¹ Etsi Yesu to enyɔn yɛ wo kpata nɔn amɔnwo vɔlɔ edjo yi kapernaum. ² Yi ahuafiɔ ɖe yio amɛn gbɔnɔnvi, tsi amɛn xɔasi ni lɔ, djedɔ kaka dji be yea ku. ³ Etsi yi ese Yesu yio nyikɔa edɔ Yudatɔwo yio amɛnganwo ɖo ɖa egbɔ yi ɖe kuku ni be ne va xɔ nɛ yio amegbɔnɔvie lɔ. ⁴ Yi wo kpata, tsi wova Yesu gbɔ lɔ, wo ɖe kuku to ni be: enyɔnbe nanwa eyɛ nyi. ⁵ Ɖoŋtsia elɔn miɔ dukɔn lɔ yi ŋtɔ ke u miɔ hanɔxoe lɔ, nɔn mi. ⁶ Yi Yesu yi kuɖowo, ke etsi yi kuɖo yio xoe domɛ ŋdedjidjio a, ahuagalɔ dɔ yio hadoolo ɖoɖo gbɔ toni be: Axoetɔ, ŋugbe ɖo nuxo nɛ ɖokuiwo o, ɖoŋtsi nyɛŋdé djé tété bé na va axiŋ xomɛ o. ⁷ Ɖoŋtsia nyɛn ŋɖe kpɔ ɖokuinyɛŋ be ŋsɔgbe nɛ man va gbɔwo ke to enyɔ ɖeka pɛɛ nu kpɔnɛ axu mɛ gbɔnɔvia lɔ nɛ Yahowa. ⁸ Ɖoŋtsia nyɛ tsan ŋunyi amɛ le ɖokuinyɛ sinu, yi ɖumɛ mɛganwo le axiŋ kpɔkplɔ te, yi sɔdjawo tsan le gbɔnyɛn, yi nɛnŋtonɛ amɛn bu be yi lɔ, eyi nɔn, yi nɛ axuŋ amɛ gbɔnɔviɛ lɔ be wɔ eyɛ lɔ yi wɔ ni. ⁹ Yi etsi etsi Yesu se eenyɛwoa, yo ŋmɛn wɔ yaa yi etsi trɔ lɔ, etonɛ amɛ tsiwoe dje yomɛ ni lɔ be: ŋle totoɔ nɛn mi be: le Israel ŋtɔ tsan nyɛ ŋde kpɔ xose yɛ tɔgbe kpɔ o. ¹⁰ Yi etsi amɛ tsiwoe edɔwo, djo yi axoe lɔ, wokpɔɛ be, amɛ lɔ kpɔ dɔyɔyɔ. ¹¹ Yi etsi ŋke lɔ yi ɖo edu tsi wo yɔ nɔn be Nain lɔ mɛ yi yo nusrɔtɔ gbogboɖe wo ku amɛhaganɖe tsan. ¹² Etsi yi gogo yo gbodjia, kpɔɖa wo sɔ amɛ kuku ɖe tsi nyiŋ ennɔn lɔ yo mɛgbɔnɔvi ahosi dogoe, yi ɖuamɛtɔ gbogboɖewo kpe ɖoŋtsi. ¹³ Etsi axoetɔa lɔ kpɔ ahosia lɔ, yio domɛ trɔ ɖo ŋutsi yi nu ni be ŋgbe fanvio. ¹⁴ Yi etsi yi va gbɔ a esɔ alɔ tɔ aɖaka lɔ ŋutsi; yi amɛ tsiwoe droe lɔ tɔte, yí nu ni be: ŋusuvi yɛ fɔ. ¹⁵ Yi amɛ kukua lɔfɔ nɔa anyi, yi tɔ nuxo xoxo, yi sɔɛ na nɔlɔ. ¹⁶ Yi vɔvɔ ɖo amɛsiamɛ, yi wosɔ kafukafu na Mawu nu be: nyanuɖɛ tɔ ganɖe tɔte le mia domɛ, yi Mawu va dji yio dukɔa kpɔ. ¹⁷ Yi enyɔ yɛ ɖi hoo so ŋuti le Yuda bliboa ku yo nutoawo kpatamɛ. ¹⁸ Yi Yohanɛs yio nusrɔtɔwo va egbɔ nu nyɔ wo kpata ni. ¹⁹ Yi Yohanes yɔamɛ ve le yio nusrɔtɔwo mɛ, yi dɔwo ɖoɖo Yesu gbɔ be: wo nɛ yi to ni be: ewo yi nyi amɛ tsi toɔ wo le be ela va alo mi la tɔte kpɔ kpɔ amɛ bua? ²⁰ Yi etsi ŋusuawo va gbɔ a, wo nu be: Yohanes ame nyrɔntɔ yi dɔn mi ɖoɖa gbɔ be: ewo yi nyi amɛ tsi dja va aloo amɛ bu ya. ²¹ Yi le yaxoxo xɔn mɛa, Yesu ɖadɔ nɛ amɛ gbogboɖewo, Yuɖatɔwo ku amɛ tsi wom gbɛɔgbɔ baɖawo lea, yi na ŋku gbangbantɔ gbogbo ɖewo kpɔnu. ²² Yi Yesu ɖoŋu, to nɔwo be: Midjoyi nɛ mia to nutsi mikpɔ kudo nutsi misea fiɔ amewo. Yohanes be: enumakpɔtɔwo le nu kpɔɔ, Matakliwo site, yi kponɔwo ŋutsi ziɔn, yi numasetɔwo le nuseŋ, yi amekukuwo le fɔfɔɔ yi wo kpata wo le nyɔnyuia lɔ kankanɔ. ²³ Yayratɔ yi nyi amɛ tsi ŋtsi ŋde bu xɔse le ŋtsinyɛ o a. ²⁴ Yi etsi Yohanes yio amɛdɔdɔwo djo yiɔ lɔ, etɔ nunu nɛ amɛ hahoawo le Yohanɛs ŋutsi be: ŋde kpɔgbe mi yí le gbeadji? Alo atsi ti le aya xowa ya?. ²⁵ Alo ŋude ŋutɔ tutu kpɔgbe mi yi? alo amɛtsi ɖo awu bɔbɔa yɔa? kpɔ, amɛtsiwoe le awu wuandanwuandan mɛ a. ²⁶ Ke xɔa ŋde mi vɛ le kpɔkpɔ nyɔnuɖɛtɔa ya? ƐƐ ŋle nunuɔ nɛ mi be: Ewu nyɔnuɖɛ tɔ tsan. ²⁷ Eyɛ yi nyi amɛ tsiŋtsi ŋnɔnɔ nyɔ lɔ nuɔ nɛ mi ɖo be: kpɔ? ŋle axuŋtɔ ɖowɔtɔ, dɔɔ ɖoɖa ŋkɔ nɔ wó. ²⁸ Ŋle totoɔ nɛ mi be: Amɛtsiwo kpata nyi nyɔnutɔ djidjiwo lɔ, wo ŋde wugan Yohanɛs o, yi amɛtsi nyi vitukuitɔ le Mawu fiɔɖuxoeɛ mɛ lɔ le ŋkɔ ni. ²⁹ Etsi dukɔa kpata kudo nudjɔtɔwo se lɔ wo so nyɔ djɔɛ nɛ Mawu, yi wona wo sɔ Yohanes yio amɛ nyɔnyrɔ nyrɔ wo. ³⁰ Vɔa Farisiatɔwo kudo Esenyatɔ yi wó gbe be yo ŋdé axɔ amɛnyɔnyrɔn so égbɔ wa, yi gbe enu le Mawu yo djia tsan gbɔɔ. ³¹ Amɛŋde tututu mila soɛ so ku fifɛ? yi amɛ ŋde mila teŋ soɛ be éɖi? ³² Wóle sigbe ɖevi yi wónɔn anyi le asidomɛ yi wole axua ɖoɔ ne wó nɔn nɔɛn be: Eyi mile ekpɛn lɔ ku wa, mí ŋde ɖu exue o! Yi eyi mile ŋzizi yo eha dji wa, miɖe fan avi o. ³³ Ɖo nutsi ŋutsia Yohanes amɛnyrɔtɔ lɔ va ŋde ɖu no kpɔnɔ o, yi ŋde nu aha tsan tete o, ŋde minu viɛ: gbɔngbɔn vɔɛɖi yi lemɛ. ³⁴ Amɛgbetɔvilɔ va, éɖu nu, énu nu, yi mile axua doɔ be: Enuɖutɔ, ahanutɔ takɔɛdjɔtɔwo, kudo agbe baɖanɔntowo yo xon lɔn. ³⁵ Voa Mawu yo sidjedjea lɔyɛ le viɔwo be kodjo me. ³⁶ Yi Farisitɔ ɖe yɔe be yea va ɖunu kudo ye yi etsi eyi ɖo farisitɔ lɔ yio xomɛ lɔ, enanyi ɖo ekplɔ̀ ŋutsi. ³⁷ Yi kpɔɖa nuvɔwɔtɔ ɖe so dua mɛ, yi etsi wo nyi be ele Farisitɔlɔ yio xomɛ lɔ, esɔ ego tsi mɛ ami huɛnhuɛn lɔ va. ³⁸ Yi etɔte ɖo yio ŋugbedomɛ ɖo yio afɔnu yi le avi faŋ, yi etɔ aɖasi ŋɛŋɛ koŋkoŋ ɖo yio afɔwo dji, yi etutui kudo eɖa tsi le ta ni lɔ, yii egbigbɔ yio afɔwo ŋutsi, yi esɔ amilɔ sɔsi nɔwo. ³⁹ Ke etsi Farisitɔ tsi yɔe va va, kpɔ nutsi le djɔdjɔ lɔ, enu le yio djimɛ be: amɛ yɛ ɖe, nyɔnu detɔ yi nyi elanya amɛtsi kuɖo amɛtsi Pomɛvi yi nyi le alɔ da do yedji; ɖoŋtsia nuvɔwo yi nyi. ⁴⁰ Yi Yesu xɔdji se to ni be: Simon nya ɖe le asi nyɛ be Mato nɔ wó, yi to be: Nufiɔtɔ toe. ⁴¹ Fɛnɖutɔ eve le axoetɔ ɖeka si amɛɖeka ɖu fɛn milion mamamɛ, eve gɔa eɖu fɛ ega koto katsiwo. ⁴² Etsi ŋɖekpekpe ŋde le wosi woa sɔ sɔtu fɛn oa, esɔ kewo amɛ evea kpata fifiɛa woomɛtɔ ŋde le amɛ evea womɛn la lɔɛn sɔwu? ⁴³ Simon ɖoŋutsi ni be: ametsi xɔga wu yɔ yi Yesu to ni be wowɔ nyɔmɛsoso adodoea. ⁴⁴ Yi etsi trɔkpɔ nyɔ nua gbɔa, etɔnɛ Simon be: ole nyɔnu yɛ kpɔwɔa? Tsi ŋuva axo xomɛa, ŋde naŋ si be ma sɔ klɔ afɔ o. Yi yɛ lɔ, fan avikɔɖo afɔdjinuŋ, yi sɔ yio ɖa tutu afɔnuŋ. ⁴⁵ Ŋde gbigbɔn nu nuŋo, ke yɛ so gatsi mɛ yi va axoe lɔ mɛ lɔ, ŋdetrɔ le asciɛn afɔwo gbigbɔgbigbɔ yo mɛ o. ⁴⁶ Ŋde kɔ ami ɖo ta nuŋ o. Ke yɛ sɔ ami kɔɖa axuŋ afɔwo dji. ⁴⁷ Yi ŋtsia ŋle totoɔ nɔ be: wosɔ yo nuvɔ kpata sɔkewó ɖoŋtia élɔŋ gbogboɖe. Vɔa amɛtsi wo sɔ nuvitukui ɖe kea, nu vitukui kpo élɔnɔ, yi amɛtsi wosɔ nu gangan kea, nugangan kpo élɔnɔ. ⁴⁸ Yi eto ni be: wosɔ axo nuvɔ wo ke wó. ⁴⁹ Zeɖeka amɛtsiwoe nɔ kplɔa ŋtsi kudoe lɔ, toto le wo ɖokuiwo mɛ be: mɛŋde nyi yɛɛ, tsi sɔnɔ nuvɔwo tan sɔ kenɔn? ⁵⁰ Yi tonɛ nyɔnuan be: axo xose ɖe wó, djoyi le ŋtsifafa mɛ.