¹ من ضرك ما كاين حتى حكم على الناس اللي راهم في المسيح يسوع, اللي يمشيو بالروح و ما يمشوش بالجسد. ² على خاطر شرع روح لحياه في المسيح يسوع حررني من شرع المعصية و الموت. ³ و الشيء اللي عجز عليه الشرع, عجز عليه على خاطر الجسد ضعيف. و كي بعث الله وليدو في جسم يشابه للجسم تاع المعصية, باه يكون كفارة على المعصية, حكَم على المعصية في الجسد, ⁴ باه يتم فينا الحكم الشرعي, احنا اللي ماشيين بالروح موش بالجسد. ⁵ على خاطر اللي هما في الجسد يهمهم الجسد, و اللي هما في الروح تهمهم الروح. ⁶ و الاهتمام تاع الجسد هو موت, و الاهتمام تاع الروح هو حياة وهناء. ⁷ اهتمام الجسد هو عداوة لله, على خاطر ماهوش خاضع لشرع الله, و ثاني ما يقدرش يكون خاضع ليه. ⁸ و الناس اللي يمشيو بالجسد ما يقدروش يرضيو الله. ⁹ واذا كان الروح تاع الله ساكن فيكم, انتوما ما كمش في الجسد, انتوما في الروح. بالصح اذا كان واحد ما فيهوش الروح تاع المسيح, هاذاك ماهوش للمسيح. ¹⁰ و اذا كان المسيح فيكم, الجسد راح يموت بسبة المعصية, اما الروح تكون لها حياة بسبة التبرير. ¹¹ و اذا كان الروح تاع اللي قوَّم المسيح من بين الموتى ساكن فيكم, مالا اللي قوّم المسيح من بين الموتى راح يحييكم انتم ثاني بالروح تاعو اللي ساكن فيكم. ¹² مالا يا خاوتي ما ناش ملزمين بالجسد باه نعيشوا حساب الجسد. ¹³ على خاطر كان عشتوا للجسد راح تموتوا, بالصح اذا كنتوا بالروح تقتلوا لعمال تاع الجسد رايحين تحياو. ¹⁴ على خاطر كل اللي يقودهم الروح تاع الله, هاذوك هما اولاد الله. ¹⁵ و انتوما ما ديتوش روح العبودية باه تخافوا, انتوما ديتوا روح التبني اللي بيه ننادي: "يا آب الآب". ¹⁶ و الروح بذاتو يشهد للارواح تاعنا باللي رانا اولاد الله. ¹⁷ و اذا كنا احنا اولاد نكونوا احنا همّا الوراثة و وارثين مع المسيح. اذا كنا نتعذبوا معاه هذا الكل باه نتمجدوا ثاني معاه. المجد اللي راح يجي ¹⁸ و نشوف باللي لعذاب تاع هاذي لحياة ما يتقاسش بالجاه الي راح يظهر فينا. ¹⁹ على خاطر الدنيا كاملة تستنى غير وقتاه يظهروا اولاد الله. ²⁰ على خاطر الدنيا كاملة تحطت في الباطل - بلا ما كانت حابة, بالصح على جال اللي حطتها - حتى يجي الوقت, ²¹ على خاطر الدنيا في ذاتها راح تتحرر من العبودية تاع لفساد و يبان فيها الجاه تاع اولاد الله. ²² رانا عارفين كلنا كيفاه الخليقة كاملة قاعدة تتوجع اوجاع كيما تاع لولادة. ²³ و موش هاذا برك, حتى احنا اللي لينا الباكورة تاع الروح, احنا ثاني نتوجعوا في ارواحنا, نستناو في التبني باه تتفدى اجسامنا. ²⁴ على خاطر منعنا بالرجاء. و الرجاء اللي نشوفوه ما بقاش رجاء, على خاطر الواحد ما يرجاش حاجة يشوف فيها قدامو؟ ²⁵ بالصح الرجاء تاعنا مازال ما بانش و رانا صابرين نستناو فيه. ²⁶ و حتى الروح ثاني يعاوننا على ضعفنا, على خاطر احنا ما نعرفوش كيفاه نصلِيوْ كيما لازم. بالصح الروح في ذاتو هو اللي يشفع فينا عند الآب بواحد الانّات ما تتوصفش. ²⁷ على خاطر الله هو كاشف لقلوب و عارف واش هو الاهتمام تاع الروح. و كيفاه يشفع في القديسين حساب واش يحب الله. ²⁸ و احنا عارفين باللي لحوايج الكل مع بعضاها تعمل للخير للناس اللي يحبوا ربي. اللي ناداهم على حساب قصدو. ²⁹ على خاطر اللي خايرهم من قبل خصصهم باه يكونوا مشابهين للصورة تاع وليدو, اللي هو البكر بين خاوة ياسر. ³⁰ و اللي خايرهم من قبل, هاذوك ناداهم ثاني. واللي ناداهم, برّرهم , واللي برّرهم, مدلهم الجاه ثاني. شكون راح يفصلنا على محبة المسيح ³¹ واش نزيدوا نقولوا بعد هاذا الكل؟ اذا كان الله معانا, شكون يقدر يكون ضدنا؟ ³² الله اللي ما شفقش على وليدو. بالصح سلْموا للموت على جالنا احنا الكل, كيفاه ما يمدلناش معاه كلشيء؟ ³³ شكون يقدر يشكي على اللي خايرهم الله؟ الله هو اللي يبرر. ³⁴ شكون اللي يقدر يدين؟ المسيح هو اللي مات, و هو ثاني اللي قام, و هو ثاني اللي على ليمين تاع الله. و هو ثاني اللي يشفع فينا. ³⁵ شكون يفصلنا على لمحبة تاع المسيح؟ الشدّة و الا الضيق و الا القهرو الا الجوع و الا لعرى و الا الخطر و الا السيف؟ ³⁶ كيما مكتوب: "على جالك كل يوم نتقتلوا. و كي لغنم نتذبحوا ". ³⁷ و بالصح في هاذي الصعوبات الكل نصرتنا كبيرة باللي حبْنا. ³⁸ و انا مثبت باللي لا لموت ولا لحياة, و لا ملايكات ولا سلاطين و لا قوات, و لا الحاضر ولا اللي جاي, ³⁹ ولا علو و لا عمق, و لا اي خليقة واحدة اخرى, تقدر تفصلنا على محبة الله اللي في المسيح يسوع ربنا.