¹ اكتب للملاك تاع كنيسية افسس: "هاذا واش يقول اللي حاكم الكواكب ف سبعة في ايدو ليمنى, اللي يمشي وسط مناير الذهب ف سبعة: ² انا عارف لعمال و التعب و الصبر تاعك, و عارف انك ما تقدرش تستحمل شر لشرار, و تحققت من الناس اللي قالوا باللي راهم رسل بالصح ماهمش رسل, و لقيتهم كذّابين. ³ و استحملت و صبرت, و تعبت على جال اسمي و ما مليتش. ⁴ بالصح نلوم عليك ف حاجة: انت خليت محبتك لولى. اتفكر منين طحت و توب, و ارجع للاعمال تاعك لولى, ⁵ ما كانش نجي عن قريب و نزحزح لمنارة تاعك من مضربها, لو كان ما تتوبش. ⁶ بالصح هاذا الشيء اللي يعجبني فيك: انت تكره لعمال تاع النيقولاويين اللي نكرها انا ثاني. ⁷ اللي يحب يسمع يسمع واش يقول الروح للكنايس. اللي يغلب راح نعطيه ياكل من شجرة لحياة اللي ف وسط الفردوس تاع الله". ل الكنيسية ف سميرنا ⁸ و اكتب للملاك ف كنيسية سميرنا: "هاذا واش يقول لول و لاخّر, اللي كان ميت و حيا: ⁹ انا عارف اعمالك و محنتك و فقرك بالرغم اللي انت غني. و النفاق تاع الناس اللي يقولوا: همّا يهود بالصح ماهمش يهود, همّا مجمع تاع الشيطان. ¹⁰ ما تخافش خلاص من لعذاب اللي رايح يعدي عليك. الشيطان راح يدّخل جماعة منكم للحبس باه يجربكم, و تكونوا ف شدّة مدة عشرة ايام. كون امين حتى للموت و راح نعطيك تاج لحياة. ¹¹ اللي يحب يسمع يسمع واش يقول الروح للكنايس. اللي يغلب ما يضروش الموت الثاني". ل الكنيسية ف برغامس ¹² اكتب للملاك ف كنيسية برغامس: "هاذا واش يقول مول السيف المسنون من الجيهتين: ¹³ انا عارف اعمالك, و عارف وين تسكن وين كرسي الشيطان. و انت حاكم ف اسمي, و ما نكرتش الايمان بيّا حتى ف الوقت اللي استشهد فيه الشهيد الامين ليّا اللي تقتل عندكم وين يسكن الشيطان. ¹⁴ بالصح نلوم عليك ف الحاجة هاذي: عندك ثمة جماعة مازالوا حاكمين ف تعليم بلعام, اللي كان ينصح بالاق باه ينصب شبكة لبني اسرائيل: يخليهم ياكلوا من الذبايح المذبوحة للاصنام, و يزنِيوْ. ¹⁵ و عندك ثاني جماعة حاكمين ف التعليم تاع النيقولاويين اللي نبغضو. ¹⁶ توب ما كانش نجيك عن قريب و نحاربهم بالسيف اللي ف فمي. ¹⁷ اللي يحب يسمع يسمع واش يقول الروح للكنايس. اللي يغلب نعطيه ياكل من المن المخبي, و نعطيه حصوة بيضاء, و على الحصوة البيضاء منقوش اسم جديد واحد ما يعرفو غير اللي ينالو". ل الكنيسية ف ثياتيرا ¹⁸ و اكتب للملاك اللي ف كنيسية ثياتيرا: "هاذا واش يقول ابن الله, اللي عينيه تقول عليهم لهيب نار, و رجليه كيما النحاس المصقول: ¹⁹ انا عارف الاعمال تاعك وعارف قداه عندك من محبة و خدمة و ايمان و صبر, و عارف باللي اعمالك التالية اكثر من اعمالك لولى. ²⁰ بالصح عندي واش نلوم عليك: انت مسيّب لمرى ايزابل اللي حاسبة روحها نبية, تعلّم و تغوي ف عبادي باه يزنيو وياكلوا الذبايح المذبوحة للاوثان. ²¹ انا عطيتها مهلة باه تتوب على الزنا تاعها بالصح هي ما حبتش تتوب. ²² راح نرميها ف فراش لعذاب, و نرمي اللي قاعدين يزنيو معاها ف ضيقة كبيرة, لو كان ما يتوبوش على اعمالهم. ²³ و نقتل اولادها قتل. باه الكنايس الكل تعرف باللي انا هو كاشف النوايا و لقلوب, و نجازي كل واحد منكم على حساب اعمالو. ²⁴ بالصح نقول لك و للاخرين اللي ف ثياتيرا, انتم اللي لا تبعتوا هاذا التعليم, و لا عرفتوا الشيء اللي يقولوا عليه, اسرار الشيطان: ما نزيديش نثقل عليهم ب حمل اخر, ²⁵ بالصح احكموا مليح ف الشيء اللي عندكم حتى نجي. ²⁶ كل من يغلب و يحافظ على خدمتي حتى للاخر نعطيه سلطان على الامم, ²⁷ يرعاهم بعصا تاع حديد, كيما ماعون الفخّار يتكسروا, كيما الشيء اللي نلتو انا من عند بابا. ²⁸ و راح نعطيه كوكب الصبح. ²⁹ اللي يحب يسمع يسمع واش يقول الروح للكنايس".