¹ و زاد ورالي واد صافي يجري بالماء تاع لحياة يلمع كي لقزاز, خارج من العرش تاع الله و لخروف. ² و في وسط السوق تاعها و على جوانب الواد منا و منّا, شجرة حياة تخَرج ثناش ن ثمرة, و كل شهر تخّرج ثمارها, و لورق تاع الشجرة فيه الشفاء للامم. ³ و ما تزيدش تكون حتى لعنة. و عرش الله و لخروف يكونوا فيها, و العباد تاعو يخدمو فيه. ⁴ و راح يشوفوا الوجه تاعو, و يكون اسمو على جباههم. ⁵ و ثمة ما يكونش ليل, و ما يحتاجوش لا للمصباح و لا للضوء تاع الشمس, على خاطر الرب الاله ينّور عليهم, و راح يملكوا لابد الابدين. ⁶ و من بعد قال لي: "هاذي الاقوال امينة و صادقة. و الرب الاله تاع لنبياء و القديسين يعث الملاك تاعو باه يكشف لعبادو واش لازم يصير ف لقريب العاجل". المسيح راح يجي ف لقريب العاجل ⁷ "انا راح نجي ف لقريب العاجل. يا سعد اللي يعمل باقوال النبوة اللي ف هاذا لكتاب". ⁸ و انا يوحنا اللي يشوف و يسمع ف هاذا الكلام. و كي سمعت و شفت, ركعت باه نسجد عند رجلين الملاك اللي كان يوريلي ف هاذا الشيء كامل. ⁹ بالصح هو قال لي: "لا ما تسجد ليّا! انا عبد كيما انت كيما خاوتك الانبياء, اللي يعملوا بالاقوال تاع هاذا لكتاب. اسجد لله!". ¹⁰ و قال لي: "ما تخبيش اقوال النبوة اللي ف هاذا لكتاب, على خاطر الوقت قريب. ¹¹ اللي كان يظلم يداوم على الظلم. و اللي كان منجوس يبقى ف نجاستو. و اللي كان صالح يداوم على الصلاح. و اللي كان قديس يبقى ف قداستو". ¹² " و انا اني جاي عن قريب و معايا الجزاء باه نجازي كل واحد على حساب اعمالو. ¹³ انا هو الالف و الياء, البدية و التمام, لول و لاخر". ¹⁴ يا سعد الناس اللي يعملوا بالوصية باه يكون عندهم سلطان على شجرة لحياة, و يدخلوا للمدينة من البيبان, ¹⁵ على خاطر خارج لمدينة كاين لكلاب و السحارين و الناس الزانيين و القتالين و عبادين لوثان, وكل كذّاب يحب لكذب. ¹⁶ "انا يسوع, بعثت الملاك تاعي باه يشهد بهاذي الامور ف الكنايس. انا اصل داود و ذريتو. انا كوكب الصبح الضاوي". ¹⁷ و الروح و العروسة يقولوا: "تعالى!". و كل من يسمع يقول: "تعالى!". و من كان عطشان يجي. و كل من يحب يدي ماء لحياة بلاش. ¹⁸ انا ننبه كل من يسمع هاذي لقوال تاع النبوة اللي ف هاذا لكتاب: كل من يزيد عليه, يزيدو الله على الضربات المكتوبة ف هاذا لكتاب. ¹⁹ و كل من ينقص منو, ينحي الله نصيبو من كتاب لحياة, و من لمدينة لمقدسة, و من الشيء اللي مكتوب ف هاذا لكتاب. ²⁰ الشاهد على هاذي الامور يقول: "نعم! انا راني جاي ف لقريب العاجل". امين. تعالى يا ربي يسوع. ²¹ النعمة تاع ربنا يسوع المسيح تكون معاكم اجمين. امين.