¹ Ponomba muwutagaje uwiwi wonsi, ilenga, pamo uwupusikizi, ibina nindigo. ² Muwanje ngati mwe wabonda wowakulila ulukama ulwenecho, ukuti mukakule nawo ukufichila ukupona, ³ Nanthi mwayezga ukuti IMfumu yinza. ⁴ Zaga kwa wuyo umwene libwe lyamoyo lyo awanthu akalikana, ukwene likaseweka numwenecho uChiwuta ukuwa lyapamwnya nkhani kwawuyo. ⁵ Imweso muweso ngati mabwe gamoyo agakuti uChiwuta azenjele inyumba yakwe iyawuzimu ukuti muwe mwewasongo awazelu wowakutwala ivyakutwala ivyawuzimu ivya kwitichizgika nu Chiwuta mwa Yesu khristu. ⁷ Kwimwe, nomba, kwimwe mwemukugomezga. Ukwene kwimwe mwemutakugomezga, "ibwe lyowakalikana awazenji, lyolikawa lyakwanzikwa nkhani ukuchila gonsi," ⁸ Po, "Ibwe lyakupunulapo awanthu nukupanjisya ukugwa." ⁹ Ukwene mwe wanthu wakuseweka, awongo awawufumu, imitundu yakuzerupa amoyo, awanthu awa Chiwuta umwenecho, ukuti mupalazye izyambombo izyamaka izya wuyo wo akawitizya ukuti mufumeko kuchisi nukwinza kuwuzelu kwakwe ukwakuziziswa. ¹⁰ Imwe mwekale mutakawa wanthu, ukwene ilero mwewanthu wa Chiwuta. Mutakapochela ubwila, ukwene nomba mwapochelera ubwila. ¹¹ Mwewakutemweka, nkhuwalawa imwe ngati wajeni awajenda nzaila pansi yapansi nukuyilesya kuvyakudochela ivyamuwili, vyivikulwa inkhondo numoyo winyu. ¹² Po amajendele ginyu pawanthu awakunzi gawanje ginza, ukuti wowa kuwapusichila ukuti mwewawiwi, wazyagannie imbombo zyinyu inyinza powakwinza ukumuchindika uChiwuta pisiku lyakwinza kwakwe.