¹ Chifukwa chakuti, ukhristu akivwa ivyakuwawa mumuwiri,muyiyanizye umoyo uwonye wuyo wakivwa ivyakuwawa mumuwiri alekana nayo imbiwi. ² Pachifukwa cha ichi, ngati umunthu, panyengo iyakutuzya umuwiri wakwe atakwinza ukuwaso numoyo nivyakwanzikwa vyamunthu, lori ukwanza kwa Chiwuta. ³ Pakuti inyengo yoyajenda yikwanile kwiwe pakuwomba kuwamaluko, ubwamalaya, ukukolwa, ukuchita iviwiwi ivyapachikondwelero, ivyongo, nukuyiputa ivikozyo. ⁴ Wakughanaghana ukuti chijeni ukuti watangawa poka nawamwawo pakuwomba iviwiwi vyowakuwomba, chocho wene wakuwawombela iviwiwi. ⁵ Wakwinza ukuwapa ichilango kwawuyo wo anozyecheye awanthu awamoyo nawakufwa. ⁶ Pachifukwa ichi amazwi gakapalazyika nakuwa kufwa, umwakuti, nanga wuli wawlonga kumuwili ngati wanthu, wakwenela ukwikala mumuzimu ngati mo uChiwuta akuchitila. ⁷ Uwumalilo bwavinthu vyosi bwapalamila ukwinza. Polero muwe wanthu wakuyilema, eso muwe aminso mukughanaghana mumphuto. ⁸ Pamwanya pavyosi, mutemwanaje mweka nichitemwa ichakufikapo, pakuti ichitemwa chikuzikupichila imbiwi zyonsi. ⁹ Musunganaje ichete woka nuwamwawo ukwambula ukudandawula. ¹⁰ Pala woka wimwe apochelera ichawupe, muchiwomvye ukuti chavwe aliwonsi ngati wanthu awa ntchindi izyawakupambana pambana. ¹¹ Nanthi yumo akunena, muleche awe namazwi ga Chiwuta. nanthi yumo akutumichila, muleche awombe namaka agakufuma kwa Chiwuta ngati mo akamupelera. Womba ivinthu ivi munzila yiliyonsi ukuti uChiwuta achindichiche ukujendela mwa Yesu khristu. Uwuchindamu bwaYesu khristu nuwukulu namaka viwanjeko kunyengo zya nyengo. Ameni. ¹² Mwewakutemweka, mutakazizwaje nichachilendo nichiyezyo ichamoto chochinza pimwe, ngati chimo ichachilendo chachitika pimwe. ¹³ Musangwaje chifukwa mukugawana poka nukhristu mukuyimba kwakwe, umwakuti mukondwaje pakuti uwuchindamu bwakwe bwavumbukwa. ¹⁴ Nanthi mukuligwachifukwa chizina lya khristu, mwewakutumbikika. Chifukwa umuzimu uwuchindamu ubwa Chiwuta wukutuzya pimwe. ¹⁵ Ukwene nayumo mwimwe atakivwe ivyakuwawa ngati mujambazi, oro umunkhungu, oro ukuwomba ichiwiwi, oro ukwinjilila ivyawantyhu awanji. ¹⁶ Nanthi yumo ayivwa ivya kuwawa ngati mukhristu, atakapanje insoni; mumalo, achindiche uChiwuta nizina lila. ¹⁷ Pakuti inyengo iyakulongwa yafika munyumba yaChiwuta. Nanthi chikwamba niswe, kuliwa wuli kuwanthu wowatakwivwila amazwi ga Chiwuta? ¹⁸ Pala "kuliwa kupala ukuti umulunji akapulumuche, pokuliwa wuli kumunthu uwakwananga?" ¹⁹ Ponomba wowakuyimba nukwanza ukwa Chiwuta wayitwale weka munyowe zyamupeli awakugomezywka nukupitilira ukuwomba ivyinza.