¹ Po akawanenera muvyiri kuwawo ukuyana namo wangaputilaga inyengo zgonsi watakaluvyaje, ² ukunena, "mukaya kamo mukawa umulonzi wo atakawa nilyoga nuChiwuta po atakachindikaga awanthu. ³ Nomba mukawa umufwile mukaya kala, po akuinza kwa wuyo, ukunena, 'Navwa ine pakulonga umulandu pawowa kususannya nine.' ⁴ iyitali watakanzaga ukumwavwa wuyo,popakanyengo akanena paweka, nanga wuli nthakunyila uChiwuta oro nukuchindika umunthu, ⁵ chifukwa umufwilwe akunthamya ine, nkhwinza ukumwavwa ukuti ayaje uwunenensyo, umwakuti atakanditisye nukwinza kwakwe kawiri kawiri."' ⁶ Po Imfumu yikati, "tejerezga mo akunenela umulonzi uwakugombana. ⁷ Nomba ka UChiwuta so atakwinza ukuwikaso uwunenensyo kuwakuseweka wakwe wowakalira kwawuyo pamusanya nuwusiku? anginze azerezge akanyengo kuwawo? ⁸ Nkhunena kwimwe ukuti akwinza ukuwatwalira uwunenensyo kuwawo luwiro. Nanga wuli, po umwana wamunthu ayinza, akwinza ukwaga ichipulikano pacharo?" ⁹ Po eso akunena muvyili kuwawo wowakayigomezgaga weka ukuti wazeru wakasula awamwawo, ¹⁰ " awanthu wawiri wakawuka mucharichi pakuyiputa_woka akawa mufalisi poyumo akawa wamusonkho. ¹¹ Awa Falisi wakimilira nukwiputa ivinthu ivi ivyakwe, 'Cchiwuta, Nkhuwasalifya ukuti nthali ngati wanthu wanji_vigawenga, awambula uwunenensyo awanthu, awamalaya_oro ngati wamusonkho uyu. ¹² Nkhusala ukulya kawiri pasabata yili yonsi. Nkhutwala ichawuteni pavyonsi vyonkhuvyaga.' ¹³ Po uwakusonkhesya umusonkho, akimilira pawutali, atakanza nukwinusya aminso gakwe kumwanya, ukwene akapamanthaga pachifuwa, ukunena,'Chiwuta munchitire ine ubwila,newakwananga.' ¹⁴ Nkhunena kwimwe, umunthu uyu akagaluchila kunyumba yakwe uwakulunjiskika ukulusya awamwawo, pakuti wonsi wo akuyikuzga weka akwinza ukwisika weka ukwene wonsi wuyo akwiyisya weka akwinza ukumukwezga." ¹⁵ Awanthu eso wakaletaga kwawuyo awana ukuti akwenela ukuwalema wawo, ukwene lyo awasambili walola ichi, wakakalipa kuwawo. ¹⁶ Ukwene UYesu akawitizga kwawuyo, uunena, "waleche awana wansi winze kwine,pomutakawakanizge wawo. Pakuti uwufumu bwa Chiwuta wuli ngati wowana. ¹⁷ Nadi nkhunena kwimwe, ali wonsi wo atapochereye uwufumu bwa Chiwuta ngati mwana atakwinza ukwinjiramo mula," ¹⁸ Po usongo yumo akawuzichizga kwawuyo, akati, "musambizi umwinza, kambombe ichoni ukuti nkhaye ninjire muwumoyo ubwa muyayaya?" ¹⁹ UYesu akanena kwawuyo, " choni chomukunita ine nemwinza? Nayumo womwinza, ukwene uChiwuta weka. ²⁰ Mukumanya amadango _mutakapanje uwumalaya, mutakagoje, mutakiwe, mutakawe wakaboni wilenga,uchindiche utata wako numayi." ²¹ Po usongo akati, " Ivinthu vyonsi ivi nkhavisunjira ukwamba panyengo yonkhawa nemugolo." ²² Nge UYesu ayivwa vila, akanena kwawuyo, " choka ichinthu cho ukuperewera. Ukwenera ukukazga vyonsi vyo uli navyo uwagawire awapina, po ukwinza ukuwa nacho ichuma kumwanya_powinze, undandate ine." ²³ Ukwene usongo nge ayivwa ivinthu ivi, akawa nichitima ichikulu,pakuti akawamusambazi sana. ²⁴ Po UYesu, akamwennya ukuti akawa nichitima, " Chipala kuwo wali nichuma ukuti winjire kuwufumu bwa Chiwuta! ²⁵ Chipepeko ukuti imbunda yinjire pilyinsonlyasindano, ukulusya ukuti umusambazi ayinjire muwufumu bwa Chiwuta." ²⁶ Po wowakivwaga wakati, "po wuwenu wakwinza ukupona?" ²⁷ UYesu akazgola, " ivinthu vyo vitanga chitika nawanthu vikuchitika nu Chiwuta." ²⁸ UPetulo akati, "lola, iswe twavileka vyonsi ivyitu nivyitu potwawalandata imwe." ²⁹ Po UYesu akanena kuwawo, "Nadi, nkhunena kwimwe patali nayumo wo alesile inyumba, pamo umuchi, awakulu, pamo awapapi, pamo awana, chifukwa chawufumu bwa Chiwuta, ³⁰ wo atakwinza ukupochela ivinji munyengo ino, ninyengo yoyikwinza, uwumoyo bwa muyira yira." ³¹ Nge awawunganika wonsi tweluvu kwwuyo, akanena kuwawo, "lola, tukujenda ku Yerusalemu, nivinthu vyonsi vyo vikalembeka nawanchimi ukuyana nivya mwana wamunthu akwinza vikuwala ukukwaniliskika. ³² Pakuti wakwinza ukumutwala kuwamitundu, wali museka, walimupanjila ivyansoni, walimuswilira amati. ³³ Nge wamusyempha wuyo, powakamugoga, pamasiku gatatu akwinza ukunyamukaso." ³⁴ Watakivwisya ivinthu ivi, po izwi ili likavwama kuwawo, powatakivwisya ivinthu vyo vikaneneka. ³⁵ Po yikinza yakwana, nge UYesu apalamila kuYeriko, umunthu yumo uchitonkho akikala muluwazu mumusewo akalawaga, ³⁶ po akivwa iwumba lyawanthu wakujenda muluwazu, po akawuzichizga kwagwachi. ³⁷ Po wakamuwuzga ukuti uYesu uwamu Nazareti akuchilingannya apa. ³⁸ Po umunthu wo atakennyaga akakolomoka, akanena, "Yesu, umwana wa Deveti, nivwa ubwila ine." ³⁹ Wamo wowakalongolela munthanzi wakamukanizga uwambula ukwennya yula, ukumuwuzga ukuti ichongo. Ukwene uwene akakolomoka sana," mwana wa Deveti, nivwe ubwila ine." ⁴⁰ UYesu akinza ayimilira pawuyo ukuti umunthu yula wamutwale kwawuyo. Nge wo atakwennya asenjerera, UYesu akamuwuzichizga , ⁴¹ "choni choukwanza ukuti ine nkhuwombele kumwako?" ⁴² UYesu akanena kwawuyo, "pocherera uwuzeru. ulwivwano lwako lwakuponosya." ⁴³ Panapo napanapo akamba ukwennya nukumulandata wuyo, ukumuchindika uChiwuta. Awanthu wonsi,lyowalola ichi, wakamuchindika UMulungu.