¹ Yi le ŋkeke wo domɛtɔ ɖeka dji tsi yi wòle nufiɔ, yi wole Mawunyɔ nuɔ nɛ dukɔan, eva va mɛ be, ŋkɔnɔtɔ ganwo ku womafiɔtɔwo kudo amɛganwo va wogbɔ. ² Yi wo nu ni be: ɖe mɛ nɛ mi, ŋusɛn ŋde wo sɔwɔ nuyɛ wo ? alo mɛɖé yi sɔ ŋusɛn ye nɔ? ³ Yi yiɖo ŋtsi, nu nɔ wo be: ŋtsan na biɔ mi nyan ɖeka: ne mia do ŋutsi nu. ⁴ Yohanes yo mennyrɔnyrɔɖo tɔmɛa, mɛɖe gbɔ yi so alo djilo yia ? ⁵ Yi woawo yɛ, woɖebla le wo nɔnɔɛ womɛ nu be: Ne mi nu be: Djilo yi soa, ela to be, ke xɔŋa ŋde ŋuti mi ŋde xɔ edji se o ? ⁶ Ke ne mi to be: Amewo gbɔ yi soa, kexɔan dukɔan keŋkeŋ la xokpe mi, ele sigbe wo kanɖo dji be Yohanes, nyɔduɖetɔ yi nyi. ⁷ Yi woɖo ŋutsi be: yewo ŋde nyan yio soxoeo. ⁸ Yi Yesu nu nɔwo be: kexɔan nyɛ tsan nyɛ ŋde dja to axiɛn ŋusen yo djɔsoxoea nɛ mio. ⁹ Yi le elo yɛ doɔ nɛ dukɔa be: ameɖe de wuanyigble, le yo mɔdji yiyi mɛa, esɔ agblea do alɔ mɛ nɛn agbledetɔ ɖewo sɔ na xoe gbogbo ɖewo. ¹⁰ Le gaxoxo nyui toa mɛa, axoetsa dɔ yo dɔsɔvi ɖeka ɖo ɖa wogbɔ be: wo nɛ so agble nuku ɖewo ɖoɖa ye, lexa yo gbledetɔwo xo amedɔdɔ a y wo ɖoe ɔɖa alɔ gbalo. ¹¹ Yii gbedɔ dɔsɔvi bu ɖoɖa wo ke, yi wo gbe xo yitsan, yi wo doe ŋkpɛn, yi wodoe alɔ gbalo. ¹² Yi ame dɔdɔ etɔn gɔa tsan va wogbɔ, etsi wo doe afɔku yi wo kɔɛ danŋgbea. ¹³ Agbletsa ŋtɔ nu le yiɖokui mɛ be: ŋde yi na wɔ ? Na dɔn evinyɛ lɔlɔtɔa ɖoɖa, yi wola vɔ yo ŋkumɛ. ¹⁴ Etsi agbledetɔwo kpɔ devia, wo tɔ susu ɖoɖo le wo nɔnɔɛ mɛ be: deviyɛ yi dja va ɖu etɔ nɛ agble yɛ kexɔan mia wui ne agblea atrɔzu miatɔ. ¹⁵ Yi etsi wo koɛ angbe do agblea to mɛ yi wo wuia. Fifiɛ ŋde wuanyi gbletɔalɔ la va wɔ ʔ ¹⁶ Ela va, yi la wu agbledetɔ yɛ wo keŋkeŋ, asɔ agblea do alɔmɛ nɛ agbledetɔ buwo. Ke etsi wo se eyɛa, wo nu be: Adjé, ŋde djadjɔ o ! ¹⁷ Yi yikpɔ wo duŋ nu nɔwo be: ŋde ŋtɔ nyi yɛ woŋlɔ dɛ be: kpe tsi xɔtutuwo gbea, yi trɔzuŋ zogoɛn djikpéa ? ¹⁸ Amɛsiamɛ tsi la dje ekpe xɔn djia ela ŋɛn gudugudu, yi ametsi dji yi la djea, ela tuku biɖibiɖi. ¹⁹ Yi womaŋlɔtɔwo ku ŋkɔnɔtɔ ganwo dji beyewo ale le gaxoxo xɔmɛ, vɔa wo vɔ dukɔa, ɖo ŋutsia, wo doe djesi be yewo nutsi yi do layɛ ɖo. ²⁰ Yi wo le eɖia, yi wo dɔn amɛɖiatɔwo, be nɛ egbe nunyɔ de tsi ŋde djedji nɔwo kpoa, woale yi nɛ fiɔ. ²¹ Yi wo bisɛ le totoɔ ni be: Nufiɔtɔ mi nya be wó nunɔ nya, wó gbé fiɔnɔ Mawu yo mɔa le letsɩ ŋlɔŋlɔ kɔkoea toe nɛ nɛ. ²² Mɔ ɖeɖe le be mia wɔ nunana nɛ Kaisaro