ATCHAMADO_BEN-aug_1co_text

Ǝta 14

¹ Mi yiji lə rɔnrɔn mə, nə miàn sɔgbədɛ nə gbɔngbɔmə yə nú nán mánwo lə və̀və́dətɔ nə mian təŋú nú nyɔndɛ. ² Ɖo amə kə lə dó áɖə yéyéà ún lə xónú nə aməgbətɔwo ov ɔa ne Mawu. Aməɖəkɛn ŋúlə sə yə nyɔnwogɔmə o, ɖó ə́lə́ nú gbɔngbɔn mə enú wáwráwo. ³ Vɔá aməkə lə́ nú nyɔn dɛá lə xónú nə agbətɔwo nə ásəŋú mə̀n, í nàn ŋúrɛn kidə əgàn wo. ⁴ Aməkə lə nú nyɔndɛà ləɖo əgàn Mawu háməàn séé. ⁵ Ífia ún lə jíbə miawo sée miandó aɖə yéyé, səwunə àn mian nú nyɔnɖɛ. Aməkə nunə nyɔndɛà səŋú wú aməkə dónə ádə yéyéà. (Nə ínyí bə amədə ŋú lə də gɔmə nə wa səŋú ɖó ŋúsɛn Mawu xáməàn o.) ⁶ Nɔvi ŋúcú kide nɔvi nyɔnrúwo, nə ŋú vá miàngbɔ í lə dó adə yéyé dəé, álə kəi má kpɔ lə mə. Nyàn ŋká təŋú wɔɛ o. Nə ínyi bə ún lə xónú nə mi kidə ɖədəfíàn, ənyɔn núɖɛ, nɔmí ənú kpakpra ɖəkɛn í. ⁷ Nə inyibə ənú fúfú wo sée wɔ áxá dədə dəkɛndɛ, nə wá wɔmɔn í nyan kə wo lə kúá? ⁸ Nə akpɛn lə ɖə əgbə́ bú nə wà wɔ mɔn í nyàn bə áhúà gámə siŋ? ⁹ Nə ínyiɖɛnə mi nə. Nə mi lə xónú nə aməwo kə wo ŋúlə sə gɔmə o, nə wá wɔmɔn í ɖótó mi. Mi lə xónú vɔà aməɖəkɛn ŋú sə gɔmə o. ¹⁰ Ǝgbə súgbɔwo lə xíxəà sée mə dɛ. Vɔà wo sée wɔ gɔmə səsə ɖɛ. ¹¹ Vɔá nə nyɛn ŋulə egbə kə aməàn lədó ún trɔ zún aməjró nə aməkə lə ɖoéá í amə kə lə dó gbə nàn cá trɔ zún aməjró ún. ¹² Nənə ínyí nə miáwo cá nə do mi lə ciji nə gbɔngbɔn kɔkɔ xɔxɔ. Mi səŋú nə mi yi ŋkɔ lə Mawu xá tútúmə. ¹³ Nə aməkə lə xódə lə ádə yéyé məàn nan biɔ yə gɔmədədə. ¹⁴ Ɖo nə ŋú lə xódə lə ádə yéyé məàn tíŋ gbɔngbɔn cá lə xódə í tiŋ ŋúnú nyányán ci gbálé. ¹⁵ Nə nàn wɔmɔn ífia? Màn xódə lə gbɔngbɔn kidə ŋúnú nyàn nyàn mə. Màn jí xà lə gbɔngbɔ kídə ŋúnú nyàn nyàn mə. ¹⁶ Nə ínyíbə mi lə kafú mawu lə gbɔngbɔn mə ɖəkɛn àn nə amə kə ŋú lə sə goməánwo lá nú mɔn? "Àcɛ" vɔa wo ŋunyan ənukə ələnú o?. ¹⁷ Mí lə wɔdɔ dodó vɔa amədə́a ŋú sə gɔmə o. ¹⁸ Ún dákpə nə Mawu bə ún dónə adəyéyé wú miànwo sée, ¹⁹ vɔá lə mawu xámə ŋu ji bə màn nú nyɔn ámatɔn kə gɔməsəsə la non ŋú nə man səŋú ci aməwo xɔsə, anyɔnwu bə màn nú nyɔn sákí aməwo lə adə yéyé mə. ²⁰ Nɔví ŋúcú cidə nɔvi nyɔnrúnwo mí ŋká nyí ɖəviwo lə mían nú kə mí lə nɔtəkpɔawo mə o. Vɔa míàn dídí əvɔɛn kpɔ́tɔ. ²¹ Wo ŋrɔ də́ ɛsə́ woəmàn mən bə́: ɛgbə̀ bú ɖótɔwó kidə́ amənjrówó nú i màn xonú nən dukɔnàn, i wó ŋka sé tiŋ nyɔn