¹ Eva vamɛn be Sabat evegɔnɔ tsikplɔ tutugbɔntɔlɔ do a Yesu to azi gbleɛwomɛn le yiyiwɔ, yi yio nukplantɔ wo ho aziɛwo, kudo wo alɔwɔ le duduwo. ² Ke pharisienwo tonɔnwo be: Ŋdeŋti miwa enutsi woŋdé wanɔn le Sabat ? ³ Yesu doŋtsi nɔnwo be: Alo miŋhlɛn enutsi David wa, etsi adɔwu ye kudo amɛntsiwoe kpédoŋtsi o. ⁴ Letsi David yi tsɔtsixɔmɛn vɛsɔ bolo du, yi nan amɛn tsiwo kpedoŋtsi tsan, tsi woŋde demɔn be, wa du o lɔ, nɛn glo a ŋkɔtsiwo kpoe a? ⁵ Yi tonɔŋⱳɔ be: Agbetɔ yinyi amɛngan nɔn Sabat. ⁶ Yi vamɛn le Sabat bugbe be, Yesu yi afitsi amɔn bɔnɔndo lɔ, be ya fianu, yi kpɔ ŋsu deka lexɔn alɔ dunu yitɔ djetsi. ⁷ Ke lexɔn a womanyatɔwo kudo Pharisienwo le kpɔkpɛwɔ be, alo edjavɛ dadɔ nyi le Sabat di a, be nɛn yewo asɔ enyɔn nyi. ⁸ Vɔ a Yesu nyan wo tamɛnsusuwo, yito nɔn ŋsu tsi alɔ djtsi nan be: Tsite, navɛnɔnte do dodomɛn. Yivɛ nɔnte. ⁹ Yesu tonɔnwo be: Mabiɔmiselo: Emɔndede le be, wawɔ enunyui alo nuvɔn le Sabat dji a, be wade agbe a alo watsrɔn mɛn ? ¹⁰ Yi kpɔwo kpata kaka, tonyi be:vlu alɔ tɔwo! yi vlu, yi yio alɔ trɔdjɔ nyuide. ¹¹ Lexɔn a wo bidji, yi wole nuxoxowɔ le wonɔn nuiwomɛn be nde yewo lawa non Yesu mɛn? ¹² Le gaxoxo xɔnmɛn a, Yesu yi etadi vɛ dogbeda nɔn Mawu le ezan bliboɔ́ kpatamɛn. ¹³ Etsi eŋke vɔa eyɔ yio nukplantɔwo va yidekui gbɔ, yi tsan amɛn amɛnwueve le womɛn, yi donɔnwo be Apostolawo. ¹⁴ Simon tsi woyɔ be piyɛ, Andre, yio nɔnvi, Jacques, Jean, Philippe, Barthelemy, ¹⁵ Matthieu, Thomas, Jacaues, Alphée eviɛlɔ, Simon, tsiwo yɔnɔn be Zelote, ¹⁶ Jude, Jacques viɛlɔ, kudo Judas Iscariot tsi vatrɔ amɛngan. ¹⁷ Edi kuwo, vatɔte do gbadjadi fitiyi yio nukplantɔwo kudo amɛn gbogbodewo tsi so Judeé, Jerusalem, kude Tyr kudo Sidon. Wo va be yewo avase enyɔn lɔ nɛn ya dadɔ nɔn yewo le wo dodjedjewo mɛn. ¹⁸ Yida dɔ nɔn amɛn tsiwo gbɔngbɔn badawo le nusco dawɔnɔn. ¹⁹ Yi amɔn kpata dibe, yewa talɔɛ, doŋtsia ŋsɛn le totowɔ le mɛn, le edɔdawɔ nɔn wo kpata. ²⁰ Exɔn zedeka Yesu hun ŋkuvi tonɔn yio nukplantɔwo be: Mawu la yrami amɛndahɛnwo, doŋtsia miantɔ yi nyi dipofiaduxuɛ. ²¹ Wo la yra mian amɛn tsiwo sive le tsitsiwɔ vɔ, fifiɛlɔ mi la dɔ xodo. Wo yra mia mɛn tsiwoe le avifanwo tsan fifia mi la konu. ²² Wo yrami nɔn amɛnɗe la xami, yi yila demito le yio hamɛn, yi yila zumi, yi la sɔ mian nyikɔ sɔdanŋ gbe do Yesu ŋtsi. ²³ Edji la djɔ mi le ŋkeke xɔn mɛn, nɔn mian djo kpoo, elesibe mian fɛntu lolole djipo mɛnnɛn ke wo tɔ wo donɔn kodjo! ²⁴ Vɔ a babade nɔn mia gatɔwo, ele sibe mikpɔ mia akɔnfatɔlɔ xoxo. ²⁵ Babade nɔn mia amɛn tsiwoe dɔxodo, mianyan be sive la vatsimi, babade nɔn mia amɛn tsiwo le enukowo egbɛlɔ, mia nyanbe yeolava fankui, yi mila va fanvi. ²⁶ Babade nɔn mi, nɛn amɔnwo keŋkeŋ xonuxo nyui so mianŋtsi, nɛn nɛnke wo tɔwo wanɔn nɔn amɛn tsiwoe nyi nyɔnnudɛtɔ adjedatɔwo. ²⁷ Ke mian, mɛn tsiwoe le etodowɔlɔ miwa nunyui nɔn