¹ Ifia nɔvinyǝwò ŋji bǝ màdoŋu enyɔ nyɔ́ɛ́n kǝ ŋcɔ̀và nǝ mi i mixɔɛ i jǝtǝ dǝji ɖɛ sǝnŋusǝnŋuán nǝ mi. ² Nǝ mi ku dǝ̀ŋù nyɔŋgbián wáxɔ mi dagbǝ̀ vɔ̀á nǝ ŋnyi enǝ oa ǝhun mixɔɛ gbalǝ. ³ Ǝnu vǝvǝ kǝ wò kpràŋ i nyǝcà ŋvá kpràman ye ilǝ nyi bǝ kristo kú dǝ̀ mià nuvɔnwò ta sigbǝnǝ mawunyɔ an nui ǝnǝ. ⁴ Wóɖù i lǝ ye nycɔa mǝa, wófɔ̀ɛn cò amǝkùkùwò domǝ lǝ Mawu nyɔan nu. ⁵ Ǝdǝ ɖǝkia ɖúsá nǝ kefas i lǝ yǝŋgbǝá amǝ ámɔnwùvǝáwó. ⁶ Lǝ ŋnawo ŋgbǝà amǝ sigbǝ alɔfan ámátɔ̀n enǝ kpɔɛ́ dǝ̀du. togbɔ̀ bǝ̀ nɔnvi ŋnawó ɖoó kù cáá, ɖòò kpɔtɔ lagbǝ ɖɛ. ⁷ Yakúbú va kpɔɛ i amǝdɔdɔ wo cáwó kpɔɛ̀. ⁸ Lǝ vɔ̀xóa , enyǝ kǝ wɔ ɖɛ sigbǝnǝ evi kǝ wo ji àzan masun masun enǝá ŋkpɔɛ. ⁹ Lǝ nyɔndodo mǝa, ǝnyǝ inyi dǝvi cùkuwi lǝ amǝdòdɔ̀áwo mǝ. Nyaŋ jǝ bǝ wàyɔŋ bǝ amǝdɔdɔ cá o, ɖobǝ̀ ŋti Mawu ye hámǝa yomǝ. ¹⁰ Mawu vǝ tiŋ nu i ŋvazun enukǝ ŋnyi egbae i ŋwonù gbalǝ o. ŋvá wɔdɔwi amǝdɔ́dɔ̀ awò sǝǝ lǝ nyɔndodó mǝa, ŋnyi nyǝŋtai wɔdɔá o, Mawu i vǝ̀ tiŋ nu. ¹¹ Yǝ itaɖóá nǝ igbǝnyi àlo enyǝi cà, gbǝ̀fàn ɖǝkaá i mi lǝ dǝ , i yǝ ji i mi kádó. ¹² Ifa kǝ miɖǝgbofan tǝ wófɔ̀n kristo cò amǝkukuwo mǝa, nǝ inyi mɔn i amǝɖoó kpǝtɔ i lǝ nu bǝ woŋ ka fɔn amǝkúkúwo o? ¹³ Nǝ amǝ kúkúwó ŋfɔ̀nǝ̀ oa, wó ŋka mǝnǝ fɔn kristo. ¹⁴ Nǝ̀ wòŋfɔ̀n kristo oa, ǝhun mia gbǝfan ɖǝɖǝdɔa nyi ǝnúgbalé. ¹⁵ Nǝ inyi bǝ amǝkúkú ŋfɔnǝ nyawo oan, i miawo mi lǝ di ɖase bǝ Mawu fɔn kristoá vɔa inyi bǝ ŋfɔɛn óá, ehun mixovi dǝ Mawu si. ¹⁶ Nǝ wó ŋmǝnǝ fɔnǝ̀ amǝkùkùwó óá, ányi bǝ wòŋmǝ fɔ̀n Yesu o. ¹⁷ Nǝ wòŋfɔn Yesu oa, ehun miá xɔsǝ zun nú gbálǝ̀ , i mikpɔtɔ lǝ nuvɔ̀n mǝ ɖɛ. ¹⁸ I amǝkǝ xo Jesu ji se gbɔ̀xò ikùáwócáwo lá crɔn. ¹⁹ Nǝ inyi bǝ agbǝ lá mǝ ɖǝɖǝi mi le kpɔ̀ ǝmɔn nǝ̀ kristo bá , ehun mi a nu ɖu ádonu wu amǝwó ́ see tɔ lǝ xixǝ̀amǝ. ²⁰ Enyɔn dodo i inyi bǝ̀ wofɔn kristo cò amǝkùkùwò domǝ ye i wo fɔn jeŋkɔ nǝ amǝ kuku see. ²¹ Sigbǝmǝ ǝkù tò amǝ ɖǝ́kà pɛ ji ivá xixǝ̀àmǝ enǝa nǝnǝ kǝi fɔnfɔn c tó amǝɖǝ̀kà ji ivá nǝ̀. ²² Sigbǝnǝ amǝwo see ku to adam jia, nǝnǝ kǝi amǝwo lá gbɔ agbǝ̀ tó kristo ji nǝ̀. ²³ Wafɔn amǝsiàmǝ le ye ɖoɖo nu. kristo wófɔ̀n jǝŋkɔ, nǝ itrɔ̀ gbɔvá gaɖǝ mǝa wàfɔ̀n amǝ nyi kristo tɔa wó see. ²⁴ Gànamǝ nuwúouá lá ɖo i Mawu la xo fiɔɖuxòa jǝŋkɔa, kristo la crɔ̀n jiɖuɖu kiɖǝ ŋusǝn ɖǝsiaɖǝ. ²⁵ Dobǝ kristo ɖo lá ɖúji kǝkǝ nǝ Mawu náco yǝ futɔ̀wò dǝ yǝ fɔ gɔmǝ. ²⁶ Enù inyi futɔ̀ kpɛtiá kǝ wó ká crɔ́án. ²⁷ Mawu nyɔ nú bǝ̀: Ecɔ̀ ǝnùwò see dǝ yǝ fɔ gɔmǝ? nǝ wò nù bǝ̀ enùwò see a ye mǝ kɔ bǝ, Mawu kǝ cɔ enuawo dǝ afɔ gɔmǝ nǝ Yesu a yǝ ŋta ŋlǝmǝ o. ²⁸ Nǝ wòcɔ̀ enuawò see dǝ kristoá ye fɔ gɔmǝ jrɔ̀à yǝ ŋtá lá bubɔ dǝ àgɔ̀mǝ̀ nǝ etɔ̀à Mawu ɖǝkɛn ilà ɖu nù ɖǝsiáɖǝ ji. ²⁹ Nukǝi jɔ i ammǝɖoó lǝ lǝ Mawu ci dǝ amǝkúkùwò ta? nǝ amǝ kúkúwó ŋkà fɔn o, nǝ inji mɔn i wo le ci ta nǝ̀wo dǝ amǝkúkúwò ta? ³⁰ I nukǝi jɔ i mi lǝ áfɔkú mǝ ɖɛ gásiá gámǝ̀? ³¹ Nɔviwó miawó inyi tiŋ jijɔ lǝ Jesu miaxotɔá mǝ, mánú nǝ mi, ŋlǝ kù tɛ̀gbɛ̀ɛ̀. ³² Nǝ inyi bǝ lǝ àgbǝ̀tɔ̀wò núkpɔ̀kpɔ́ nu ŋwavú kiɖǝ eran wá dán wó lǝ efeso ǝlǝ kǝi ŋkpɔ̀ lǝ mǝ? Nǝ wóŋkáa? fɔn amǝkúkú wó oa, ǝhun enyɔ kǝ wó nú nǝ̀ bǝ̀: Miná miá ɖunú, nǝ mia nu núa écɔi mikààkúa ̀ lǝ mǝ. ³³ Mi ŋkárɔn nǝ wà brǝmi o nǝ ŋuni nyàtɔ̀ lǝ do xronɔn yǝ háá, yǝca va bu nǝ yǝ ŋunúnyanyá. ³⁴ Mi trɔ̀ bù tamǝ i gbɔjɛn nùvɔn wɔwɔ kɔ, ŋle nunǝ cágbǝ nǝ ŋuna kpǝnmi ɖobǝ amǝɖoó lǝ mian mǝ kǝ ŋnyá enu ɖǝkɛn có Mawu ŋuo . ³⁵ Amǝɖǝka la lǝ ka se bǝ̀: nǝ amǝwó ka fɔn mɔn, i nǝ wó fɔ̀n nǝ wá wɔ ɖɛ mɔn, ŋtiran kǝǝ̀ mǝ i wá fɔ̀n dó? ³⁶ Ǝwo xronɔn! ŋnya bǝ enúkui kǝ wò dóà nǝ̀ ŋnyi nyɔn oa ŋŋ minɔn oa? ³⁷ Ŋnyi enu kǝ ka midoa yei wòdònɔn o, ye kú i wódónɔ̀n sigbǝnǝ̀ bráfókui àlò enukui cúkuvi dǝ̀kà ǝnǝ . ³⁸ Mawu ŋtácɔ̀ nǝ nɔnɔmǝ̀ nǝ̀ enúku kǝ ikà dóá, enúkú ɖǝ̀siàɖǝ kiɖǝ nɔ̀nɔ̀mǝ kǝ lává nɔ si nǝ imia lɛi. ³⁹ Ŋtiran wó see ŋsɔ ò. Agbǝtɔ̀viwó́ ŋtiran lɛ, Eran àfɔ amǝnǝnɔnwó ŋtiran lɛ, xǝviwo kiɖǝ tɔmǝran wò cawò tɔ lɛ, adǝsiaɖǝ kiɖǝ ye tɔ. ⁴⁰ Jiŋkui nùwó ŋtiran lɛ i anyigbán jitɔwó cáwó lɛ. Jiŋkúi núiwo ŋtikɔkɔ kiɖǝ sigbǝnǝ wó nyánǝ́ kpɔ̀kp̀á tóvò nǝ̀ anyigban ji núwó. ⁴¹ Sigbǝnǝ nyindɔn tóvó nǝ wrǝtiá nǝ̀nǝ̀ kǝi wtrǝtiviwó cawó tòvò nǝ nɔvià tɔ. ɔ ⁴² Nǝnǝ tútútú i amǝ kúkúwo fɔ̀nfɔ̀án káá nɔn nǝ. Nǝ̀ wò ɖi ŋtiran, a nyinyɔn vɔ́á nǝ́ wó fɔ̀ɛan, ŋkagbǝ dànǝn ɖɛ o. ⁴³ Gbɔ̀xò nǝ wiɖi ŋtiran, ŋnyánǝ kpɔ́kpɔ́ o i ŋusǝn dǝkɛn ŋnɔnǝ ŋú o. vɔ̀à nǝ wó fɔɛán, ŋùsǝn ɖo nɛn i inyánǝ̀ kpɔ̀kpɔ̀. ⁴⁴ Wóɖinǝ ŋtiran kǝ mi kpɔnǝ̀ dǝ̀ dò mǝ vɔ́á nǝ̀ wòfɔ̀ɛan, enyinǝ̀ gbɔngbɔnmǝ ŋtiran cá lɛ. ⁴⁵ Ye idɔ i maurinyɔn nú bǝ̀: Adàm kǝ nyi amǝ jeŋkɔtɔa va trɔzun amǝ àgbǝ̀àgbǝ̀. vɔ̀à ádàm ciŋgbǝ̀tɔa vá trɔ̀ zun àgbǝ gbɔngbɔn. ⁴⁶ Ŋnyi gbɔngbɔn mǝ tɔa i vá jǝŋkɔó ŋtiranmǝ tɔ ai vá gbɔ̀xó i gbɔngbɔn mǝ tɔa va. ⁴⁷ Ekó i woseŋ wo amǝ kǝ̀lǝ̀ kǝ̀lǝ̀ tɔa fútukó ɖǝɖǝsi vɔ́á amǝ vǝatɔ́á ya có jiŋkui. ⁴⁸ Amǝkǝ lǝ anyigban jiawó wɔ wó kiɖǝ ǝkó , i amǝkǝ lǝ jiŋkuiá wó wɔɖǝ sigbǝ jiŋkui tɔ̀wò enǝ. ⁴⁹ Si gbǝnǝ miwo anyigban ji tɔ̀à ̀ yǝ nɔnɔmǝ ɖɛá miává wɔ jiŋkúi tɔ̀á cá tɔ dɛ́. ⁵⁰ Nɔnvinyɛnwó ǝ̀nu kǝ ŋlǝ̀ nu nɛ̀n mian i nyi bǝ ŋutiran kidǝ̀ ǝ̀hun ŋka tǝŋ yi dǝ mawu fiɔduxɔáwó ǝ̀zan nu dutɔ ŋta tǝŋ nɔn ǝ̀zan nju madutɔ gbɔ ó. ⁵¹ Mikpɔ Mawu ǝnyɔn wawra. ɖǝka nɛn mi: mi ŋka ku sééé ó vɔ̀a mian nɔnɔnmɛnwó atrɔ sééé. ⁵² Zǝɖǝka lǝ aɖaba xoxo ɖǝ̀ka mɛn an, woaku ǝkpin kpɔtia kpǝtia i amɛn kúkúawó áfɔ̀n i zun ǝnu madahin, i wóá ɖɔ ɔ mia nɔnɔnmɛn. ⁵³ Ɖóá wó dólá cɔ nɔnɔmɛn madahun sǝ́ dalǝ̀ nɔnɔmɛn dahindahin toho i cɔ nɔnɔnmɛn makumaku á sǝ̀ dalǝ̀ nɔnɔmɛn kuku yǝ̀ toho. ⁵⁴ Nɛn wó cɔ nɔnɔnmɛn kǝ ŋdanɛn nin an ó sǝdǝ̀ kǝ̀ danɛnhin an toho, i cɔ nɔnɔnmɛn kǝ ŋkunɛn an ó sǝdǝ̀ kǝ̀ kunɛn an toho à Mawu nyɔn i lá va mɛn woɖu ǝ̀ku ji gbidigbidi i jiɖuɖu bribo va ɖo. ⁵⁵ Oo ǝ́hu fi i tɔɔji ɖuɖua lǝ? oo ǝku fi i tɔɔkpo lǝ? ⁵⁶ Ǝku yǝ kpo i nyi nuvɔn i nuvɔn inyi ǝsǝá. ⁵⁷ Àkpǝ̀ i mi cɔ̀ nɛn Mawu, kǝ nan nɛn mi jiɖuɖu có́ mia xotɔ Yesu kristo mɛn. ⁵⁸ Yǝ i jɔá, ́ nɔnuinyɛnwó , mi nɔntǝ sinŋsinŋ i mi ŋka vɔn gbǝdǝ o. Mido vǝ̀vǝ̀ àxotɔa yǝ do lǝ ǝ̀dɔ wɔwɔmɛn. Mi ɖoŋuin bǝ ǝdɔ kǝ miwɔ nɛn axotɔá ŋnyi ǝ̀dɔ gbalé ò.