ó, Axótɔa i núí. ²² Yəmən coń àn, ɛgbə́ dódó wó nyi jə́si, ŋ nyi nə xɔsətɔwó ó, vɔa nə ji maxɔsə́tɔwó; ɛnyɔnúdɛ̂, boŋ, ɛ nyi jesidó nə xɔsə́tɔwo ŋ nyi nə ji maxɔsə́tɔwó ó. ²³ Vɔa, lə́ mawú habɔbɔmə séé, aməsiamə dénən aɖə́yə́yə́, í ɛnumanyamanyatɔwó kidə́ jimaxɔsé towó cá va kpə́wóà, wó ŋ nàn nú bə́ mi lə́ kucúà? ²⁴ Vɔa nə aməsiamə lə́ nú ɛnyɔn núɖə́, i hixəaməntɔɖə́ kidə́ jimaxɔsətɔɖə ca tɔ ɛnyɔn nuɖə́ núnú, aməsiamən la nyan í amənsiamən là cɔ ɛnyɔn dəŋú. ²⁵ Ɛnyɔn wrawra kə́lə́ ɛjimə̀n nən an wó wà jə́ gagragbə́, i cɔ ŋkuvi cɔ anyigbàn, ɛnú kə̀ là nan bə́ atrɔ jímən cɔ i la sən Mawú, i là nan i amənwó là nyan bə́ Mawú lə́ mianmə̀n nyanwó. ²⁶ Ɛnú kə́ yi miànwɔ, nɔnvi nyɔruwó kidə́ nɔnvi ŋucúwó? nə mí bɔ à, aməɖésiaɖə́ wɔ ɛhà jiji də̀, ɛnú kpramən də́, ɛnyɔnuɖə̀ nən amən ɖə̀, ɛgbə́ aló ɛnú gɔmən ɖə́də́, ɛgə́ aló ɛnú ɖə́siaɖə́ nən Mawú dódodəjí. ²⁷ Nən aməɖə́ dó aɖə́yə́yə́ à, amən amɛnvə́ aló amɛn amɛntɔn nən i súgbɔdin, wà lə́ xonú kprɔ wó ɖə́kiwó dó, i amən ɖəkà là ɖɛ ɛnyɔn kẹ́ wó lə́ núan gɔmɛn. ²⁸ Nən amənɖə́ ŋlə́ i là ɖə́ ɛgbə́ gɔmən ó à, wà ɖótó lə́ ɛhààmən nən wà xónú nən wó ŋtà kidə́ Mawú. ²⁹ Mawu yə́ nyɔnuɖə́tɔ ɖəkà aló amɛnvə́ nan xónú nən kpɔtiàwó nan lə́ ɖótówó kidə́ ŋúnú nyànyà ɛnyɔn kə́ wó lə nú. ³⁰ Nən amən kə́ kanrin ɖə̀wó mənɖə́ kpɔ ŋtə́gà à, amən kə́ lə́ xonúan nàn ɖótó. ³¹ Amən ɖəsiaɖə́ la təŋ nú Mawú yə́ nyɔnɖə̀, nən i jə́jí nən amənsiamən nàn kpɔ ɛgómə̀n lə́ yə́ nyɔn núnú wó mən i à ɖó ɛgàn wó, ³² ɖobə́ Mawunyɔnuɖə́tɔwó wó gbɔgbɔ bə́ Mawunyuɖə́tɔwó kprɔkprɔtə́, ³³ ɖobə́ Mawú ŋ nyi cakà cakà yə́ Mawú ó, vɔà fafa yə́ Mawú, sigbə́ i nyi lə́ amən kɔkɔə́wó hamən ɛnən. ³⁴ Nyɔnrúwó ŋɖó la xónú lə́ ɛhàwò mən ó. Wó ŋ ɖó la cɔ ɛnyɔn nən wó ó, vɔà wa wɔ ɛnyɔn kə́ wa nú nənwó sigbə́ ɛsə́ də́də́à núí ɛ́nən. ³⁵ Nən wó ji i là kpra ɛruɖə́ á, wá biɔ wó cúwó lə́ axomən. Ɖobə́ ŋ jə́ bə́ nyɔnrú nàn xonú lə ɛhàmən ó. ³⁶ Mawú yə́ nyɔn có miagbɔà? miawó ɖə́kən gbɔ ì và à? ³⁷ Nən amənɖə́ cɔ ɖə́kià Mawúnyɔnúɖə̀tɔ aló gbɔgbɔmə̀ntɔ à, nàn nyàn lə́ ɛ́nú kə́ ŋlə́ ŋronɖə̀à wó nyí ɛsə́ có Mawú gbɔ. ³⁸ Nən amənɖə́ dóvɛ̀ nən àn wà dovɛnən cà. ³⁹ Nɔnviwó, mi ji vɛ́vɛ́tɔ nən miàn nú mawú yə́ nyɔn ɖə̀, i mi ŋkà xə́ ɛmon nən amənɖə̀kən bə́ ŋkà dó aɖə́yə́yə́ ó. ⁴⁰ Vɔà wóawɔ ɛ̀nú ɖə́siaɖə́ sigbə́ i jə́ kidə́ dódó.