¹ مالا فاش خير ليهودي, و واش الفايدة تاع الطهارة؟ ² ياسر على كل حال! اما اول حاجة على خاطر الله حط اقوالو امانة بين يديهم. ³ وش لو كان كاين منهم اللي ماهومش امناء؟ و لعل كي هما ماهمش امناء هذا يعطل الامانة تاع الله؟ ⁴ حاشا! بالصح يكون الله صادق و كل انسان كذاب. كيما راه مكتوب:" باه تتبرى في كلامك, و تغلب كي تشارع". ⁵ بالصح كي عاد الاثم تاعنا يبين عدالة الله مالا واش نقولوا؟ و لعل الله الي يجيب العقاب راه اله ظالم؟ راني نتكلم بحساب العقلية تاع البشر. ⁶ حاشا! مالا كيفاه الله يحاسب الناس؟ ⁷ على قد ما انا نزيد نكذب يبان الصدق تاع الله و المجد تاعو, علاش مالا يحاسبني كلي راني غالط؟ ⁸ ولى رانا مظلومين, ولى كيما يقولوا وحايد:" كي نعملوا الشرور تجينا الخيرات "؟ هاذوك يتعاقبوا على حساب الحق. ما كاين حتى واحد بار ⁹ مالا واش؟ احنا خير من غيرنا؟ لا ما كانش منها خلاص! احنا قبل قلنا بلي ليهود و اليونانيين كلهم تحت المعصية. ¹⁰ كيما راه مكتوب: "ما كانش حتى واحد بار حتى واحد". ¹¹ ما كانش شكون يفهم. ما كانش شكون يطلب الله. ¹² كلهم ضلوا وفسدوا كاملين. ما كانش شكون يعمل الصلاح ما كاين حتى واحد. ¹³ قراجمهم قبورة معرية. بلسانتهم يمكروا. سم لفاعي تحت شواربهم . ¹⁴ و فامهم مليانة دعاوي ومرارة . ¹⁵ رجليهم تجري باه تسيح الدم. ¹⁶ في جرتهم الظلم والعنف. ¹⁷ و طريق السلام ما يعرفوه. ¹⁸ و مخافة ربي ما تجيش بين عينيهم خلاص". ¹⁹ رانا عارفين بلي كل ما تقولو الشريعة تتكلم بيه للناس الي تحت الشريعة, باه كل لفام تتسد, و يولي العالم كامل تحت عقاب الله. ²⁰ على خاطر بالاعمال اللي في الشرع تاع الله ما يتبرر حتى واحد قدامو. على خاطر الشرع يزيد يخليك تعرف المعصية. البراءة وليمان ²¹ بالصح ضرك بانت العدالة تاع الله بلا شرع, و شرع الله ولنبياء راهم شاهدين ليه, ²² العدالة تاع الله بليمان بيسوع المسيح, لجميع و على جميع من بامنوا بيه . على خاطر ما كاين حتى فرق . ²³ على خاطرالكل غلطوا و راهم محتاجين للمجد تاع الله، ²⁴ يديو البراءة بلاش بالنعمة تاعو بالدية اللي خلصها بيسوع المسيح، ²⁵ اللي بالايمان بيه مد الله كفارة الذنوب بالدم تاعو, باه يبين العدالة تاعو، و يغفرالذنوب اللي فاتت في الوقت اللي الله كان يتأنى على الناس، ²⁶ باه يبين العدل تاعو في الزمان الحاضر ، باه يكون عادل و يبرئ كل اللي عندو ليمان بيسوع. ²⁷ مالا وين راهي الفخرة؟ ما كانش تنحات. بواش من شرع؟ بالشرع تاع لفعال؟ لا ابدا. بالصح بالشرع تاع ليمان. ²⁸ مالا نحسبوا بلي الانسان يتبرى بليمان بلا ما يعمل لفعال الي يطلبها الشرع. ²⁹ والا الله غير لليهود وحدهم؟ علاش ماشي للامم ثا ني؟ نعم, الله حتى للامم ثاني. ³⁰ على خاطر لله واحد, و هو اللي يبرر لمختنين بليمان واللي ماهمش مختنين باليمان ثاني. ³¹ مالا نعطلوا الشرع بالايمان؟ حاشا بالصح هكذا نثبتوا الشرع .