amɛn tsiwoe denɔn vui nɔn mi, nɔn mia lɔnwo, ²⁸ Miyra amɛn tsiwo xonɔnfi domi, mido gbeda do tanɔn mɛntsiwoe xonɔndi mi. ²⁹ Amɛntsi xotomɛn deka nɔnlɔ, trɔ vegɔn nyi, yi nɔn amɛnde sɔ awu tɔwolɔ, ŋgbe gbebe ŋgbesɔ yeo do o. ³⁰ Nanu amɛntsiwo kpata biɔnɔn nu, nɔn amɛn de sɔnutɔ wo lɔ, ŋgbe biɔ. ³¹ Yi letsi midibe amɔn nɛn wanɔn yewolɔ, miɔntsan mia wa nɔnwo nɛnnɛn. ³² Yi nɔn milɔn amɛn tsiwoe lɔ milɔ, akpedodo ŋde le nɔn mi? nɛnnɛn ke nubadawatɔwo tsan wa nɔn nɛn. ³³ Elebe nɛn mi wa nunyui nɔn amɛntsiwoe wanɔn nunyui nɔn milɔ, akpedodo ŋde le nɔn mi? Nubadawatɔwo tsan wanɔn nɛn nɛn. ³⁴ Yi nɔn midonu nɔn amɔnwo, vɔ yi migbele ŋkuvi duiwo be yeo agbe xɔɛ de akpedodo ŋde le nɔn mi? Nubadawatɔwo tsan donɔn nu nɔn, nubadawatɔwo, be yewo agbeva wɔ enu xɔnke. ³⁵ Ganke milɔn mian ketɔwo, nɔn miawa nunyui, midonu, miŋgbe doŋkuvi doŋtsi be yeo agbe xɔɛ, kexɔna mian fɛntu la klo, yi milanyi amɛngan, doŋtsi a enyɔn nɔn akpemadotɔwo kudo enubadawatɔwo. ³⁶ Mitrɔzun ŋzizikutɔwo, sibe lɛtsi miatɔ tsan nyi ŋzizikutɔ nɛnnɛn. ³⁷ Miŋbe drɔhɔn nuo, yiwo ŋgbe drɔhɔn nu mio! Miŋgbe bufɔn amɛn, yi woŋgbe bufɔn mio, mitasi amɔnwo, nɔn wa tasi mi. ³⁸ Minanu amɔwo, kexɔn a Mawu tsan lanan mi, wolakunu adodui kɔdo miakpowo mɛn yi la sugbɔ lakɔŋgbe, dolɔ kpogban tsi wosɔdo nuɔlɔ yike wolasɔ duinɔn ³⁹ Yidolo tsan nɔn wobe: Ŋkuvi gbangbantɔ lateŋ kplɔ ŋkuvigbangbantɔ a? Alo wamɛn eveɛ kpata nan djé edomɛn o? ⁴⁰ Enukplanvi ŋde wunɔngan yio tsitsa o, ke amɛnsiamɛn tsiwo kplan nyuide lɔ, la nɔn sibe yio tsitsa. ⁴¹ Ke ŋdeŋtsi wokpɔ ati fɛnfɛn tsile nɔnviwo yio ŋkuvidji, yi ŋdekpɔ nɔn atsikpo gangan tsile ŋkɔ nɔn wo? ⁴² Lede wolawa atonɔn nɔnviwo be: Nɛn goo nɛn yade ati fɛnfɛn le ŋkuvidji nyi etsi woŋtɔ ŋde kpɔ atsikpo tsi le ŋkɔ nɔn wo? Adjedatɔ, de atsikpo le ŋkuvitɔwo dji tutugbɔn ke xɔna nankpɔnyuide, gbɔxoe abe yade atsifɛnfɛn, tsile nɔnviwo yio ŋkuvidji. ⁴³ Yiŋtsia, atsi nyui ŋde sɛn nɔnku manyɔn manyɔn, nɛnnɛn ke tsi manyɔn manyɔn ŋde sɛn nɔn eku nyui o. ⁴⁴ Elebe atsi desiade ŋtɔ yio kusɛnsɛn wosɔ djenɔnsi, nɛnnɛn woŋde gbɛnnɔn gbabɛ le mangotidji o, alo woŋde sonɔn rɛsɛntsi le aŋdjamɛno. ⁴⁵ Amɛnnyui denɔn nu nyuiwo tole nunyui djrado gomɛn. Amɛnbada denɔn nubada tole nubada wlaxue, doanɔn enulɔ wugan di nɔnwa, enu la tui. ⁴⁶ Ŋdewa mile yɔyɔ ŋwɔ be: Axoetɔ, Axoetɔ, vɔyi miŋde le wawawɔ do ese tsinyɛn wodji o mɛn ? ⁴⁷ Amɛnsiamɛn, tsiva gbɔnyɛn yi, yise enyɔn tsinyɛnwo, yiwado wodji lɔ, nan fianvi, amɛntsi yinyi. ⁴⁸ Edi amɛn deka, mɛn tsile exɔtuwɔ, amɛn tsi kudo gangan globotsi, tsito nyuide yi do gɔn mɛn dokpeɛ doegbegbadjadji, tsi esi dɔ vayi exɔxɔn ŋtsilɔ, ŋdetɛnŋ muo, doa wotui nyuide. ⁴⁹ Ke mɛn tsiyi senyi, vɔŋde wanɔn dodjiwolɔ edi amɛn deka, tsi tuxɔ do anyigban, yiŋdé do gɔnmɛn do kpe anyi o, yi esi dɔ va gɔnmɛn nyi yi muzede ka, yi exɔ xɔn mumudinɔn gbo.