¹ Tsinɛ Yesu yi yeriko lɔ, eto edua dodomɛ sɔyi. ² Yi kpɔ nusude tsi woyɔnɔ be zaxeo tsi nyi gatɔ, enudjɔtɔ yo amɛgan djibe yakpɔ Yesu. ³ Ganke ŋde kpeŋtsio sɔkudo amɛhahoɔ ŋtsi kudo agbokpoevi tsinɛ yinyia ŋtsi. ⁴ Exudu yi ŋkɔ, yi yilia gbovitsiade dji benɛ ya kpɔɛ, doŋtsi edola to xɔn. ⁵ Tsinɛ Yesu do xɔn lɔ, ekɔ ŋmɛ yidji yi nu nú be: Zaxeo, debla nɛ nadi, doŋtsi ehian be manɔ axo axomɛ egbɛ. ⁶ Zaxeo debla di, yi xɔɛ kudo djidjɔ. ⁷ Tsiwo kpɔ xɔn lɔ, amɔwo tɔ nyagɔmɛ toto nu be: Eyi zɛn nuwɔnwɔtɔ gbɔ. ⁸ Vɔ zaxeo nate do Axoetɔlɔ yo ŋkumɛ, yi nu be: Axoetɔ,kpɔ ŋsɔ axin kɛsinɔnuwɔ yo mamamɛ sɔna wamɛnɔwo, yi nɛ ŋwɔ enu nyanyra de kudo amɛde le nudemɛ lɔ, nasɔ akpa amɛnɛ lasɔ do texoe nu. ⁹ Yesu nu be: xɔnamɛ gɛndo axoe tsɛ mɛ egbɛ, doŋtsi amɛyɛ tsan nyi Abraham yo vi. ¹⁰ Ɗoŋtsi amɛgbetɔ viɛ va, benɛ ya dji yi ya xɔ amɛtsinɛ bua do agbe. ¹¹ Wole enyɔtsɛwo seɔ, yi Yesu gbe do elo deka, doŋtsi wo gogi Yerusalɛm, yi wo xɔse be djipo fiɔduɛ lava le gaxoxo xɔn mɛ. ¹² Enu be: Amɛgan de djoyi edu djidjiade mɛ benɛ ya xɔ fiǝduxoeɛ nɛ yeŋtɔ, yi yagbetrǝ gbɔ. ¹³ Eyɔ yo dɔwɔtɔ amɛwo wo, yi yisɔ sikaga ewo sɔ nawo benɛ woayi trɔ ledji kakavana yo gbɔgbɔ. ¹⁴ Vɔ yo dumɛtɔwo tsri yo nyagbɔ, yi wodɔ amɛdɔdɔna dodɛ be: Miŋde le djidjiɔ be nusu tsɛ nɛ yadufiɔ do miadji o. ¹⁵ Tsinɛ yitrɔgbɔ le gatsimɛ yé yivayi xɔ atsɛkpakpa yigbɔ lɔ, eyɔ subɔlawo tsinɛ yisɔ egawo sɔna, benɛ yanya aletsi wotrɔ ledji do. ¹⁶ Amɛ tutugbantɔ va yinu be:Axoetɔ axo sikaga hɛn amɛwo sɔgbɔ. ¹⁷ Enu be: Enyɔ ŋtɔ subɔtɔ nyui, tsinɛ wowa nutoxoe le enuvitukuin tsɛmɛ lǝ, xɔ atsɛkpakpa do edu amɛwo dji. ¹⁸ Amɛ evegɔn lɔ va yinu be:" Axoetɔ axo sikaga hɛn amatɔn sɔva". ¹⁹ Enu nu be: Wotsan nɔ edu amatɔn dji." ²⁰ Amɛbu gbeva, yi nu be: Axoetɔ axo sikaga tsinɛ ŋsɔ wlɔado avɔ mɛ ke, ²¹ do ŋvɔn nɔn, dɔŋtsi wonyi amɛ tsinɛ sɛnɔn tamɛ, woxɔnɔ enu le afitsi ŋde danɔ enu do. ²² Enu nú be: Nado kodjo nɔwo le axo nyatotowo ŋtsi, subɔla ekunyanyratɔ, tsinɛ wonya be ŋnyi tamɛsɛntɔ de, yi ŋsǝnǝ enu le afitsi nyɛŋde danɔ nu do de yi ŋdenɔ enu le afitsi nyɛŋde do enu do lɔ. ²³ Ŋdeŋtsi ŋsɔ axin ga sɔdado egakpɔxoe o, benɛ nɛ ŋgbɔ lɔ, mayi xɔɛ kudo egadjivi i ? ²⁴ Yi yinu nɛ amɛtsiwo le xɔn be:"Mixɔ sikaga amɛwo