǝ nǝ ǝdɔ kǝ wo cɔ ŋ bǝ ma wɔ a a. ¹⁸ Nu kǝ i lǝ nyin tiŋ fǝntú? Ǝnú an i yé nyin bǝ nǝ ŋ lǝ kaka Mawu nyɔn an, ma nú Mawu nyɔn na nan xɔ ǝ fǝntú nǝ mǝ kǝ nyǝ ŋ ka cɔ̀ ɖǝ ki nyǝ nyi nyin i sǝŋ nu Mawu nyɔn o. nǝ kǝ ŋnú Mawu yé nyɔn nǝ amǝ woa cagbǝ ma nɔn amǝ cancan wó mǝ. ¹⁹ Nǝ ŋ ɖǝ sùsù ŋ nan wó ji lǝ ɖǝ ki nyǝ ji à ma trɔ̀ zu amǝ siamǝ yé dɔcɔvi gbɔ xó i ma dú fǝntù sùgbɔ̀. ²⁰ Nǝ Jifù wo áá ma trɔ zu Jifú tɔ gbɔxó nǝ Jifú tɔ̀ wò na ɖoto un. amǝ kǝ lǝ ǝsǝ̀ à gɔ̀mǝ̀ an wó áá , ŋ cá ŋtrɔ ɖǝkɛn sigbǝ amǝ kǝ lǝ sǝ gɔmǝ ŋ nǝ an gbɔxo nǝ ma tǝŋ dú wó . J wɔ ŋ nǝ vɔa nyǝ ŋ lǝ sǝ á gɔmǝ o. ²¹ Nǝ amǝ kǝ wó ŋ̀ lǝ sǝ̀ a mǝ wó aá ŋ cɔ̀ ɖǝ kiɛn sigbǝ amǝ kǝ ŋ lǝ Mawu yé sǝ̀ à mǝ nǝ o, vɔa kristo sǝ̀ à gɔ mǝ. ²² Ŋ wɔ̀ ǝnù ŋna wó cagbǝ nǝ ma sǝŋ dɔn amǝ kǝ lǝǝsǝŋ gbǝ a wo vá. Nǝ amǝ kǝ wò si ŋsǝ̀n ŋ̀ lǝ wo ŋcá ŋtrɔ̀ zu nǝnǝ mǝ. ŋtrɔ zun ǝ nu ɖǝ siaɖ nǝ xixǝa, cagbǝ nǝ ma tǝŋ ɖǝ amǝ sùgbɔ lǝ xaxá mǝ. ²³ Jwɔ nu ŋnan wo lǝ Mawu yé nyɔ mǝ cagbǝ ŋca ma tǝŋ xɔ yé xaxrá wo. ²⁴ Miŋ nyá bǝ nǝ amǝ wó bɔ i lǝ súdú a a , amǝ ɖǝka ixɔnǝ ajɔ a ? Mi súdú nǝ mi an xɔ a jɔ à. ²⁵ Ǝdu sùtɔ́ a kprá nǝ du súsú á gbɔxó i n va i tǝtǝ kpɔ̀. wó sú nǝ à bǝ yé ca yǝ́ àjɔ̀á mi lǝ sùdù cagbǝ nǝ mian xɔ̀ àjɔ̀ maku maku. aá. ²⁶ Cagbǝ́ ŋ nan tɔ́ i nyǝ ŋ súdú ma nan ɖo kpǝ dǝ ŋɖǝjió.. nɔmi súdù ɖǝ ayǝtitɛ́ mǝ. ²⁷ Vɔa ŋ daya nǝ tiŋ ranmǝ i ŋ trɔ ɛ zu ǝnu xǝxrǝ.