¹ Hassa an ja ta Rabana Yesua al Messih wa limu sawa ta nina ashan bi kun ma uwu: nina bi asalu intakum, akuan, ² Enu kede ma hizu intakum gowam fi afkar takum, wele be Roho, wele be risala, kalam al gi bainu kaanu gi ja min nina, al gi wunuso inu yom ta Rabuan kalas ja. ³ Kede mafi zol kabasu itakum be ayi teriga. Uwu ma bi ja ille baat kan rija wara min iman ja, wa alinu insan ta katiya, al uwu ajena ta damar. ⁴ De uwu al gi aridu wa gi arfa nefsa tuo dit de al gi nadi Allah awgi abbudu. Ze netija, uwu geni fi haikal ta Allah wa bainu nefsa tuo ze Allah. ⁵ Intakum ma gi zekir zaman ana kan ma intakum ana weri le itakum hajat de? ⁶ Hassa intakum aruf shunu yau gi akisu uwu, ashan bi zahiru uwu fi zaman al sah. ⁷ Lanu sir ta katiya kalas gi istakal, ille de al gi akisu de bi shilu bara min sika. ⁸ Wa baat kida bizahiru de ta katiya de, al Rabana Yesua bi kadulu be nefes ta kasma tuo. Rabuna bi bidun faida be ruya ta ja ta tuo. ⁹ Al kati al gi ja de bi kun hassab shukul ta sitan, be kulu gowa, alamat, wa mujizat, ¹⁰ wa be kulu kabasa ta adam bir. Hajat de gi ruwa kun ke del al bi beshiru, lanu umun ma rudu muhaba al hagiga ashan biligu kulasa. ¹¹ Le sabab de Allah gi rasulu le umun shukul galat ashan umun bi sedek fi kidib. ¹² Wa netija tuo bi hukumu umun, delin al ma amin fi hagiga lakin umun murtahin be adam bir. ¹³ Lakin inna daiman bi wedi shukur le Allah min ajili intakum, akwana al hibu ma Rabuna. Ashan Allah iktar intakum ze simar al awel le kalas fi tahar ta Roho wa iman fi hagiga. ¹⁴ De haja al uwu nadi itakum be wasat Injiil ta nina ashan intakum bi ligu mejid ta Rabuna ta nina Yesua al Messih. ¹⁵ Ashan kida, akuana, wegif takum gowi. amsuku takum talima al kan deriau le intakum, kan be wasat kalam wele be wasat risala. ¹⁶ Hassa kele Rabana ta nina Yesua al Messih benefsu, wa Allah abu ta nina al hibu inna wa wedi le inna taziya abadi wa sikah al kwes le mustakbal be wasat naima, ¹⁷ Taziya wa asiso .gulub takum fi kulu kalam wa shukul kwes