lɔ." ²⁵ Wonu nú be:"Axoetɔ, edo ega amɛwo." ²⁶ Ŋle nuniwo nɛ mi be, wolasɔ enu na amɛtsinɛ do si, vɔlɔ wolaxɔ enu deka tsinɛ le amɛtsimɛ si enu ŋde le o. ²⁷ Miamɛkpɛtɛwo mikplɔ axin ketɔwo, tsiwo ŋde dji be madu efiɔ do wodji o, sɔva, yi miwu wo le axin ŋkumɛ. ²⁸ Tsinɛ Yesu nu enyɔ tsɛwo vɔlɔ, ezɔn le amɛhawo yo ŋkumɛ, dota Yeruzalɛm. ²⁹ Tsinɛ wogogo Bɛtfage kudo Bɛtanu, le eto tsinɛ woyɔnǝ be Olivia to lɔ, Yesu dɔ yo nusrɔnvi eve doda, ³⁰ yi nu be: Miyi do dugan tsinɛ kpankɔ mi. nɛ mido mɛ lɔ, milakpɔ esɔ akɛtɛ tsinɛ wodo eka de, tsinɛ dji yi amɛdekpe ŋde lia edjio, midokaɛ vanuŋ. ³¹ Nɛ amɛde biɔ mi be: ŋde ŋtsi nule eka deɔ lɔ? Mia doŋtsi nu be: Axoetɔ lɔ yi hiɛn. ³² Amɛtsiwo wodɔ lɔ, yi yiwo wokpɔɛ nɛnɛ pɛpɛpɛ aletsi Yesu nui nɔwo. ³³ Tsinɛ wole eka deɔ esɔ akɛtɛlɔ lɔ, yo axoetɔwo biǝ be: Ŋde ŋtsi ;ile eka deɔ nɛ esɔ akɛtɛ lɔ? ³⁴ wo doŋtsi be:Axoetɔ lɔ hiɛn. ³⁵ Yi wokplɔ esɔ akɛtɛ lɔ sɔva nɛ Yesu, yi woǝɔ wo awuwo sɔ kɔdodji yi wona Yesu lia edjí. ³⁶ Tsinɛ yidje emɔlɔ dji lɔ. amɔwo sɔ wo awowo sɔkɔdo emɔn lɔ dji. ³⁷ Yi tsinɛ yile Yeruzalɛm gogowɔ le afitsi wo didinɔ Oliviatiɛ yo toa le lɔ, yo nusrɔviɛwo kpata le Mawu kafuɔ kudo axua kudo djidjɔ le nukunu tsiwo wo kpɔ wo ŋtsi. ³⁸ Wo nu be: Woyra efiɔ tsinɛ va le Axoetɔlɔ yo ŋkɔ mɛ! ŋtsifafa le djipo, yi ŋtsikɔkɔɛ le djipo yo tamɛ! ³⁹ Fariziatɔ dewo tsinɛ le amɔwo domɛ nu nɛ Yesu be:Tsitsa le axo nusrɔviwo. ⁴⁰ Yi yidoŋtsi be: Ŋle nunwɔ nɛ mi be: Nɛ wo bɔnu lɔ, ekpewo lado axua! ⁴¹ Tsinɛ wogago duganmɛ lɔ, Yesu kpɔɛ yi yifan avi dodji yi nu be: ⁴² Nɛ wotsan le ŋkeke tsɛ dji wonyan nutsi nanɔ ŋtsifafa lɔ ! vɔ fifiɛlɔ, ewla do axo ŋkuviwo ⁴³ Ŋkekewo gbɔnɔ do djiwo tsinɛ axo ketɔwo latrɔdowo, yi wola miɔwo le afisiafi. ⁴⁴ Wolatsrɔn ewo kudo eviwo wo tsinɛ le miadomɛ, yi wo ŋda gble ekpe dekpekpe asɔ dadɛ o, doŋtsi nde djesi gamɛ tsinɛ wosɔ va gbɔwo. ⁴⁵ Egɛndo gbedoxɔmɛ, yi yetɔ enusatɔwo nyanya djo, ⁴⁶ yi yinu nɔwo be: wo ŋlɛdɛ be: Axin xɔ lanyi gbedoda yo xɔ. Ganke miɔnwo lɔ nu sɔɛ trɔzu fianfitɔwo yo nɔxoe. ⁴⁷ Ele enu fiɔwɔ gbesiagbe le gbedaxɔa mɛ. Yi nunɔlaganwo kudo woemafiatɔwo kudo dumɛ mɛganwo le djidji ɔ be yewo lawú, ⁴⁸ vɔ wo ŋde nya aletsi wola wɔ nii o, doŋtsi dukɔnlɔ kpata le eto dui ɔ vevede.