¹ Nɔnviwó, ŋ jí bǝ́ mian nyǝ́n, miàn dadawó nɔn àkpɔkpɔwó mɛn vàyí í zin axúà. ² wó sǝ́awó lǝ́ Mawú cí lǝ́ Moosǝ́ kiɖǝ́ akpɔkpɔ kidǝ́ axú mǝ́n, ³ Wó sée ɖunǝngbɔgbɔmǝn yǝ ŋɖúɖú ɖǝ́kà. ⁴ Wó núnsǝ́n gbɔgbɔmǝn ci ɖǝkà. Dóbǝ́ wó nú gbɔgbɔ mǝn yǝ́ kpǝ́ kǝ́ kprɔwó dó, ɛkpǝ́a i nyi Yesú Kristo. ⁵ Wó sǝ́awó ɛnú ŋ nyɔn Mawú ŋkɔ. I wó ŋfiran kuku kakà man dǝ́ zogbǝ́jí. ⁶ Í fià à ɛnú nanwó nyi kpɔdǝŋu nǝ mi, nǝ mi ŋ kà gbǝ́ ji lawɔ ɛnú manyɔmanyɔnù ò sigbǝ́ wó ɛnǝn ó. ⁷ Mi ŋ ka nyi vodú sǝntɔ sigbǝ́ wáwó ɛnǝn ó. Sigbǝ́ wó ŋrɔ́ɛ̀n ɛnǝn: «Amǝwó karǝn i ɖúnú i núnú, i có i vɛ̀ brǝ́ví» ⁸ Mi ŋ ka wɔ gbɔdɔndɔn majǝ́majǝ́ ó, sigbǝ́ amǝ́ sugbɔwó ɛnǝn ó. Ɛnú inan wɔwɔ nan bǝ́ amǝ ɛwuivɔtɔn kù lǝ́ ŋkǝ́kǝ́ ɖǝ́ká mǝ́n. ⁹ Mi ŋ ka dó Kristo kpɔ ó, sigbǝ́ wó amǝnɖǝ́wó ɛnǝn an, ɛdàn wúwó. ¹⁰ Mi ŋ kà ɖɔ nyɔmǝn sigbǝ́ wó ɛnǝn ó, kǝ́ wó ɖǝ́wó wɔǝ́ à ɛkú yǝ́ Mawú ŋíndótɔ wúwó. ¹¹ Ɛnú nán wó jɔ dǝ́wo ji nǝn anyi kpɔdǝŋu nú nǝn mi. Wó ŋrɔ wó ɖǝ́ nǝ mian sǝŋ xɔ kpràkprà lǝ́ ɛnú wúwú. ¹² Ḱ i lǝ́ ɛnǝn an, amǝn kǝ́ buibǝ́ yǝ́ lǝ́ tǝ́ji à nan xin ayǝ́ nǝ ŋ ka gǝ́jín ó. ¹³ Tǝ́tǝ́kpɔ ɖǝ́ ŋ va miaji kǝ́́ ŋ có agbǝtɔ gbɔ ó. Vɔa Mawú nyi lɔnlɔn ŋ nán rɔn bǝ́ tǝ́tǝ́kpɔwó nan wúgàn mi ó, vɔa tó tǝ́tǝ́kpɔji é xún ɛmɔn bú, nǝn mia tǝŋ dójí. ¹⁴ Vɔa, rɔnrɔntɔwó, mi gbǝ́ nú lǝ́ vodú sǝ̀n gbɔ. ¹⁵ Ŋ lǝ́ xónù nǝ mì sigbǝ́ ŋúnú nyantɔwó ɛnǝ, mian tǝŋ sǝ́ ɛ́nyɔ kǝ ŋ lǝ nú an gɔmǝn. ¹⁶ Ɛnú nù nú kǝ́ mi yranǝn an, ŋ nyi ɛnú màmàn lǝ́ Yesu Kristo yǝ xúmǝn àn ? Kpɔ̀nɔn kǝ́ mi mànin ŋ nyì ɛnu màmàn có Kristo yǝ́ ranmǝ̀n an ? ¹⁷ Ɖobǝ́ kpɔnɔn kánkán ɖǝ́kà i lǝ̀, mi súgbɔ, mi nyi ŋtiran ɖǝ́kà , i mi zun kpɔnɔn kankan ɖǝ́kà. ¹⁸ Mikpɔ Israɛl víwó, wó dɛ nǝn ɛkpɔn ŋuan, wó nan wó kǝ́ ɖu nǝn wosà núwó à ? ¹⁹ Ɛn yɔ kǝ́ i ŋ lǝ́ nú màn ? Bǝ́ vodú nyi ɛnú ɖǝ́ ? Aló ɛnú ɖúɖú kǝ́wó sǝ́ savɔ nǝn vodú à nyi ɛnuɖǝ́ ? ²⁰ Vɔa ŋ lǝ́ xonú có ɛnú kǝ́ trɔn sǝntɔwó kǝ ŋ nyi yuɖatɔ wó sǝŋ sànǝvɔ, wó có nǝn ɛnú nàn wó nǝ gbɔgbɔ vɔɛn wó ŋ nyi nǝ Mawú ó. Nyǝ ŋ jí bǝ́ miàn nɔn ka cácá mǝn kidǝ́ gbɔgbɔ ŋnan wó ó ! ²¹ Mi ŋ ka tǝŋ nú Axotɔ yǝ́ xún i la gbǝ́ nú gbɔgbɔ vɔnɖiwó tɔ ó. Mi ŋ ka tǝŋ ɖúnú lǝ́ Axotɔ yǝ́ tavú ji i la gbǝ́ dú lǝ ́gbɔgbɔn vɔnɖiwó tavú ji ó. ²² Aló miàn nàn bǝ́ Axótɔ nàn xúan ŋú àn ? Mi sǝnŋú wúi à ? ²³ «Wó ɖǝ́mɔ nǝ ɛnuwo sée» Vɔà wó seéŋdɔn amǝnji ó. «Wó ɖǝ́mɔ nǝ ɛnuwó sée» Vɔa ŋ nyi wó séé donǝn amǝn dǝ́ ɛji ó. ²⁴ Amǝɖǝ́ ŋ ka ji yǝŋtà tɔ ó. Bóŋ amǝsiamǝ ɖolà jí yǝ́ xrɔ yǝ́ nyɔnàn. ²⁵ Mian tǝŋ ɖu ɛnu ɖǝ́siaɖǝ́ kǝ́ wó lǝ́ sa lǝ́ afimǝn, vɔă mi ŋ ka ji là nyan ɛnu kǝ́ tutú ínyí ó. ²⁶ Ɖóbǝ́ «anyigban kiɖǝ́ yǝ́ mǝn núwó nyi Axótɔ tɔ». ²⁷ Nǝ ji maxɔsǝ́tɔ ɖǝ yɔmi nǝn ɛnuɖuɖu à, i mi ji là yi à, mi ɖú ɛnu ɖǝsiaɖǝ́ kǝ́ acɔ nǝ mi kǝ́ mi ŋ ka ji là nyan ɛnú kǝ́ tútú i nyi ó. ²⁸ Vɔa nǝ amǝɖǝ́ núnǝn mi bǝ́: «Ɛnúɖuɖú là vɔsa nuɖuɖu i à, mi ŋ ka ɖúi oí. Cagbǝ́ amǝ́ kǝ́ lǝ nui nǝn miantɔ kidǝ́ ɛjiji nyɔantɔ. ²⁹ Nyǝ́ ŋ lǝ́ xónú có miantawó jíjinyɔn ŋú ó, vɔ có amǝ hinantɔ ŋú. Ɖóbǝ́ nú kǝ i là nàn bǝ́ tiŋ cancan là nyi nyɔn lǝ́ amǝbú yǝ jímǝn ? ³⁰ Nǝ ŋ ɖú ɛnúàn kidǝ́ akpǝ́ dàdà, nu kǝ́ jɔ i wa zúŋ dǝ́ akpǝ́ kǝ ŋ dàà ŋú ? ³¹ Kǝ i lǝ́ nǝn an, mi ɖúnú ó, mi nùnú ó, ɛnú ɖǝ́siaɖǝ́ kǝ́ mian wɔà, mi wɔwó nǝ Mawú yǝ́ kafúkafú. ³² Mi ŋ ka jǝ́ agɔ dǝ́ yuɖatɔwó alo Grekitɔwo& aló Mawú yǝ́ háá ŋú ó. ³³ ŋ jí là nyɔn amǝɖǝsiaɖǝ́ ŋukɔ lǝ́ ɛnú ɖǝsiaɖǝ́ mǝn nyin ŋlǝ́ ji nyinɖǝ́kǝn yǝ́ nyɔna ó vɔà amǝsugbɔtɔ ŋlǝ́ wɔ ɛnú ĺ nǝ atǝŋ kpɔ xɔhɔ.