¹ Yesu to nɛ nuklanviwo tsan be: ŋusu gatɔ ɖe le, yi nudjikpɔtɔ le si, yi wo sɔ nyɔ ɖʋŋtsi be, ele axoetsa yio nunsamɛsiwo domɛ gbles, yi axoetsa yɔɛ be. ² Ŋde djɔ nan nɔn enyɔn yɛ seɔ so ŋtsiwo ɖo va ɖo akɔŋta nu,so nutsiwo le alɔ mɛ nɔn woa ŋtsi ɖoŋtsia mɔnukpɔkpɔ xɔn ŋole dja gbe su asi o. ³ Yi to le yiɖokuimɛ be: le denamɔ etsi axoetɔnye xɔ dɔa le asinyɛ, yitobe yeda teŋ de agble o ɖe? nubiɔbiɔ tsan nɔnnɔn ŋkpɛn nu. ⁴ Nɛ, enyan ye le dɔa mɛ tsan, ela xɔ ye do o yio xomɛ . ⁵ Yi etsi yɔ axoetɔ yio ƒɛtɔnɔwo ɖeka ɖeka lɔ eyɔ amɛ tutugbantɔ va yi biɔɛ be, efɛ nɛni yi ɖu do axoetɔnye. ⁶ Eɖo ŋtsi ni be amigo alɔfa ɖeka, eto ni be : ɖebla nasɔ aglanan woma tɔwo ne naŋlɔ amɛ gban. ⁷ Amɛbu tsan va be : blafo agban, kave tsi vowi yio fɛ yi ŋɖu , eto ni bé: sɔ agbana woma na ɖebla na ŋlɔ amɛ gban ⁸ Yi axoetɔa kafu, nudji kpɔtɔ manyɔ manyɔ yɛ be, ewɔ nu le nunya mɛ, ke nɛ amɛ manyɔ manyɔ wɔ nu le nunya mɛ sɔwu kekle mɛtɔwo ɖe. ⁹ Yi nyɛ tsan ŋle totoeɔ nɛmi be misɔ anyigbandjinu manyɔmanyɔ sɔ wɔ hlɔ̀ nɛ miaŋtɔwo, Nɛ eva vɔ, voa, mia be wo nɛ xɔ nɛ yio ¹⁰ Amɛtsi wɔ nutexoe le nu vitukui ɖemɛ à ela nyi nutsexoe wɔtɔ le nu ganganwo mɛ yi amɛtsi nyi numanyɔmanyɔ wɔtɔ le nuwo kpata mɛ. ¹¹ Eyɛŋtsia nɛ mi ŋde nyi nutexoe wɔtɔ woa, amɛ ŋde la sɔ nyawo toto lo ana mi mɛ? ¹² Yi nɛ mi ŋde nyi nutexoe wɔtɔ nɛ amɛ bu o lɔ, mi dɔ teŋ wɔ nutexoe nɛ mia ŋtɔwo. ¹³ Dɔwɔtɔ ɖekpekpe ŋolateŋ subɔ axoetɔ amɛn eveo; ela lɔ ɖeka, agbe ɖeka, alo akuɖo ɖeka ŋtsi,agbe eveguan mi da teŋ subɔ Mawu kudo anyidjinuwo ¹⁴ Yi farisitɔwo se lɔ, wo do axoa ɖo eta ni. ¹⁵ Yi eto nɔwo be, woa ŋtɔwo wo le nyɔ mɛsoɔ ɖo woa ɖokoewo ŋtsi, vɔa, Mawu djesi wo djio mɛ; nutsi nyi nu gan ke ŋmɛ nɛ amɔwo, enyinugbegbe le ŋmɛ nɛ Mawu. ¹⁶ Kudo nyanuɖɛtɔwo nɔa anyi kaka va kɔɖo yohanɛse dji; so gbexɔgbea wo le Mawu nyɔa maɔ. ¹⁷ Nyɔtexoetɔ, yi le nɛ mi be djifo kuɖo anyigban nulava yi, ke axu nyɔ nu ŋola va yio gbeɖe gbeɖe. ¹⁸ Amɛ tsikpata la gbe srɔa, yi la ɖe bu lɔ ewɔ ahasi yi amɛtsi la ɖe, etsi wogble dadɛ lɔ ewɔ ahasi. ¹⁹ Yi ŋusu gatɔ ɖe le, agbe kpo eɖunɔ gasiagamɛ. ²⁰ Yi wɔamɛnɔ ɖe tsan le, wo yɔ ni be lazaro yi mlɔ nɔ yo gbomɔnu, yi edje abi ɖoŋ ŋtsi kpata. ²¹ Yi djinɔ be, yea du nuɖuɖu tsiwoe gatsa ɖu kpɔtɔ aɖɔ xodo; yi avuwo tsan va ɖiɖɔ nɔ abiawo ŋmɛ ni. ²² Yi va mɛ be: wɔamɛnɔ yɛ va ku, yi Mawu dɔlawo sɔɛ dado abraham yio kɔmɛ yi gatsa tsan ku yio ɖii. ²³ Yi le kuwooka,etsi yi le kpesa, ekpɔ abraham ɖodɖo boo, yi lazaro le yio kɔnu. ²⁴ Yi edo axoa to be: foof abraham, kpɔ ŋzizi nu; yi na don lazaro, nɛ ya sɔ alovi atɔ simɛ adoɖo yio aɖedji nɛ ya fa, ɖo nutsintsia ye le fukpe. ²⁵ Yi abraham yɔɛ ɖoŋtsi nibe; vinye ɖoŋkui be axɔ axo kisinɔnuwo le agbea mɛ xoxoo yinɛnɛ ke lazaro tsan xɔ yio vɔɛn le yi fifɛa wole akɔ faɔ ni yi woɛ wole fukpeɔ. ²⁶ Yi sɔ kpeɖo nu yɛ wo kpata ŋtsia edo gan ɖe le mia ɖomɛ yi amɛ ɖekpekpe ŋda teŋso xɔ̀ ava fiyɛɔ yi fiyɛ tɔwo tsan ŋda teŋ so fiyɛ ayi xɔɔ̀. ²⁷ Ke yi to be yeɖe kuku fofo Abraham be nadɔ lazaro ɖoɖa etsnyɛ womɛ, nɔvi anatɔ le asinyɛ, be: ²⁸ Woa to nɔwo be woygbe zɔn yio ƒɔdji mɛ wotsan wo ŋgbe va kpefu o. ²⁹ Yi Abraham to be mose kudo nyanuɖɛtɔwole xoxo, wo da teŋ se wo nyɔwa. ³⁰ Yii eto be vo, fofo Abraham; ke fifiɛ nɛ ɖe so amɛ kukuwo domɛ tsan, wo da teŋ se wo nyɔwo. ³¹ Yi eto ni be, nɛ wo ŋde ɖoto Mose kudo nyɔnuɖɛtɔwo woa, nɛ amɛ ɖe site le amɛ kukuwo domɛ tsan, ŋda teŋ axo nuxo ɖo wo nuo.