¹ Petulosi, musambiri wa Yesu khristu, kuwalendo wakusata, awakuseweka, ukufuma ku Pontasi, Galatiya, Kapadokiya, Asiya, nuBitiniya ² .Ngati momwamanyila kwaChiwuta uBaba, muchiyezgo chawumoyo umuzeru, ichambula ukwivwila ukunanga udawa waYesu khristu,. Nubwila wuwe nimwe, numutende wuwe nimwe umwakuvula. ³ Achindikwaje umulungu nu Baba wa Chiwuta witu Yesu khristu akwezgeche! nubwila bwakwe uwukulu, atupiye iswe ukupapwa ukupya nukwikala nuwumyo mupaka nukunyamuka kwakwe uYesu khristu ukufuma kumfwa. ⁴ Pakuti tukwinza ukupyana ichilingo ichambula ukunanjika, ichambula ukufita, chochitangawola pamo ukuchuja. Cho awasenguliye kumwanya imwe. ⁵ Imwe mukusunjika namaka ga Chiwuta muchigomezgo ukufichila mukupulumuka ichakusengannya ukuvumbukwa panyengo yakumala. ⁶ Pa ichi mukondwaje, ninyengo inonye, pakanyengo kalimphi,mukwenela ukuyimba muviyezgo vyakupambanapambana. ⁷ Pakuti iviyezgo vyachigomezgo chinyu, womutengo winyu wakulusya ugolide yowataga, nanga wuli wachiyezga numoto. Ichi chikuchitika ukuti ichigomezgo chako chikwinzukwajikwa ukumukwezga, uwuchindamu, numuchinzi pakuvumbulika kwa Yesu khristu. ⁸ Imwe mwemutamuwony iwuyo ukwene mumutemwizwe wuyo, womutakumulora nomba, ukwenu musuwiye mwawuyo mukusechela nawo nichimwemwe chambula ukuneneka nichakuchindikwa. ⁹ Mukupochela mweka uwumaliro bwachigomezgo chinyu, chochipulumusyo chamoyo winyu. ¹⁰ Ukunena ivya kupulumuka, intchimi zgozikunenela nubwila wowukwinza kwimwe, akalondolalondola nukufufuzafufuza izga chipulumusyo, ¹¹ Ukuyana numunthu oro inyengo yamuzimu wakhristu kuwawo wowakafinga pakuwombela uwukaboni wakuyimba kwa khristunuwukulu wowakamulandata. ¹² Kukavumbukwa kuwawo ukuti watakayiwombela wawo weka, ukwene imwe, lyo mwanena iv ivyowakawa kwimwe nomba wowakayiputa amazwi aga kwimwe umuzimu umuzelu ukufuma kumwanya_ivinthu ivi awasambili wakwanza ukulora. ¹³ Mwichi yannya amoyo ginyu. Muwe aminso.Eso muwikajepo uwunenensyo lwinyu lonsi palusayo lomukwinza pakupochela pakuti uYesu khristu avumbukwa. ¹⁴ Ngati wana wowakwivwila, mutakalandataje ivakudokela vyinyu ivyakwamba ivyambula kumanya. ¹⁵ Ukwene wo akawita imwe muzelu, nimwe, muwe wazelu ninkhalo yinyu yonsi. ¹⁶ Pakuti chikalembeka, "Muwe wazelu, chifukwa nine nemuzelu." ¹⁷ Ponanthi mukwita "Tata" wakulonga umunthu wonsi kwambula isankho ukuyana ivyakuchitika vyakwe, panyengo yomwewalendo pansi yapansi mwikale umwakunyila uChiwuta. ¹⁸ Mukumanya ukuti mukapulumusika nivyakuwola usiliva nugolide ukupambana nawo amikakilo ginyu wulo mukapochelela ukufuma kuwapapi winyu, ¹⁹ ukwene nudawa wakwe uwamutengo wapamwanya uwa Yesu khristu, wo ali ngati wamberere iyambula ukulemala pamo iwala nalimolimo. ²⁰ Ukhristu akamanyikwa lyo nichalo chichili, ukwene nomba avumbulikwa kwimwe kuwumaliro bwqnyengo. ²¹ Ukujendela mumwakwe mukugomezga mwa Chiwuta, wakamuzusya kuwufwe nukumupa uwuchindamu, pakuti ichigomezgo nukusula vili mumwenecho uChiwuta. ²² Pakuti mwazelufya amoyo ginyu pakwivwila uwunenensyo, Pakuti mutemwane nawakamu winyu; ukutemwana ukwenecho ukufuma pansi pamoyo. ²³ Pakuti mwapapwaso, tekufuma kumbeyu iyakunanjika, ukwene kumbeyu yoyitakunanjika , ukujendela muwakwikala nawakusyala mwizina lya Chiwuta. ²⁴ Pakuti, "Awanthu wonsi wali ngati lisole, uwukulu bwawo wuli ngati liluwa ilikulu ilyisole. Isole likumila, amaluwa gakugwa, ²⁵ ukwene izwi lya Mulungu likwikala muyaya."