¹ الاعلان تاع يسوع المسيح اللي وهبو الله باه يكشف لعبادو الشيء اللي راح يصرى عن قريب, بعث الملاك تاعو باه يخبر بيه العبد تاعو يوحنا, ² اللي شهد بكلمة الله و بشهادة يسوع المسيح بالشيء اللي شافو كامل. ³ يا سعد الناس اللي يقراو و اللي يسمعوا اقوال النبوة, و يطبقوا الشيء المكتوب فيها, على خاطر قرّب الوقت. سلام للكنايس السبعة ⁴ من عند يوحنا, للكنايس السبعة اللي ف اسيا: عليكم النعمة و السلام من الكاين و اللي كان و اللي جاي, و من عند السبعة ارواح اللي قدام العرش تاعو, ⁵ و من عند يسوع المسيح الشاهد الامين, البكر اللي حيا من بين الموتى, و رايس ملوك لرض: اللي حبنا, و غسلنا من ذنوبنا بالدم تاعو, ⁶ و جعلنا ملوك و كهنة لله باباه, ليه الجاه و القدرة على دوام الدهور. امين. ⁷ ها هو جاي فوق السحاب, و راح يشوفوه الناس الكل, و حتى الناس اللي طعنوه, و تنوح عليه القبايل الكل تاع الدنيا. نعم امين. ⁸ "انا هو الالف و الياء, البدية و التمام" يقول الرب الكاين و اللي كان و اللي جاي, القادر على كل شيء. واحد يشابه لابن الانسان ⁹ انا يوحنا خوكم و شريككم ف المحنة و ف الملكوت تاع يسوع المسيح و الصبر تاعو. كنت ف الجزيرة اللي يسموها بطمس منفي على جال كلمة الله, و على جال الشهادة اللي شهدت بيها ليسوع المسيح. ¹⁰ كنت ف الروح ف يوم الرب, و سمعت من ورايا صوت عظيم تقول عليه صوت تاع بوق ¹¹ يقول: "انا هو الالف و الياء. لول و لاخر. و الشيء اللي راح تشوفوا اكتبوا ف كتاب و ابعثو للكنايس ف سبعة اللي ف اسيا: لكنيسية افسس, و لكنيسية سميرنا, و لكنيسية برغامس, و لكنيسية تياتيرا, و لكنيسية ساردس, و لكنيسية فيلادلفيا, و لكنيسية لاودكية". ¹² تلفتت باه نشوف الصوت اللي هدر معايا. و كي تلفتت شفت سبع مناير تاع ذهب, ¹³ و ف وسطهم كاين واحد يشابه لابن الانسان, لابس ثوب ابيض يوصل حتى لرجليه, و محزم صدرو بحزام تاع ذهب. ¹⁴ اما راسو وشعرو كانوا ابيض من الصوف تقول عليهم ثلج, و عينيه كيما اللهيب تاع النار. ¹⁵ و رجليه يشابهوا للنحاس الصافي, تقول عليهم مصقولين ف السامور. و صوتو تقول عليه صوت الماء لغزير. ¹⁶ و ف ايدو ليمنى سبعة كواكب, و من فمو يخرج سيف مسنون من لجيهتين, و وجهو كي الشمس كي تعود ضاوية ف عز قوتها. ¹⁷ كي شفتو طحت عند رجليه تقول عليّا ميت, حط عليّا ايدو ليمنى و قال لي: "ما تخافش, انا هو لول و لاخر, ¹⁸ و الحي. كنت ميت, و انا اليوم حي على دوام الدهور! امين. و بيدي مفاتح الموت و الهاوية. ¹⁹ اكتب الشيء اللي شفتو, و الشيء اللي كاين ضرك و الشيء اللي راح يكون من بعد. ²⁰ السر تاع الكواكب السبعة اللي شفتها على ايدي ليمنى, و السر تاع مناير الذهب السبعة: الكواكب السبعة هي الملايكة تاع الكنايس السبعة, المناير السبعة اللي شفتها هي الكنايس السبعة".