¹ "عندكم لا تديروا الصداقة تاعكم باه يشوفوكم الناس, ما يكون عندكم حتى اجر عند باباكم اللي في السماوات. ² كي تحب تصدق على واحد ما تشنعش حتى يسمعوا بيك الناس الكل, كيما يديروا الناس المنافقين في المجامع و في الزنق. نقول لكم الحق: هاذوك اداو الاجر تاعهم خلاص! ³ اما انت كي تحب تصدق حتى يدك ليسرى ما تخليهاش تعرف واش دارت يدك ليمنى, ⁴ كي تكون الصداقة تاعك في الستر. باباك اللي ما تخفى عليه خافية هو يجازيك قدام الناس الكل.الصلاة ⁵ و كي تحبوا تصيليِو ما تكونش كيما المنافقين, اللي يحبوا يوقفوا في وسط المجامع و في الطريق, باه ينعتوا ارواحهم و يشوفوهم الناس. نقول لكم الحق راهم ادّاو لجر تاعهم! ⁶ و اما انت كي تجي تصلي ادخل لبيتك و اقفل بابك, و صلي لباباك اللي في لخفاء. و باباك اللي ما تخفى عليه خافية يكافيك جهار. ⁷ و كي تصليو ما تعاودوش لكلام باطل كيما يديروا الناس لخرين, حاسبين باللي كي يكثروا من الهدرة يتقبل ربي صلاتهم. ⁸ ما تديروش كيما يديروا همّا. على خاطر باباكم يعرف الشيء اللي تحتاجوه قبل ما تطلبوه. ⁹ "صلوا انتوما هكا" : بابانا الفوقاني يا اللي في السماء موجود, اسمك بالقداسة يجود. ملكوتك قريب يعود. ¹⁰ خلي مشيئتك كيما اللي في السماء, في ارضنا تسود. ¹¹ ارزقنا خبز نهارنا اللي يكفينا, ¹² و اغفر ذنوبنا كيما نغفروا للغلطوا فينا. ¹³ و في المحنة لا تعدينا, و من فاعل الشر نجينا. انت مولى الملك و القوة, ليك المجد على الدوام. امين. ¹⁴ اذا كان غفرتوا لغيركم يغفر لكم باباكم اللي في السماء. ¹⁵ و اذا انتوما ما تسامحوش, حتى باباكم ما يسامحكمش. الصوم ¹⁶ و كي تصوموا ما تكونوش متغشين كيما الناس المنافقين, اللي يحبوا يبانوا للناس صايمين, نقول لكم الحق: هاذوك اداو لجر تاعهم. ¹⁷ اما انت كي تصوم امشط شعرك و اغسل وجهك, ¹⁸ باه ما تبانش للناس صايم, انت تصوم لباباك اللي في لخفاء, و باباك اللي ما تخفى عليه خافية يكافيك جهار. كنوز في السماء ¹⁹ ما تكنزوش كنوزكم في لرض و تبقى حتى ياكلها السوس و الصدأ, و الا تتسرق. ²⁰ اكنزوا كنوزكم في السماء, لا يفسدها سوس و لا ياكلها صدأ, و واحد ما يقدر يسرقها, ²¹ على خاطر وين يكون كنزك يكون قلبك ثاني. ²² البصيرة هي النور تاع الانسان, اذا كانت البصيرة تاعك صحيحة يكون كل ما فيك منور, ²³ و اذا كانت البصيرة تاعك مريضة يكون كل ما فيك ظلمة و الظلمة كيفاه تكون! ²⁴ "الواحد ما يقدرش يخدم عند زوز اسياد, على خاطر اما راح يبغض واحد فيهم و يحب لاخر, و الا راح يقعد مع واحد فيهم و يحقر لاخر. ما تقدروش تخدموا الله والمال مع بعضاهم. ربي يتكفل بينا ²⁵ "على هاذيك نقول لكم: ما تقلقوش على معيشتكم واش تاكلوا و الا واش تشربوا. و لا على بدنكم واش تلبسوا. ياخي لحياة خير الماكلة, و البدن خير من اللبسة؟ ²⁶ شوفوا لفراخ: لا تزرع لا تحصد و لا تخبي في المخزن, و باباكم اللي في السماء هو اللي يرزقها بالقوت. و علاه موش انتوما خير منها خلاص؟ ²⁷ شكون منكم اذا تقلق يقدر يزيد في الطول تاعو حتى لو كان شبر واحد؟ ²⁸ و علاش تتقلقوا على اللبسة؟ شوفوا النوّار في المرجة كيفاه ينبت لا يتعب لا يغزل. ²⁹ نقول لكم: حتى سليمان في غزّو و جاهو كامل ما لبسش كيما واحدة منهم. ³⁰ اذا كان نوار المرجة اللي اليوم ينبت وغدوى يحرقوه, يلّبسو ربي كيما هكّا, كيفاه ما يلبسكمش انتوما يا ضعاف الايمان؟ ³¹ ما تخموش هكا: واش ناكل؟ واش نشرب؟ واش نلبس؟ ³² هاذي لحوايج الكل تفركت عليها الناس اللي ما تامنش بربي. انتوما باباكم يعرف باللي تحتاجوا هاذي الكل. ³³ اطلبوا قبل كل شيء الملكوت تاع الله و االعدل تاعو, و هاذي الكل يزيد هالكم. ³⁴ ما تهزوش الهم تاع غدوى, غدوى يتوله بروحو. يكفي اليوم التعب تاعو.