alo mi ŋde dja teŋ oa ? ²³ Yi etsi yi do djesi wó tamɛ susu baɖa woa, enunɔ wo be: ŋde wɔ mi le dodkpɔ wo nu ? ²⁴ Mi sɔ kpɔtoɛ a yo domɛtɔ deka so fiɔm, nutata ku ŋɔŋlɔn tsiŋde le dji ? yi to be: Kaizaro tɔ yɔ. ²⁵ Yi eyɛ ŋutsi yi nunɔwa be: nutsi nyi Kaizaro tɔ lɔ, misɔ niŋ yi Mawu tɔ tsan nɛ va nɛ Mawu ! ²⁶ Yi le dukɔa yo ŋukumɛa, wo de teŋ lee le yo nya wo mɛ o, keboŋ, yio doŋutia tsakawo, yi enu tsan ku nɔwo. ²⁷ Zedeka Zadukitɔwo tsi wo yi site ku tukaɖa ɖo amɛ kuku wo fɔfɔ ŋutsi va biɔɛ be: ²⁸ Nufiɔtɔ, Mose ŋlɔɛ daɖɛ nɛ mi be: nɛ amɛɖe tsi nɔvialɔ ŋusu yo srɔ ku yi ŋde gble ɖeviwo daɖɛoa, nɔvia laɖe srɔa, yí la do xomɛ ɖɛ nɛ nɔvia . ²⁹ Fifiɛ, nɔvi amandrɛn le, yi tsi tutugbɔtɔa ɖe srɔ yi kua, ŋde gble ɖeviwo dadɛ o, ³⁰ yi evegɔa ku etɔngɔa tsan ³¹ Yi nɛnɛ woamɛ andrɛn kpata wo ŋde gble deviwo daɖe o, yi wo ku. ³² Yio ŋgbodomɛa nyɔnua tsa ku. ³³ Fifiɛ le amɛ kukuwo fɔfɔmɛa, wo domɛ tɔ tsi ŋde tɔla nyi nyɔnua, ŋtsiŋtsia wo amɛ andrɛn keŋkeŋ wo ɖe nyɔnu xɔn deka kpɔ vayi. ³⁴ Yesu ɖoŋuti nɔ wo be: Gaxoxo yɛ me yio ɖeviwo sɔnɔ wo nɔnɔɛwo nanɔ yi wo ɖenɔ. ³⁵ Amɛntsin woe la kpɔ gomɛ le xixe yɛ ku amekukuwo fɔfɔ mɛa woe nyi amɛtsiwoe ŋde ɖe srɔ oa ku amɛtsi wo yi ŋde sɔnɔ wo nɔnɔwo nanɔ oa, ³⁶ ŋtsiŋtsia wo ŋde djagbeteŋ kuo, ɖo ŋtsia wo le sigbe mawudɔlawo nɛnɛ yi wo nyi Mawu ku yo amekukuwo fɔfɔ viwo. ³⁷ Ke nɛ amɛ kukuwo tsitea, le aŋudjawea gbɔa, Mose tsan ɖe fiɔn wo etsi yiyɔ Apetɔa be: «Abraham yo Mawu ku Isak yo Mawu ku Yakob yo Mawu» ³⁸ Ke Mawua ŋde nyi ame kukuwo Mawu o, boŋ ame agbeagbewó Mawu yi yinyi, ŋtsiŋutsia wo kpata wole agbe ni. ³⁹ yi womafiɔtɔ ɖeka xɔ nya le totoɔ be: Nufiɔtɔ wó nui nyuɛɖe. ⁴⁰ Yi woŋdegbe dji be yéwoabiɔ nyan ɖekpekpe o. ⁴¹ Yi to nɔwo be: ŋdewo mi nunɔ be: David yo vi yi nyi Kristo ? ⁴² Yi David ŋtɔ nu le Psalmo yo woma mɛ be: Axoetɔa nunɛ axɛŋ xoetɔ be: bɔbɔ nanyi ɖo axɛŋ ɖusimɛ. ⁴³ Vasɛɖo gaxoxo tsi mɛ na sɔ axo kɛntɔwo sɔwɔ axo afɔɖodjinu. ⁴⁴ Fifiɛ ne David yɔni be Axoetɔa ŋde wɔ yi nyi evia mɛɛn ? ⁴⁵ Ke etsi dukɔa kpata le toɖoɔ mia, enunɛ nufiɔtɔwo be: ⁴⁶ Mikpɔ mia ɖokoe dji nyuɛɖe le womafiɔtɔwo ŋutsi, ameyɛwo lɔnɔ tsantsan wɔwɔ le awu vlayawo mɛ ku gbedodonamɛ mɛ le gbandomɛwo ku texoe tutugbantɔ nɔnɔ le nuɖuxoewo, ⁴⁷ amɛ tsiwo kankanɔ ahosiwo wó axoewo yi wo nɔnɔ koe faŋ djidjiwo wɔɔ, amexɔn wo yi wo la dɔn tona sɛnsɛnɖe wu.