¹ اما انت اتكلم بالشيء اللى يليق بالتعليم الصحيح. ² علم الشيوخة باه يكونوا فايقين, عندهم هيبة, و متعقلين, صحاح في ليمان و المحبة و الصبر. ³ و النساء لكبار ثاني علمهم يتصرفوا بسيرة تليق بالقداسة, ما يكونوش تاع نميمة و لا تاع شراب, يعرفوا يعلموا الصلاح, ⁴ باه ينصحوا الصغارات يحبوا رجالهم و يحبوا اولادهم, ⁵ يكونوا عاقلين, طاهرين, حاكمين ديارهم, صالحين, يطيعوا رجالهم, باه واحد ما يتهاون بكلمة ربي. ⁶ و ثاني وصي لولاد يكونوا عاقلين, ⁷ كون انت مثال ليهم في فعل الصلاح, رزين و منزه على كل شيء ما يعيبك والو في التعليم تاعك, ⁸ خلي كلامك يكون صحيح ما فيه حتى شوهة, باه لعدو تاعك يتخزى و ما يلقى فيك حتى شر. ⁹ و الخدامين يطيعوا سيادهم, و يخلوهم راضيين عليهم في كلشي, و ما يخالفوش رايهم, ¹⁰ و ما يسرقولهم حتى شيء, و يكونوا صحاب امانة, باه في كل شيء يعلوا من شان تعليم الله اللي خلصنا. ¹¹ على خاطر انعمة الله بانت و هي اللي تمنّع جميع الناس, ¹² و تعلمنا نبَعدوا على الكفر وعلى ملذات الدنيا هاذي, و نعيشوا برزانة و صلاح و مخافة ربي في دار الدنيا, ¹³ و احنا نستناو في النهار السعيد اللي راح يظهر فيه جاه الله العظيم الشان و المخلص تاعنا يسوع المسيح. ¹⁴ اللي ضحى بنفسو على جالنا, باه يفدينا من كل شر, و يجعلنا طاهرين باه نكونوا الشعب تاعو اللي يغير على فعل الخير. ¹⁵ هكذا اتكلم بهذا لكلام, شجع, و انصح بكل عزيمة و سلطان, واحد ما يحقرك.