¹ Kǝ lǝ kuɖǝ́ gbɔ̀ngbɔ̀n mǝ̀ núnánáwóá nyǝǝŋ́jíbǝ́ míán nɔ ǝnúmanyá manyá mɛ có wóŋú ò. ² Mi nyǝ́ǝbǝ kǝ mi nyi vòdúsintɔ́wó váyia vòdú maxonuwó gbɔngbɔn yí zán nǝ mi tó ǝmɔ́ vòvòwòjí . Í yǝ́yí kprɔmi. ³ Ŋjíbǝ́ má ná mián nyǝ́ǝbǝ́ amǝ dǝ̀siadǝ kǝ xonǝ nu kídǝ́ mawúǝgbɔngbɔn an ŋ́kà tǝ́ŋú nú gbǝ̀dǝ̀ bǝ́"Yǝ dónu Yèésù ò." Amǝdǝ ŋ́kátǝ́ ŋ nú bǝ́ Yèésù nyǝ̀ " Áxótɔ́ yí nyí Yèéèsù " nǝ́ ŋnyí gbɔ̀ngbɔ̀n àn yílǝmǝ ò; gbɔ̀ngbɔ̀n dǝ̀dǝ̀yí atǝ́ŋ áná. ⁴ Núnáwó lǝ vòvòvò vɔ̀à gbɔ̀ngbɔ̀n dǝ̀kàà kǝ́yí. ⁵ Ǝ̀dɔ̀áó lǝ vòvòvò, vɔ̀à Àxótɔ́ dǝ́ ká yí. ⁶ Ə̀dɔ vòvòvòmǝ lǝǝ́na vɔ̀à mawú dǝ́kin yí nánǝ́ bǝ́ ǝ̀dɔ̀áó nyínǝ́ wɔ̀wɔ . ⁷ Ǝ́ná gbɔ̀ngbɔ̀n; yǝ́dɔ́wɔwɔwó bǝ́ ná kpǝ́dǝ́ amǝsiamǝ ŋú. ⁸ Wótó gbɔ̀ngbɔ́n àn mǝ yi ná amǝdǝ́ká ŋumí ŋyányá ǝ́nyɔ. ⁹ Amǝbú yá xɔ̀sǝ̀ lǝ gbɔ̀ngbɔ̀n dǝ̀káámǝ yí amǝbú á dɔ̀yɔ̀yɔ̀ núnánáwó lǝ gbɔ̀ngbɔ̀n dǝ̀kà kǝ́ mǝ. ¹⁰ Yí amǝbúá nukúnú dɔ́wowó, amǝbúá ǝnyɔ núnúdɛ́, amǝbú á wádó gbɔ̀ngbɔ̀nwò kpɔ́ ǝ́núnámá, nǝ́ amǝbúá ǝ̀gbǝ̀ bulɔmǝwó gɔmǝdǝdǝ. ¹¹ Vɔ̀à gbɔ̀ngbɔ̀ àn dǝ̀ká yí lǝ wɔ̀dɔ lǝ wó sǝ́ǝ́ǝ́ mǝ ǝ́cɔ́nǝ́ ǝnú núna nánɔ́ amǝ dǝ́kádǝká sigbǝ nǝ́ ŋtá jíi dóí. ¹² Sigbǝ nǝ́ ranmǝ nyín ǝnú dǝ́káá yídó toxó vòvòvòwòă yí wó sǝ́ǝ́ǝ́ nyí àgbǝ̀tɔ́ ǝ́nanmǝ ŋǝtinúwóá nǝnǝ́ tútútú íìlǝ lǝ Kristò mǝ. ¹³ Ǝnúkǝdɔ́á tó gbɔ̀ngbɔ̀n dǝ̀ká mǝa míánwó mi lǝ Mawúǝ́ci lǝ ŋútíram dǝ́kámǝ; ǝ́tǝ́ŋnyí Yúdàtɔ́ àlò amǝkǝ lǝ vòvòmǝ wo sǝ́ǝ́ǝ́ yí wó kpǝ́ gbɔ̀ngbɔ̀n ǝ́ci nǝ́ mí yí mí nu. ¹⁴ Ǝnúkǝdɔ́á ŋútíran ŋ́nyí ǝnu& gbálǝ lǝ́dǝ̀dǝ ò vɔ̀à ǝnúwoă sùgbɔ lǝmǝ. ¹⁵ Nǝ̀ afɔ núbǝ́: " Yǝ ŋnyín alɔ ò yǝŋ́lǝ ŋutiran mǝ ò" ǝnyɔ kǝǝ̀nu ina nátǝ́ŋ dǝdá lǝ ŋutiran ŋù ò. ¹⁶ Nǝ́ ǝ̀tó ánúbǝ́; "Yǝŋnyí ŋnuví ò bǝ ǝyayǝ yǝŋ́lǝ ŋútíran mǝ ò". Ənyɔ kǝ ìnùán ŋ́kátǝ́ŋ dǝǝdá lǝ ŋútíran gbɔ́ ò. ¹⁷ Nǝ́ ŋútiran