¹ Po akawita wonsi awasambili nukuwapa amaka wulamuliro ukuchimbizga vyonsi ivimuzimu nukufumya inthenda. ² Powakawuka pakupalazga muwufumu bwakumwanya nukuchizga awakulwala. ³ Akanena kuwawo,"mutakanyamule nachimo pawulendo _olo indisa, olo ichikwama,olo ichibama,olo ikopala,olo ilaya paluwazu. ⁴ Inyumba yili yonsi yomwinjila, mwikale ukonye. ⁵ Powonsi, wowatakwinza ukuwapochelela imwe, nanthi mwafumamo mukaya ako, mufumye amatope muvinamavyinyu chiwe chikumbusyo chawo." ⁶ Pozga wakinza wafuma nukujenda mukaya kawo, nukupalazga amazgu nukuchizga pali ponsi. ⁷ Po u Herodi uluwazu lwakwe akivwa imbli yakwe yonsi yo akachitaga, poyikamumalizga amahala, chifukwa awanthu wamo wakanena ukuti uYohani akanyamuka kuwakufwa, ⁸ Wamo wakanena ukuti uElija akaloleka, powamo awantchimi awakale wakanyamuka. ⁹ UHerodi akanena, " ine nkhamudula itwe uYohani.Po uyu wuwenu uyu nkhwivwa ivinthu ivi?" po akayezga ukumulola wuyo. ¹⁰ Lyo inthumi zginza, wakamubuzga vyonsi vyo vikachitika. Po akawasenda nukuwuka nawo, po akawasenda nawuyo nukubala nawo mukaya ka Betisaida. ¹¹ Lyo iwumba lya wanthu lyivwa ichi, wakinza wamulandata wuyo, akinza awapochelela wawo ukuya nuwufumu bwakumwanya, nukuchizga wonsi wowakanzikwaga ukuchizgika. ¹² Nomba isiku likawa papipi ukumala,po wala tweluvu wakinza kwa wuyo nukunena, "tuma iwumba ukuti wawuche mupipi mukaya pakulondola apakugona nukulondola ichakulya, chifukwa tuli uku kumalo agakuwutali." ¹³ Po akanena kuwawo," wape ichakulya chimo walye."wakanena "Tuli nivibama fayivi ninswi ziwili_mupaka tuwale tukale ichakulya chawanthu wonsi." ¹⁴ (Pakawa awanthu fayivi sawuzandi awanavuli.)akanena kuwasambili wakwe, "waleche wikale pansi muvigawa fifite fifite.'' ¹⁵ Po wakawomba ichi,powakikazga awanthu pansi. ¹⁶ ivibama vila fayivi ninswi ziwiri, akalola kumwanya, akaviputila nukumenya tunsi tunsi, nukuwapa awasambili pakuwika kwiwumba lyawantu. ¹⁷ Wakinza walya powakikuta, povyo vikasyala wakanyamula_ividunga twelovu vikawa vyakubazunkhana. ¹⁸ chikinza ukuti uYesu akamba ukuyiputa weka,awasambili wakawa nawuyo, akawawuzga wawo, ukunena, "iwumba lya wanthu wakanena ukuti newenu?" ¹⁹ "Yohani mubatizi. ukwene wamo wakati Eliya, po awanji wakati woka uwantchimi uwakale anyamuka." ²⁰ Po akati kuwawo, "pomukunena ine ukuti newenu?" uPetulo akazgola," ukilisitu wamulungu." ²¹ Po akawalamulila ukuti watakanene ichi kumunthu aliwonsi. ²² Akanena, "umwana wamunthu akwela ukuyimba muvinthu ivyinji nukukanizikwa nawalongozi nawasongo nawalembi,powakwinza ukumugoga popa masiku gatatu akwinza ukunyamuka." ²³ Po akanena kuwawo wonsi, "nanthi yumo akwanza pisinda pine,ayikanizge weka po anyamule imphinjika yane isiku nisiku ukundandata ine. ²⁴ pakuti ali wonsi woakwanza ukupulumusy uwumoyo bwakwe uwene akwinza ukuwutaga, powo akwinza ukutaga umoyo wakwe chifukwa chine akwinza ukupulumuka. ²⁵ Choni ichinza cho umunthu akupindula pachalo chonsi ,pololi akuluza olo ukulemela weka? ²⁶ Wonsi wuyo wali ninsoni kwine nizwi lyane,kwawuyo mwana wamunthu akwinza ukwivwa insoni nanthi akwinza nuwukulu bwakwe po uwukulu bwatata nubwawangelo. ²⁷ Ukwene nkhunena kwimwe nadi, waliko wamo wimiliye apa wowatakwinza ukunozga imfwa ukufikila powalilola uwufumu bwakumwanya." ²⁸ Nomba lyopamala amasiku eyiti uYesu akanena amazwi aga, akamusenda u Petulo nu Yohani nu Yakobe wakawuka nawo kwigamba pakuyiputa. ²⁹ Lyo akuyiputa, paminso akasintha, ivyakuzwala vyakwe vikawa vyakuzelupa ivizeru. ³⁰ Ukufumapo, awanthu wawiri wakanenaga nawuyo, uMozesi nu