¹ Mi di ún sigbǝnǝ ún di Kristo ǝnǝ. ² Í fíá ún kánǝfú mi, sigbǝnǝ mi dónǝŋú ún lǝ ǝnúdǝsiadǝ mǝ án. Un kánǝfú mí, dobǝ mi lǝ bǝnǝ dúmǝ kɔnúawo sigbǝ nǝ un kprá mí ǝnǝ. ³ Ifía únji má nan mian nyan bǝ Kristo í nyí axótɔ nǝ mí, í ŋúcú nyi axótɔ nǝ nyɔrún í Mawu nyí axotɔ nǝ Kristo. ⁴ Ŋúcú dǝsiadǝ kǝ lǝ xódǝ nɔmi lǝ nú nyɔndɛ í brátadǝ, ún dǝ́ búbú yǝ xótɔ ŋúo. ⁵ Vɔa hyɔrún kǝ la xódǝ nɔmí la nú nyɔdɛ ǝta mábrá mábrá, ŋú bú yǝ xótɔo. Nǝnǝ kǝ inyí nǝ nyɔnrún kǝ kpáda. ⁶ Do nǝ nyɔnrún dǝ ŋú kátǝŋú brá táá, nán kpadá. Nǝ inyi ŋukpɛn nǝ nyɔrún dǝ bǝ nán kpádá nɔmí nán xrɔ́táá nan braɛ. ⁷ Do ŋúcú ŋú dó la brátá o, ǝnyi Mawu yǝ táta kidǝ yǝ kpǝnkpǝn mǝ. Vɔá nyɔnrun nyi ǝnúkǝ ŋúcú la do dǝji. ⁸ Do ŋúcú mǝ í nyɔnrún dó có. ⁹ Wo ŋúwɔ ŋúcú nǝ nyɔnrún o, vɔa wo wɔ nyɔn run nǝ ŋúcú. ¹⁰ Yǝ ídɔ í nyɔnrun dó lá wɔ ǝgán dudu yǝ dǝsí dǝtádɛ. Cágbǝ Mawu ŋɛndótɔwotɔ. ¹¹ Lǝ Mawu gbɔá, nyɔnrun ŋcá tǝŋú dǝ́ lǝ ŋncú ŋú o, nǝnǝ kǝ ŋúcú cá ŋkatǝŋúdǝ́ lǝ nyɔnrun ŋúo. ¹² Do sigbǝnǝ nyɔnrun dó có ŋúcu mǝ an, nyɔnrún í jínǝ ŋúcú í ǝnú nanwo seé có Mawu gbɔ. ¹³ Mían ŋtáwo mi kpɔbǝ ǝnyɔn bǝ nyɔnrún nan xodǝ nǝ Mawú ǝtá mabra mábra mán? ¹⁴ Xixéamǝ ŋú kpramí bǝ nǝ ŋúcú dǝ ǝdá diŋdiŋ ŋkpɛn inyi á? ¹⁵ Xixéamǝ ŋú kpramí bǝ nǝ nyɔnrún dǝ ǝdá diŋdiŋ án búbúbí nyí nɛn an? Do Mawu nɛn ǝdá sigbǝ ǝ́ta branú ǝnǝ. ¹⁶ Vɔa nǝ amǝdǝ bǝ yǝ ádɔn nyɔn ńan an, mi ŋgbǝ. Wɔ núdǝkɛn dɛ o, Mawúxá wo cá. ¹⁷ Vɔa lǝ ǝgbǝ dǝási nanwo mǝ, nyǝ ŋkanǝfú mí o. Do nǝ mi va bɔdɛá mi ŋú wɔnǝ ǝnú dódó o, dánhɛn dánhɛn í mí wɔnǝ. ¹⁸ Kǝ́kǝ́ kǝ́lǝ́ a ún sǝ bǝ nǝ mi vɛɛ dogó lǝ Mawu xámǝ, mi manǝ miandǝkiwo mǝ. Í