¹ Ŋdjɔtɔwo kudo nubawatɔwo kpata wo nɔn nɔn Yesu gbɔ vawɔ be yewadotoe. ² Farisitɔwo kudo yɔmofiatowo le nyɔndoe wa ɔ le ŋtsi veve de be: Amɛn yɛ́ xɔ nubodawatowo, yi edunɔn nu kudo wo. ³ Le sea Yesu dolo yɛ́ nɔn wo be: ⁴ Le kpɔdenu mɛn nɛn alɛn alofo deka le mia domɛntɔ de si, yi wodomɛntɔ deka bu lɔ, nagbe blasidekɛ vɔasidekɛ do gbeɛmɛn avɛdji deka tsi yi bu nyiɛ lɔ vadashi nɔn gatsimɛn yi la kpoɛ o? ⁵ Fifiɛ nɛn ekpɔe lɔ, ekɔnyi do kɔligblamɛn kudo djidjɔ. ⁶ Nɔn evado yio xomɛnlɔ, eyɔ nɔn exlɔno wo kudo yio xuelikawo axote yi tonɔn nɔn wo be: Mikpɔ djidjɔ kudoŋ, doŋtsiŋtsia ŋkpɔ alɛn tsinyɛn tsi buɔlɔ. ⁷ Ŋlé totoɔ nɔn mi be, nɛn nɛn ke yi yi kpɔ djidjɔ le djipo le nubadawatɔ deka tsi trɔ djimɛn lɔ ŋtsi. ⁸ Alo nɛn klosaloga amɛnwo le nyɔnu deshi, yi ebu deka de, ŋde yi ewanɔn? Esi nɔn kalɛngben, kplɔnɔn yio xɔmɛn yi edjinyi vevede vasɛndo gatsimɛn ekpɔe a? ⁹ Ŋɛ ekpɔe tɔ, eyɔ nɔn xonlɔmawo kudo yio xuelihawo bɔnɔn tonɔn nɔn wo be: Mikpɔ djidjɔ kudoŋ, doŋtsiŋtsia, ŋkpɔ klosaloga tsinyé tsi bu lɔ." ¹⁰ Ŋle totoɔ nɔn mi be nɛn nɛn ke mawu dɔlawo le aseyé soɔ do nubadawatɔ deka tsi trɔ djimɛn lɔ ŋtsi.>> ¹¹ Yesu yi dodji to be:"Devi ŋsuvi amɛnve nɔn ŋsu deshi, ¹² Vifɛntɔa to nɔn etɔlɔ be, etɔnyé sɔ kesinɔn nutɔ wo yio akpatsi yi la nyi tɔnyɛn nu.Wotɔ lɔ manyio kesinɔn nu wo nɔn wo. ¹³ Le ŋkéké amɛnvé yio ŋgbede mɛn lɔ, vifɛntɔlɔ xotɛ yio nuwo kpota, yi yihun yi anyigban djidji deka dji. Egble yio nunɔn amɛnsiwo le xɔn to egbé bada zanzan mɛn. ¹⁴ Etsienuwɔokpata volé esi lɔ, shive gan gan deka to leanyigbandji xɔn dji yi tɔaya dudu. ¹⁵ Evɛbɔbɔ yi deki nɔneduɔ mɛntɔ deka Amɛnyɛ doɛ dada yio, gbemɛn be nɛn vɛ nyi eha. ¹⁶ Edjro nyi vevede be yeadu enuwo bakpa tsiwo yi ehanwo dunɔnlɔ yio de, ganké amɛnde kpekpui ŋde nanyio ¹⁷ Ke ŋsuviɛ va do yi deki mɛn yi tobe: Nududu bɔle etɔnyɛ yio gbante sɔtɔwo gbɔ keŋ gbɔxué nyé yɛ ŋle fiɛ shivetsiŋ kaka ŋbe maku! ¹⁸ Natrɔ yietɔ nyɛ́ gbɔ avɛtonyi be, etɔnyɛn ŋwa enubada do mia kudo mawu ŋtsi. ¹⁹ Nyɛ́ ŋdé djé wa gbé yɔ be evio.Xɔŋsɔŋwa subola tɔo wo domɛntɔ deka. ²⁰ Edjé mɔ tutaaxué le etɔlɔ gbɔ.Etsi yi lemɔdji gbɔnnɔnlɔ. Etɔlɔ kpɔe. Yio nu wa ŋshishi nyi, yi eshidu vɛkplosi kɔmɛn nyi lɔnlɔn yi didɔ enu nyi. ²¹ Ŋsuviɛ tonɔnetɔlɔ be: Etɔnyɛn ŋwa nubada do mia kudo Mawu ŋtsi. Nyɛn ŋde dje wagbé yɔ be evio. ²² Ganké etɔlɔ tonɔn yio dɔsɔvi wo be: Nɛnsɔ! Misɔ awu nyuitɔlɔ va donyi. Alɔga nɛn yi alɔ nyi, afakpa nɛn yi afɔ nyi. ²³ Milé enyin do amiɛlɔ va. Miwui nɔn miadanu adu, asokpɔ djidjɔ. ²⁴ Ŋoŋtsiŋtsio evinyɛ́nyɛ́ ku gbetrɔ gbɔ, ebu yi trɔkpɔe lexa yi etɔ djidjɔ kpɔkpɔ ke. ²⁵ Eviɛ ŋsuvi amɛnganxo tɔlɔ yi gbe mɛn. Etsi yitrɔ gbɔn nɔn, yi egogo axomɛn lɔ, esé wole sogui xoɔ le eweduɔ. ²⁶ Eyɔ dɔsoviwo domɛntɔ deka yi biɔɛ ŋtsi yi le djɔdjɔ wɔlɔ. ²⁷ Edo ŋtsi nyi be: Nɔnviwo trɔgbɔ, yi etɔwo wu enyin doami, doŋtsiŋtsia etrɔ gbɔ va dédé de. ²⁸ Devi ŋsuvi amɛn ganxɔtɔlɔ do dɔmǝnzi yi gbé be yeŋda do axomɛn o. Etɔlɔ to va de kuku nyi. ²⁹ Edo ŋtsi nɔnetɔlɔ be: Kpɔda, ŋsubɔwo exué gbɔgbɔ dewo, nyé ŋde dale esé towo dekpekpi dji kpɔo, ganké ŋde naŋ egbo suvi tété gbɔ, be maso kpɔ djidjɔ kudo xɔnlɔn nyé wo. ³⁰ Etsi eviwo ŋsuvinyɛ tsigbé kesinɔnnuwa nyama nyama kudo nyɔnu ahasitowo lɔ, gbɔ va kpo ló awu enyin dami nyi! ³¹ Ganke etɔlɔ tonyi be: Wɔɛ wole gbɔn nyɛ̀n gasia gamɛn ŋtsi wo kpata yi le ashi nyɛnlɔ, towo yi wonyi. ³² Edjé be miankpɔ djidjɔ, yi mianso aseyé egbɛ doŋtsiŋtsi lɔ nɔviwo yɛ ku trɔgbɔ, ebu yi etrɔkpɔe.