¹ Lahadi hasa tifagia al awel de kan indu gawanin le ibada wa ta haikal al fi duniya. ² Ashan kheima ta ijtima de jahizu. Gurfa al awel, al fi fogo hadid ta wogifu lamba, wa tarbiza, wa esh ta hudur, bi nadi gali de mahal al mukadas. ³ Be wara sitara nimira itnin fi gurfa tani, bi nadi gali kuds al akdaas. ⁴ Fi fogo mazbah ta bokhur min dahab, kaman fi fogo tabut al ahad, kati kulu be dahab. Be juwa fi gurma ta dahab fi fogo manna, wa asaya ta Harun al kan bada raba, wa lohat ta tifagiya. ⁵ Fok fi ras tabut al ahad, fi malaikat ta mejid kati kuta ta kafara, al nina ma bi agder wonusu fogo hasa be tafasil. ⁶ Baad kulu hajat al jahizu del, al kahana daiman bi dakalu fi gurfa al bara fi kheima ta ijtima ashan be amulu kidmat tomon. ⁷ Lakin bes reis kahana yau bi dakalu lahadi fi gurfa nimira itnin, mara wahid fi sena, wa ma bidun dom al huwo gedimu ta nefsa bito wa ta katiya ta nas al ma gasidu. ⁸ Roh al kudus wori gali kan lisa kheima al awel de lisa bi wogif sika le kuds al akdas lisa ma beinu. ⁹ De kan misal le zaman ta hasa. Kulu tegdimat wa zebihat al bi gedimu ma bi agder kutu demir ta zol al bi abidu ashan bi kun kamil. ¹⁰ Humon kutu bala tomon bes fi akil wa shirab wa fi sibir ta kasil al baraw baraw, gawanin ta jisim lahadi zaman ta nizam al jedid. ¹¹ Al Mesih ja ze reis kahana le hajat al kuwes al bi ja hasa .Huwo mururu min nus ta kheima al kebir wa al kamil al ma salau be idan ta insan, ma ta duniya de al kalagu. ¹² Ma kan be dom ta korufat, lakin bes be dom Bito Huwo dakalu fi kuds al akdas wahid mara le nas kulu wa amulu le nina damana bita kulasa al abadiya. ¹³ Kan gali dom ta khorufat wa ta tiyus wa be rushu rumad bita jena bagara le del al waskanin agder jibu humon gerib le Allah be kasil bita jisim. ¹⁴ Godur shunu dom ta al Mesih, al be wasit Roho abadiya agder gedimu nefsa Bito le Allah bidun ai kalam batal. ¹⁵ Be sabab de, Huwo yau bi amulu wasta le tifagiya al jedid de. De ashan, min zaman mutu hariru del al kan tehet tifagiya al awel min katiya tomon, del al nadi bi ligo waad bita worisa al abadiya. ¹⁷ Kan fi wosiya, mutu ta zol al wodi wosiya de lazim kede asbitu. ¹⁶ Wosiya de kan be guwa wokit hasil mutu, ashan huwo ma indu guwa wokit zol de lisa hai. ¹⁸ Ma bes tifagiya al awel asisu bidun dom. ¹⁹ Zaman Musa wori le nas kulu talimat al fi ganun, huwo shilu dom ta jiyal bagara, wa korufat, be moyo, wa suf ahmar, wa urshal ta shejera zofa. wa bada rushu fi kitab zatu wa kaman fi nas kulu. ²⁰ Biga huwo kelim, "De yau dom ta tifagiya abu Allah amuru le intakun." ²¹ Be nefsu teriga, huwo rushu dom fi tabut al ahad wa fi kulu afashat al kan istamilu fi shokol dak. ²² Ze ta gonun, kan kulu hajat kasulu be dom. Bidun dofugu dom mafi Afi baad. ²³ Ashan kida kan mohim ze misal ta hajat al fi Sama bi kasulu be zebiha ta haiwanat. Lakin, hajat ta Samawat zatu der kan bi kasulu be ahsen zebiha. ²⁴ Ashan al Mesih kan ma dakalu fi kuds al akdas al salau be idan, de bes ze misal le sura al hagiga. Lakin huwo dakalu Samawat zatu, ashan bi beinu gidam Allah bidal ta nina. ²⁵ Huwo ma ruwa hinak ashan bi gedimu nefsa Bito ketir mara, ze reis kahana bi amulu, del al bi dakalu fi kuds al akdas kulu sena be dom ta nas tanina. ²⁶ Kan dak yau mushkila, biga Huwo rudu ashan bi ligo taab ketir mara min bidaya ta Duniya. Lakin hasa huwo beinu fi nihaya ta zaman ashan bi balasu katiya be zebiha ta nefsa Bito. ²⁷ Bes ze ma hadidu le insan ashan bi mutu mara wahid, wa baad dak fi hukum, ²⁸ Kaman, gedimu al Mesih mara wahid ashan bi shilu bara katiyat ta nas kutar, lakin ashan kulasa ta del al bi istena .Huwo