¹ نطلب منكم يا خاوتي على وجه لحنانة تاع ربي قدموا اجسادكم ذبيحة حية مقدسة مقبولة عند ربي, اللي هي عبادتكم الروحية. ² و ما تكونوش كيما اهل هاذي الدنيا, بالصح بدّلوا العقلية تاعكم, باه تقدروا تعرفوا واش يحب الله: لحوايج تاع الصلاح و اللي ترضيه و اللي ما فيها حتى شوهة. ³ بالنعمة اللي مد هالي ربي نقول لكم, لكل واحد فيكم: ما يكَبّرش روحو اكثر من اللازم, و يرَزن روحو, على قد واش قسَملو ربي من الايمان. ⁴ و كيما عندنا اعضاء ياسر في بدن واحد, بالصح موش كل الاعضاء تخدم نفس الخدمة, ⁵ هكذاك احنا على قد ما رانا ياسر: بالصح نبقاو بدن واحد في المسيح, و اعضاء تاع بعضانا, كل واحد فينا يكمل لاخر. ⁶ و عندنا مواهب متنوعة حساب النعمة اللي عطاهالنا ربي: اللي عندو الموهبة تاع النبوءة يتنبأ بالايمان , ⁷ و اللي عندو الموهبة تاع الخدمة, يخدم, واللي عندو الموهبة تاع التعليم يعلّم, ⁸ و اللي عندو الموهبة تاع الوعظ يوعظ, و اللي يحب يمد يكون كريم, و اللي يسَيَر يكون مجتهد, و اللي يرحم يرحم و هو فرحان. لمحبة ⁹ خليوْ لمحبة تكون بلا نفاق. بعْدوا على الشر, و الصقوا في الخير. ¹⁰ ودّوا بعضاكم بالمحبة كيما الخاوة تاع الصح, قدْروا بعضاكم. ¹¹ ما تفْشلوش اخدموا باجتهاد, كونوا في الروح شاعلين, لله عابدين , ¹² في الرجاء كونوا فرحانين, وقت الضيق كونوا صابرين, متعودين على الصلاة, ¹³ متعاونين مع بعضاكم باه تساعدوا الخاوة القديسين, ضيْفوا دايما الغرباء. ¹⁴ باركوا اللي يقهروكم. باركوهم و ما تدعيوش عليهم. ¹⁵ افرحوا مع اللي يفرحوا و ابكِيوْ مع اللي يبكيوْ. ¹⁶ كونوا متفاهمين الكل ما بعضاكم, ما تشوفوش للامور اللي لفوق بالصح كونوا متواضعين, ما تحسبوش ارواحكم حكماء. ¹⁷ ما تكافيش الشر بالشر. اعملوا غير لحوايج لمليحة قدام الناس. ¹⁸ و اذا كان قدرتوا سالموا الناس الكل على قد ما تقدروا. ¹⁹ يا لحباب, ما تفدِيوْش الثار تاعكم, وكّلوا ربي, على خاطر قال في لكتاب: "خليوْ النقمة ليّا انا و انا نجازي, يقول الرب". ²⁰ "كان عدوك جاع وكّلو. و كان عطش ارويه. كي تدير كيما هاكذا تلم لو الجمر فوق راسو". ²¹ ما تخليش الشر يغلبك بالصح بالخير اغلب الشر.