sééé nyín ŋkúvíá, nǝ́ míán wɔmǝ́ yí sǝ nú má? nǝ́ ǝ́tò ɖǝ̀dǝ̀yí mí nyí nǝ́ míán wɔ mǝ́ yí sǝ ǝná ǝhɔnhɔ́n mà? ¹⁸ Vɔ̀à Mawú wɔ àkpá dǝ̀síàdǝ sigbǝnǝ́ yǝŋtá jí ǝnǝ́. ¹⁹ Yí wó sééé wó nyí ŋútiran dǝ́káwó; nǝ́ amǝtì brǝ̀ǝbú á ánɔ mǝ? ²⁰ Ŋútínúwó sùgbɔ̀ yí lǝ ranmǝ dǝ́ká mǝ vɔ̀à ŋútiran dǝ́ká yíì nyi. ²¹ Ŋukúví ŋkátǝ́ŋú núnǝ̀ alɔ bǝ́"Nyǝŋhín wo ò; Àló ǝ̀ta ánú nǝ́ àfɔ bǝ́ yǝŋgbǝlǝ jíi ò". ²² Ŋútínú kǝwó míkpɔ́ nǝ́ bǝ́ ŋunsin ŋlǝwósiá yí mí zán nǝ súgbɔ séŋwú. ²³ Ŋútínú kǝwó zǝ́nǝ́ sigbǝ bùbù ŋlǝyú ǝnǝ́ á ŋú yí mídónǝ́ búbú dǝ̂ŋú séŋwú kǝwó ŋnyákpɔ̀kpɔ̀ òà; yí mí dó nɔ́ ácìɔn nyɔ̀ŋgbi nǝ́. ²⁴ Yí mígbǝ́ nǝ́ toxó nyɔ̀ŋgbiowódɛ́. Vɔ̀à Mawú bɔ ǝnúwó sǝ́ǝ́ǝ́ dǝ́ toxó dǝ́ká ŋiî cɔ́ búbú nǝ toxó kǝwó ŋú bùbù ŋlɛ ò. ²⁵ Ǝ́wɔɛ ǝnǝ́ kidǝ́ sùsú ilá bǝ́ mámá ŋká nɔ ǝnúán wó mǝ ò lǝ ŋútiranmǝ ò.Vɔ̀à ŋútinúwó nákpǝ́ɖǝ́ wó dǝ́kiwó ŋu wóábɔ yí má rǝ̀rǝ́sǝsǝawó. ²⁶ Nǝ́ ŋútiran wó domǝtɔ́ dǝ́ lǝ kpǝ́fun a ŋútiran sǝ́ǝ́ǝ́ yí kpǝ́nǝ Fun. Álò nǝ́ wó dǝ́ bùbù ŋútiram wó domǝtɔ́ dǝ́á ŋútiran kpɔtiámó kpɔ́nǝ́ jìjɔ̀ yínɔnǝ ayǝ̀tiătɛ́. ²⁷ Xótɔn a mínyí Kristò ŋútíran kíɖǝ́ yǝ́ ŋútínúwó kúnukú kiɖǝ̀ yǝ́to. ²⁸ Yí Mawuă dówó ɖǝ́ homẹamǝ kǝ́lǝ́ kǝ́lǝ́ á Amǝdɔ́dɔ́wó ǝ̀vǝ̀àtɔ́ ǝnyɔnúdɛ́tɔ́wó ǝ́tɔantɔ́ ǝnú kprámǝ tɔ́wó; kidǝ́ amǝkǝwó xo nukún ǝní nanáán; kíɖǝ́ amǝkǝwɔnǝ ǝnú sǝŋúsɛŋú á kidǝ́ amǝ kǝ kpǝ́nǝ́ d'amǝŋúáwó; kiɖǝ́ amǝkpɔkprɔ ǝ́dɔ mɔtɔ́wé; kiɖǝ́ ǝ̀gbǝ̀ vòvòvò dótɔ́ wó. ²⁹ Ŋnyí amǝ síámǝ yí nyí Mawú ǝ́mǝdɔ́dɔ́àằ? wó sǝ́ǝ̀ǝ̀ yí nyí nyɔnúdɛ́tɔ́à? wó sǝ́ǝ́ǝ́yí ǝnú kprámǝtɔ́ à? Yí wó sǝ́ǝ́ǝ́ yí wɔnǝ nunúnúwóá? ³⁰ Wó sǝ́ǝ́ǝ́ yí wo dɔ̀ yɔ̀yɔ̀ núnána dɛ́à? wó sǝ́ǝ́ǝ́ yí dɔ̀ nǝǝ̀gbǝ̀ bulɔmǝ wó gɔmǝ̀a? ³¹ Mi jí amǝnú vǝ́vǝ́ núna ́ kǝgbǝ gánŋgán mú ilá ŋfia máa kprámi ǝnúnǝyòta nǝ́ dǝ̀siádǝ́à