¹ Hasa, akuana, seli le nina,kede kalam ta Rabana kun seri wa be mejidu, ze le itakum kaman. ² Seli ashan bi hariru nina min sher wa nas al batal, ma kulu nas indu iman. ³ Lakin Rabana uwo amin, uwo yau bi asisu itakum wa hafisu intakum min al shrir de. ⁴ Inna indu sikah fi Rabana an itakum, enu intakum gi amulu wa bi istemir amulu hajat al inna weri le itakum. ⁵ Kede Rabuna gedimu gulub takum le hibu Allah wa le tahamul ta al Messih. ⁶ Hassa inna gi wasi itakun, akuana, be isim ta Rabana Yesua Al Mesih, ashan bi beidu ayi aku al bi geni sakit wa ma hasab teriga al intakun ligo min anina. ⁷ Lianu intakun be nefsa takun aruf kuwes asahan bi mesilu min nina. Nina ma ish fi wasat takun ze delin al ma indu indibat, ⁸ Nina ma akulu akil ta ayi zol ligu inna ma dafa. lakin, nina istakal bilel wa nahar fi shukul taab wa zuruf, ashan inna ma bikun tegila le ayi zol. ⁹ Nina amulu de ma ashan nina indu sultan. Lakin, inna amulu de ashan bi kun misal le intakum, ashan intakum bi haki inna. ¹⁰ zaman inna kan ma intakum, nina wusi intakum, ``Kan fi zol al ma der istakal, kede uwu ma akulu. ¹¹ Ashan nina gi asuma gali ta nina fi nus takum ma der istakal. Umun ma gi istakal lakin umun fadi shukul. ¹² Hassa nas ze del nina gi wusi wa gi sheja fi Rabuna Yesua al amessih, kede umun ishtakal be jidia wa bi akulu min hag tomon. ¹³ Lakin intakum, akuana, ma takun fagidu niya fi amulu haja al sah. ¹⁴ Kan fi zol al ma gi tei kalam ta nina fi risala de, lahizu takun uwu wa ma takun shariku ma uwu, ashan fadiya bi amsuku uwu. ¹⁵ Ma takun ayinu uwu ze addu, lakin anziru takun uwu ze aku. ¹⁶ Kele Rabuna ta salam be nefsu wedi le intakum salam fi kulu zaman wa be ayi turuk. Kele rabuna kun ma itakum kulu. ¹⁷ De yau salam tai, Bulus, ma iden tai, al uwu yau alama fi kulu risala. De teriga ta katibu tai. ¹⁸ Kele naima ta Rabana Yesua al .messih Geni ma intakum kulu