¹ Yi tonɛn yio nukplaviwo be: «Nu tsiwo yi la na kli nua la va godoo, ke baba nɛ amɛ tsi dji yi tonɔ vanɔ ! ² Ela dɔ edji wu be woa sɔ mɔte blibo sɔ san ɖo kɔ nɔ, yi wosɔ daŋkpe ɖo axumɛ, enyɔwu na va nan ɖevi fɛn yɛwo dometɔ ɖeka klinu. ³ Mikpɔ miaɖokui dji nyuɛnɖe, nɛ nɔviwo wɔ nuvuɛnlɔ, kan ŋme ni, yi ne etrɔ djimɛa sɔ ké. ⁴ Ne ewɔ nu vuɛn ze amaŋdrɛ kpata tsan le ŋkeke ɖeka mɛ, yi gbetrɔgbe va ze amaŋdrɛ to be: ŋtrɔdjimɛa, ele be nasɔɛ ké. ⁵ Ke apostoloawo nu nɛ Axoetɔa be: «wo la xɔse gbogbo ɖe wu mi. ⁶ Yi axoetɔa tonɔ wo be: Ne xɔse le miasi sɔku atiku vitukui ɖe yio lolomɛa, ke mia nu nɛ gboti yɛ be: «Ho, ne nayi dje apume», yi ila ɖo to mi. ⁷ Mia domɛtɔ tsiŋde yio kluvi yi la nɔ dɔ wɔ le aglemɛ alo la nɔ elanwo kplɔwɔ yi ne eso gbemɛ gbɔa, wo la to ni be: «Va yi kplɔ ŋtsi zeɖeka. ⁸ Ɖe yi na to ni be: «Diŋɖe nu maɖu fiɔsi yɛɔ, do akɔtawu ne na subɔŋ va sɛngatsi mɛ naɖu nu anu nu vɔ, keŋgbɔxoe wo la teŋ ɖunu anu nu tsoa ? ⁹ Ɖeyi wo la do akpe nɛ kluvia ɖo do tsiwo yi woɖo, yi wɔ wo ŋutia. ¹⁰ Nɛnɛ ke yi miawotsan ne mi wɔ nutsiwo kpata woɖo nɛ mia, mila to be: «Dɔla manyɔ manyɔ mi nyi», nu tsi le nɛ mi be mia wɔa, yi kpoyi miwɔ». ¹¹ Yi etsi tuta Yerusalɛm a eto Samaria ku Galilea. ¹² yi etsi le koxoé de mɛ ɖoa, ekpodonɔ amewo va dogoe, vɔa wo tɔte ɖo azoge ɖa. ¹³ Yi wo daxua to be: « Yesu nufiɔto kpɔ ŋuzizi ne mi» ¹⁴ Yi etsi kpɔ wo ɖoɖa, eto nɔwo be: Mi vayi sɔ miaɖɔkuiwo fiɔn ŋkɔnɔtɔwo yi tsi wole yiyiɔ ŋtsi kɔ na wo. ¹⁵ Etsi woa domɛtɔ ɖeka kpɔ dɔa vɔ nɛ yɛa, etrɔ yi le Mawu doɔ ɖo dji ku abobo. ¹⁶ Yi tsɔn ŋmɛ anyi ɖo Yesu yio afɔta le akpe doɔ ni. ¹⁷ Yesu ɖo ŋti be: «ŋnyi mia mɛ amewo ŋuti yi ŋdadɔ le o ?Fiɖe amɛ kpɔtɛwo ɖe ? ¹⁸ Ɖe yi wo ŋde kpɔ ameɖekpe tsi trɔ be yeasɔ bubu nɛ Mawu o, ke bohu amedjro yɛ kpoe ? ¹⁹ Yi toni be: «site nɛ na djo axo xosea ɖeó. ²⁰ Yi etsi Farisitɔwo biɔ gaxoxo tsi mɛ yi djipofiɔɖuxoe lɔ la va, eɖo ŋutsi nɔ wo to be: «Mawufiɔɖuxoe ŋde dja va ŋmɛ kuŋmɛtsi ye amɛ sia mɛ la kpɔ o. ²¹ Yi wo ŋde dja nɔ totoɔ tsan be: «kpɔ fiyɛ ɖa ! alo xɔnda o. Ŋutsiŋtsia, kpɔ ɖa ! mawu fiɔɖuxoea le mia domɛ». ²² Yi tonɛ nukplantɔ wo be: «ŋkeke wo le gbɔnɔ, etsi mɛ mi la dji be yewoakpɔ amegbetɔvia yio ŋkekeawo demetɔ ɖeka, ganke mi ŋde dja kpɔɛ o. ²³ Yi amewo la to nɛ mi be: «kpɔ xɔn da» alo «kpɔ fiyɛ ɖa ! Mi ŋgbe to o, yi mi ŋgbe sidu kplɔ wo do o. ²⁴ Ŋutsiŋtsia ele sigbe letsi edji kenɔ zo le xixeame yio kpa ɖeka yinɔ akpa eve gɔa nɛne, nɛnɛ ke amegbetɔvi tsan la nɔ nɛ. ²⁵ Ganke tɔtɔdjia eɖo la to ayaɖuɖu gbogbo ɖewomɛ, yi djidjimɛ ye la gbenu le egbɔ. ²⁶ Gbewua sigbe le tsi djɔ le Noa yio ŋkekea womɛ nɛnɛa, nɛnɛ ke yi lanɔ le amegbetɔvia yio ŋkekewo mɛ tsan nɛ. ²⁷ Wo nɔnɔ nu ɖuɔ, nɔnɔ nu nuɔ, ŋusuwo nɔnɔ srɔ ɖeɔ, wo nɔnɔ nyɔnuwo sɔɔna be wo ne ɖe va sɛn ɖo ŋkeke xɔn tsi dji Noa ɖo akloa mɛ yi si ɖɔɖɔ va yi wu wo keŋkeŋ. ²⁸ Nɛnɛ ke sigbe le tsi djɔ le Lot ò ŋkekea womɛ nɛnɛ: wole nu ɖuɔ̀, le nu nuɔ̀, le nu pleɔ̀, le nu saɔ̀, le nu doɔ̀ le xɔ tuɔ̀. ²⁹ Ganke le ŋkeke tsi dji Lot to le Sodom lɔ, ezo kudo ezokpe dja so djipo va wu wo keŋkeŋu. ³⁰ Nɛnɛ ke yi la nɔ le ŋkeke tsi dji wo la ɖe amegbetɔvia fiɔn a. ³¹ Le ŋkeke xɔn dji a, amɛtsiwo yi le xɔta, wo ŋde gbe ɖi be yewoasɔ yewo nu wo o, yi nɛnɛ ke ame tsi wo yi le gblemɛ a, wo ŋde dja trɔ gbɔ ava sɔ ŋɖe kpekpeo. ³² Miɖo ŋku Lot srɔa dji. ³³ Amɛ sia amɛ tsi le djidjiɔ be yeaɖe yio gbea, ela bui, yi ametsi la buia, ela xɔɛ do agbe. ³⁴ Ŋle totoɔ nɛ mi be «le zanxɔn mɛa ame ameve la nɔ aba ɖeka dji, yi wo la xɔ ɖeka, la gble ɖeka daɖɛ. ³⁵ Nyɔnu ameve la nɔ mɔtemɛ, wola xɔ ɖeka yi wola gble ɖeka daɖɛ. ³⁶ Ame ameve la nɔ abɔmɛ, wola xɔ ɖeka yi wola gble kpɔtɛa daɖɛ. ³⁷ Yi wo xɔ yi djise yi wo ɖo ŋtsi ni be «Fiɖe yɔ axoetɔ», yi to nɔ wo be: fitsi nukuku lea, xɔn yi akakan honɔhu ɖo».