ŋú kandǝjí lǝ ákpadǝka. ¹⁹ Ǝ́dóbǝ amǝ wáwá kpɔ nán nɔn mian ji cágbǝnǝ wa tǝŋú dǝ́si amǝkǝ nyɔn an wo lǝ mian mǝ. ²⁰ Do gá kǝmǝ mi bɔdɛá, ŋunyí mawu ǝnúdúdú í mi lǝ dú o. ²¹ Nǝ mi ká dúnú an, amǝhámǝ dúmǝ yǝtɔ gbɔxó nǝ amǝ dǝ́awo Pálǝ́ jí wótɔ. Fifǝ lǝ́ amǝdǝká inyí amǝvǝatɔ yá mú áhá. ²² Axó ŋulǝ míansi nǝ mian lǝ dúnú ilǝ nú nu lǝmǝan? Mí lǝ xódú Mawu há í lǝ dó ŋukpɛn amǝmanwɔnú dǝwo? Nǝ míjí bǝ mánnúmɔn? Mán káfú mi án. Nyɛnŋká kafú mi nǝ ŋúnán o! ²³ Do ǝnú kǝ ŋúkprámianwo, áxótɔ Yesú ǝzan kǝ mǝ wo sɛɛ́ lǝá ǝcɔ kpɔnnɔn. ²⁴ Í kǝ í dakpǝ jrɔá, í ŋɛndǝ́vǝ í nú bǝ:< inyí tiŋ rán kǝ nyi miantɔa, mi lǝ wɔɛ ǝnǝ í sǝŋú lǝ dowuí ún.>> ²⁵ Nǝnǝ kǝ í kú áhá dǝ góbré mǝ kǝ í dú nú joɔ í nú bǝ:<<Ǝkprú lá inyí tiŋ hún yǝ kodódó yéyé. Mi lǝ wɔɛnǝ tɛgbɛ nǝ mika nui í sǝŋú lǝ doŋuí ún.>> ²⁶ Gasiaga mǝ kǝ mián lǝ dú ábóló nan í lǝ nú áxá nán, mian lǝ dǝ gbǝfan yǝkú kǝkǝnǝ yǝ trɔtrɔgbɔ. ²⁷ Amǝsiámǝ kǝ lá dú í nú axótɔá yǝ hún majǝ májǝ tɔa ǝvɛn la jǝ́jí. ²⁸ Amǝ siamǝ nan jro dǝkiá kpɔ nyɔngbiŋ gboxó í du aboló a í nú axá kǝ nyi Yesu ǝhún dǝji. ²⁹ Dó amǝkǝ la dúí í núí dǝ majǝ májǝtɔ jía, ǝ́jí vɔɛn nǝ dǝkíá. ³⁰ Yǝ idɔ amǝ súgbɔ lǝ mian mǝ í gbɔjɔdɛ, dǝwo lǝ́ dɔ gbɔxó amǝdǝwo lǝ arɔn mǝ dɛ́. ³¹ Vɔa mǝ mí jró miandǝkiwo kpɔ, wo dó kójó nǝ mi o. ³² Vɔa nǝ axótɔá dó kójó nǝ mi nú xɔnǝ kpakprá nyɔngbiŋ nǝ wo ŋká có ǝkúfiɔ nǝ mi lǝ xixémǝ. ³³ Í fía nɔvuwo, nǝ mi bɔdɛ í ká dú nú an, misǝ mian dǝkiwogɔmǝ. ³⁴ Nǝ fífǝ lǝ́ amǝdǝ́á nán dúnú lǝ yǝ xómǝ nǝ kójó dódó ŋká gbǝ lǝ vá mian gódódówo mǝ o. Í có ǝnú kpɔtía kǝ mí ŋrɔn ún an wo ŋú an, man disá ǝmɔn nǝ mi nǝ ún váá o.