¹ من عند بولس, عبد الله, و الرسول تاع يسوع المسيح,على جال ايمان الناس اللي خايرهم الله و على جال باه نعرفو الحق, اللي على حساب مخافة الله, ² راجيين لحياة الدايمة, اللي وعدنا بيها الله اللي عمرو ما يكذب, قبل ما تبدى الدنيا. ³ بالصح بيّن كلمتو في الوقت تاعها. بالتبشير اللي حطو ربي امانة بين يديا, على حساب حكم الله اللي يخلصنا. ⁴ ل تيطس, ولدي تاع الصح على حساب شركة ليمان: نعمة و رحمة و سلام من عند الله الاب و ربي يسوع المسيح اللي يخلصنا. خدمة تيطس في كريت ⁵ على هاذي السبّة انا خليتك في كريت باه تكمل تنظم لحوال اللي ما كملتهاش أنا, و تحط على كل مدينة شيوخة كيما وصيتك. ⁶ اذا واحد ما يعيبو حتى شيء, عندو غير مرى واحدة, و اولادو مومنين, ما همش عايشين في النجاسة و عاقلين. ⁷ الشيخ لازم يكون بلا عيب على خاطر هو لوكيل تاع الله, ما يكونش يتكبر, و لا يتغشش في ساع, و ما يكونش سكارجي, و لا تاع عراك و مشاكل, و ما يكونش طماع في مال لحرام. ⁸ يكون كريم يضيف الناس الغرباء, يحب يدير الخير, عاقل, يخاف ربي, عادل, يعرف يتحكم في روحو, ⁹ لاصق ديما في لكلمة الصادقة حساب التعليم, باه يكون قادر يشجع بالتعليم الصحيح و يجاوب على الناس الي تحب تعكس. ¹⁰ على خاطر كاين ياسر من الرافضين اللي يهدروا بكلام الباطل, و يخدعوا في الناس و بالخصوص جماعة الختانة, ¹¹ هاذوك اللي لازم لواحد يقفل لهم فوامهم, يحطموا ديار بكمالها, يعلموا في حوايج ما تصلحش, على جال مال لحرام. ¹² قال واحد منهم, و هم نبي تاعهم: "ناس كريت ديما كذابين. ذيابة واعرين, غير تاع كروشهم". ¹³ وهاذي هدرة حق. لازم تكون واعر معاهم باه يولِي ايمانهم صحيح. ¹⁴ و ما يسمعوش للخرافات تاع ليهود, و باه ما يتبعوش هدرة الناس اللي بعدوا على الحق. ¹⁵ كل شيء للطاهرين طاهر, اما المنجوسين و اللي ماهمش مومنين ما عندهم حتى حاجة طاهرة, على خاطر مخهم خامج و حتى الضمير تاعهم ثاني. ¹⁶ يقولوا باللي همّا يعرفوا ربي, بالصح ينكروه بأفعالهم همّا منجوسين وعاصيين لله, ما يعرفوش يعملوا حتى حاجة صالحة.