¹ Lǝ́ nududu kǝ́ wó sǝ sávɔ́ nɛn ǝtrɔnuwó á, mi nyɛn ɛ́n bǝ amǝnsiamɛn nyan nu co ŋ. Ǝ́nú nyanyan doamɛn dǝ́ǝ́ji í rɔnrɔn tunɛn amɛn do. ² Nɛ́n amɛndǝ́ bú í bǝ nyǝ nyan nu, ŋ nyɛɛn sigbǝ í búí nɛn ó. ³ Vɔ nɛn amɛndǝ́ rɔn Mawu a, kǝ́ Mawu cá dǝ́sú́. ⁴ Lǝ́ rɛgbawó nududu vɔ́sá dudu nyɔan mɛn an, mi nyɛ bǝ́ rɛgba ŋnyi ŋdǝ́ ó í Mawu dǝka dǝ́dǝ́ í lɛlǝ́ xixǝ́amɛn. ⁵ Dóá nɛ́n ǝ́dǝ́wó lɛ kǝ́ wó lǝ́ yɔ bǝ́ Mawuwóá, lǝ jiŋkori alo anyigbánjia, sigbǝ́ Mawuwó kidǝ́ axotɔawó lɛ á. ⁶ Nɛ́n míawó ya, Mawu dǝka kingóó í lɛ, kǝnyi mia dada, Mawu kǝ́ gbɔ ǝ́nusianu có nɛn, í kǝ́ mi rɔnnɛn agbǝ nɛ́n, cá axotɔ, Yesu Kristo í nyi mía xotɔ dǝka tɔtɔ kǝ́ lǝ́ xíxǝ́amɛn an. Có nyǝ mɛn í ǝnu dǝsiadǝ́ jɔ có, í miawó ca milǝ́ agbǝ có mɛn. ⁷ Ǝnyɔn hinan ŋlǝ́ nyanyan mɛ́n nɛ́n amesiamɛn o. Ǝ́mran amɛn dǝ́wodó bǝ́ gbɔxo wóá du ǝ́nududuá, wódóla subɔ wó rɛgbáá. Í nɛ́n wó dunuan ǝ́wɔnɛn nɛnwó sigbǝ wó cɔɛ í sǝ́ sávɔ nɛn rɛgba ǝnyɔn toho mɛn tɔyi. Wó tǝŋ xrǝwo dóá wó susumɛn fáá. ⁸ Ǝnududu ŋ́ka nan míanyɔ́n lǝ Mawu yǝ́ ŋkuvimɛn o. Nɛ́n mi ŋ dui ó á, ŋ́ka dahɛn ǝnudǝ́ lǝ miamɛn o. Caá rɛ́n mi dui á, mí ŋ́ka trɔzun amɛn dodowó sǝ́ wu ó. ⁹ Mi kpɔ gbɔ bǝ́ vovo kǝ mɛn mika ŋ́kaá nan bǝ amɛn kǝ fá lǝ gbɔŋgbɔn nɛn jǝjin ó. ¹⁰ Doá rɛn mi cɔ́ amɛn dǝ kǝ súsú ŋ́ci nɛn ó, í i kpɔ mi lǝ du vɔsa yǝ́ nududu lǝ voduxɔmɛn, miawó kǝ nyan nu có ǝ́nududu nanwó ŋ. Mi kadǝji bǝ mian nu wɔnan ŋkaá nan bǝ yǝ́ cá atɔ́ vɔsa yǝ́ nududuwó jía? ¹¹ Í, lǝ́ mián nu sǝsǝ lǝ ǝ́nu kǝ rɛgbawó nyi gbɔá, nan bǝ́ nɔnvi gbɔ́jɔ́a, amɛn kǝ Yesu ka dǝ́ yǝ́ táá crɔn. ¹² Ǝnu hinan yǝ́ ŋti nɛn ǝjǝ agɔ dǝ tɔɔ́ nɔnviwó ŋú í do abi wó amɛn nyinyi ŋ an, Kristo ŋi ǝjǝ agɔ lǝ́. ¹³ Có hinan mɛn an, nɛn tiŋ nu dudu anan bǝ tiŋ nɔnvi agǝjɛ́n an, ǝ́ lɛŋ bǝ nyɛn ka gbǝ du ǝran hinan gbǝdǝ́ ó, nɛn tiŋ nɔnvi ŋ́ka gǝjin ó