Eliya, ³¹ Wo akalolechela muwuchindamu ukunena nawuyo izga kuwuka, ko uwene akaleta ukumalizga muYelusalemu. ³² Nomba uPetulo nawo wakawa nawo wakawa nutulo, ukwene lyo wanyamuka, wakennya uwuchindamu poka nawanthu wawiri wowakimilira nawuyo. ³³ Lyowakulekana nuYesu, uPetulo akanena nawo,"mwene, chinza kwiswe ukuti tuwe apa. Utulech iswe tuzenje ivisakasa vitatu, choka chimwe,choka cha Mozesi, choka cha Eleya." (atakamanyaga cho akanenaga.) ³⁴ Polyo akunena ichi,kukinza iwingo likawakupichila wwo,powakawa nilyoga lyowakwinjira mwiwingo. ³⁵ Izwi likafuma mwiwingo,ukunena," uyu mwana wane, wo akaseweka;mumwivwe wuyo." ³⁶ Lyo izwi lyanena,uYesu akajikwa weka. Wakawa myaa papo atakamuwuzga nayumo umunthu panyengo yila pavinthu vyonsi vyo wakavyennya. ³⁷ Nomba kundawi yakwe,lyowisika kwigamba , wakakumana niwumba ikulu ilya wanthu. ³⁸ Polola, umwanavuli woka mwiwumba lyawanthu akakolomoka,ukunena,"musambizi, nkhulawa ukuti imuloleko umwana wane, pakuti womwana wane woka. ³⁹ Polola, umuzimu wukumulamula wuyo po aponye akuzizimuka, chikupangisya wuyo ukuzilika po itatafulu likufuma mumulomo. Akufumapo wuyo chikumuyinvya nkhani. ⁴⁰ Nkhulawa awasambiri wako ukuti wachifumye kunzi,ukwene wakapotwa. ⁴¹ UYesu akazgola nukunena, "imwe mwemutakugomezga namaluli, nkhwinza ukwikala nimwe nyengo wuli ponukuwawika nmwe? mulete umwana wako uku. ⁴² Lyo umwana akujenda, iviwanda vikamusumba wuyo pansi nukuzilika po uYesu akakalipa numuzimu uwuwiwi nukumuchizga umwana nukumutwala kwababa wakwe. ⁴³ Wonsi wakazizwa nuwukulu bwa Chiwuta. Powakuziwa pavyonsi vyovikachitikaga,akanena kuwasambiri wakwe. ⁴⁴ "Leche amazwi aga ginjile nkhani mumakutwi ginyu: umwana wamunthu akwinza ukutwala munyowe zyawanthu." ⁴⁵ Pakuti watakinza wivwisya amazwi aga. gakinza gavwama kuwawo, powatakamanya iching'anamulo,powakanyila ukuwuzga ukuyana izwi. ⁴⁶ Powakamba ukususannya weka ukuti wuwenu wo angawa wusongo. ⁴⁷ Ukwene uYesu ,pakulola ukususannya kwamumoyo, akasenda akamwana kansi nukukawika kuluwazu kwawuyo ⁴⁸ po akanena kuwawo,"wonsi wuyo wo apochelera umwana mwizina lyane, akumphochelera ine, akumupochela wo anthumile ine.pakuti wonsi woakuwa munsi pawonsi wuyo wowusongo." ⁴⁹ UYohani akazgola,"Mwene, tukalola yumo akufumya iviwanda mwizinz lyinyu potukamulesya, chifukwa atakutulandata iswe." ⁵⁰ "Mutakamulesye wuyo,"uYesu akati, "chifukwa wonsi wuyo atakususannya nimwe winyu." ⁵¹ Po amasiku gakapalamila kwawuyo ukuti wamupochele,akalola ichisyo chakwe kuYerusalemu. ⁵² Akatuma awakeya kunthanzi kwakwe, powakinjila mukaya ka Samalitani pakusengannya vyonsi vyawuyo. ⁵³ Po awanthu watakamupochelela wuyo chifukwa ichisyo chakwe chikawukaga ku Yerusalemu. ⁵⁴ Nge awasambiri uYakobe nuYohani walola ichi,wakati , "Mfumu, mukwanza tutume umoto winze ukufuma kumwanya nukuwananga wawo? ⁵⁵ Powakang'anamuka nukuwakalipira, ⁵⁶ powakawala mukaya akanji. ⁵⁷ Lyo wakujenja munzila,yumo akanena kuwawo, "nkhuwalandata konsi komukuwala. ⁵⁸ UYesu akanena kuwawo, "awakambwe wali niviliwa,nutuyuni twamumwanya tuli nivivulumbo,loli umwana wamunthu atali napakugoneka itwe lyakwe." ⁵⁹ Po akanena kuwamwawo, "ndandata ine." akati "Mfumu, leka suti imbale imusyire utata." ⁶⁰ Po akanena kwawuyo," lechi awakufwa wasyilane awakufwa weka.ukwene imwe, muwuche kuwutali muye mupalazge uwufumu bwakumwanya." ⁶¹ Poyumo eso akati, " nkhwinza ukuwalandata imwe, Mfumu, leka suti inje mbalaje awakunyumba kumwne." ⁶² UYesu akazgola kuwawo,"nayumo woakuwika inyowe yakwe nukulola kwisinda akwenela uwufumu bwakumwanya."