¹ و احنا كي تبررنا بالايمان ولّينا في امان مع الله بيسوع المسيح ربنا, ² اللي دخلنا بالايمان بيه, لهاذي النعمة اللي رانا ساكنين فيها, و عندنا فُخرة باه نشاركوا في المجد تاع الله. ³ و موش هاذا برك, تزيد الفخرة تاعنا حتى في الصعوبات, عارفين باللي الشدّة تعلم الصبر, ⁴ و الصبر امتحان, و الامتحان رجاء, ⁵ و رجانا ما يخيب, على خاطر لمحبة تاع الله تصبت في قلوبنا بالروح القدس اللي عطانا الله. ⁶ على خاطر و احنا مازلنا في الضعف, مات المسيح في الوقت المطلوب على جال المذنبين. ⁷ و قليل وين يموت واحد على جال واحد تقي. و بلاك يقدر واحد يموت على جال واحد صالح. ⁸ بالصح الله بيّن لمحبة تاعو لينا, حتى واحنا مازلنا في الذنوب مات المسيح على خاطرنا. ⁹ و بالخصوص ضرك كي زدنا تبررنا بالدم تاعو راح نمنعوا بيه من السخط تاع الله. ¹⁰ على خاطر و احنا كنّا لعديان تاع الله صالحنا بالموت تاع ابنو, مالا كيفاه راح يكون ضرك و احنا متصالحين معاه, راه نمنعوا بحياتو! ¹¹ و موش هاذا برك, بالصح نزيدوا نفخروا بالله ثاني, بربنا يسوع المسيح, اللي بيه هو نلنا المصالحة ضرك. الموت من ادم و الحياة بالمسيح ¹² و على هاذا كيما دخلت المعصية بانسان واحد للعالم, و بالمعصية دخل الموت, و هكذا عدّى الموت للناس الكل, على خاطر كلهم غلطوا. ¹³ و المعصية كانت في العالم قبل ما يكون شرع الله لموسى. و بالصح على خاطر ما كانش الشرع موجود المعصية ما تتحسبش. ¹⁴ و الموت ساد على الناس من ادم حتى لموسى, و حتى الناس اللي ماداروش معصية كيما المعصية تاع ادم, و كان ادم هو المثال على اللي راح يجي من بعدو. ¹⁵ بالصح المفعول تاع المعصية ماهوش كيما المفعول تاع الهِبة. على خاطر اذا كان الموت ساد على الناس بالمعصية تاع راجل واحد, مالا كيفاه تفيض النعمة تاع الله, و المعطى اللي وهبها بالنعمة بالانسان الواحد يسوع المسيح تفيض على ناس ياسر! ¹⁶ و النتيجة تاع معصية انسان واحد ما هيش كيما نتيجة المعطى تاع الله. على خاطر الحكم على المعصية يجيب لهلاك, اما الهبة تاع الله جابت التبرير على ذنوب ياسر. ¹⁷ اذا كان الموت ساد على جال المعصية تاع راجل واحد, مالا كيفاه تفيض النعمة تاع الله للناس اللي ينالوا فيض النعمة و المعطى تاع التبرير, راح يملكوا لحياة بالواحد يسوع المسيح! ¹⁸ مالا كيما بمعصية واحدة جاء الحكم بالهلاك على الناس الكل, ثاني بالبر تاع واحد صرات الهبة للناس الكل, التبرير اللي يمد لحياة. ¹⁹ على خاطر كيما المعصية تاع الانسان الاول جعلت الناس الكل مذنبين, هكذاك ثاني الطاعة تاع الواحد راح تجعل ناس ياسر ابرار. ²⁰ و كي توجد الشرع كثرت المعصية. بالصح وين كثرت المعصية زادت النعمة اكثر و اكثر. ²¹ حتى كيما ملكت المعصية في الموت, ثاني تملك النعمة في البر, للحياة الدايمة, بيسوع المسيح ربنا.