¹ Ashan kida, anina kaman endu shuhud min sehab godor tou hawl anina, kede anina jada kulu hajat al tegil wa katia al hawl anina be kulu huhola, ² kede anina hadiru be sobur gihad al kutu fi gidam ta ninan. kede anina kutu bala ta nina le Yesuah, al asisuwa al huo misal fi iman, min ajli farah al kutu fi gidam bito, huow istahmil al selib, hagara le huwo be fadia, huwo geni fi yemin ta mahal ta rabuna. ³ ashan kida fekir an huwo, zol al ihtamil muarada ta katia de did nefas bito, ashan kede intakum ma kun endu tab fi gulub takum wa bi kun fetran. ⁴ Intakum lahadi hasa ma gawimu wele dafau did katia min nahia ta dom; ⁵ wa intakum nesitu teshji al bi nadi intakum ze awlad: "jena tai, mta alisu tadeeb ta rabuna, mata kun taban kan huwo bi wabigu inta. ⁶ leanu tadeeb ta rabuna le zol al huwo bi hibu, wa huwo bi wodi igab le ai jena al gabilu huwo." ⁷ Iza kan intakum bi ihtemil tadeeb.Allah bi amulu ma intaum ze awlad. yato jena yauabu bito ma bi adibu huwo? ⁸ lakin kan intakum ma endu tadeeb, kulu nas bi kun mushterikin fogo, biga intum bi kun awlad al jibu br teriga al ma hagiga. ⁹ Be teriga tani, nina indu abu al zol al bi adibu nina wa nina bi ihterimu humon. Godur shunu nina bi nina bi nenzil badu le abu ta Roho wa haya. ¹⁰ Abu bita nina bi adibu nina fi zaman guser al humon bi fekir ahsen. Lakin Allah bi adibu nina fi kuwes bita nina, ashan nina bi kun sawa ma huwo fi kadasa Bito. ¹¹ Mafi tadib bi beinu kuwes fi nefsu zaman, lakin bi waja. Badin netija bito bi ja jibu simar ta salam ta geni adil le del al deribu fogo. ¹² Kaman gowi takum idanat takum al bi deldel le tehet wa rukuba takum al taban. ¹³ Sala takum sika adil le kureinat takum, ashan haja al kasuru ma bi kormos lakin bi aliju. ¹⁴ Douru takum wara salam ma ai wahid, wa kadasa, ashan bidun huwo mafi wahid bi aynu Rabuna. ¹⁵ Kutu bala ashan kede mafi wahid waga min neima ta Allah, wa kede juzur ta waja geliba raba wa sabab mushkila, wa kede ma waskanu nas kutar. ¹⁶ Kutu bala kede ma kun fi zol bi amulu zina wole kede kun fi kafir fi nus takum ze Isu, al bes be akil wahid huwo agder biyu sokol bikir bito. ¹⁷ Ashan intum aruf gali baad dak, wokit huwo biga deir ashan bi rija worisu baraka de, abau le huwo, ashan huwo ma ligo fursa huwo bi tub, sala kan huwo fetisu be moyo ena. ¹⁸ Ashan intum ma ja fi jebel al bi agder lemesu, jebel al bi walau nar, duluma, dabab, wa hawa shedid. ¹⁹ Intum ma ja afuku buri wole ashan sot al bi wonusu kelimat al bi kuttu del al bi asuma bi asalu kede mafi kelima tani wonusu le humon. ²⁰ Ashan humon ma agder ithamal awamir al kelimu: "Kan sala haiwan yau lemesu jebel, huwo lazim bi rejimu." ²¹ Kan manzar dak bi koufu lahad kutu Musa kelim, "Ana bi kafu wa ana bi rogus." ²² Lakin, intum ja le Jebel Sahiyun wa le medina ta Allah al hai, Orshelim ta sama, wa fi hafla ta asharat alf malaikat. ²³ Intum ja fi mahal limu ta bikirat al sejilu humon fi sama. Intum ja le Allah, gadi ta kulu wa le arwah ta nas al adilin al ligo humon timu. ²⁴ Intum ja le Yesuah, al bi amulu wasta ta tifagiya al jedid, wa le dom al rushu al bi wonusu ahsen min dom ta Habil. ²⁵ Aynu kede intum ma aba de al bi wonusu. Ashan kan humon ma jere wokit humon aba zol al wodi inzar le humon fi duniya, zede nina ma bi agder jere kan nina rija bara min al bi wodi inzar min sama. ²⁶ Fi zaman tani, sot Bito kan hizu hizu duniya. Lakin hasa Huwo indu waad wa gali, "Tani mara, Ana bi hizu ma bes duniya, lakin kaman sama." ²⁷ Kelimat del, "Tani mara," mana bito agilau hajat al ma bi agder hizu hizu, al huwo yau, hajat al kan kalagu, lahadi hajat al ma bi agder hizu hizu bi fadulu. ²⁸ Ashan kida, kan nina bi rudu mamlaka al ma bi agder hizu hizu, kede nina kun gowin wa .be nefsu teriga abudu Allah be ihtiram wa kafu. ²⁹ Ashan Allah bita nina Huwo nar al bi akulu